ज्ञानेश्वर माऊलींचा ७२५ वा रौप्यमहोत्सवी संजीवन समाधी सोहळा भावपूर्ण वातावरणात संपन्न !

आळंदी (जिल्हा पुणे) – ‘माऊली माऊली’, ‘ज्ञानेश्वर माऊली, ज्ञानराज माऊली तुकाराम’ या जयघोषात घंटानाद करत आणि समाधीवर पुष्पवृष्टी करून भावपूर्ण वातावरणात ज्ञानेश्वर माऊलींचा ७२५ वा रौप्यमहोत्सवी संजीवन समाधी सोहळा पार पडला. पवमान अभिषेक, कीर्तन, टाळमृदुंगाच्या गजरात हैबत बाबांच्या दिंडीची प्रदक्षिणा, घंटानाद, अभिषेक, आरती आणि जयघोषात माऊलींच्या समाधीवर होणारी पुष्पवृष्टी यांनी समाधी सोहळा साजरा झाला.