राष्ट्रीय महिला आयोगाने नसरापूर प्रकरणाची नोंद घेत तीव्र संताप व्यक्त केला !

पुणे – ‘राष्ट्रीय महिला आयोगा’ने भोर तालुक्यातील नसरापूर येथे घडलेल्या अल्पवयीन मुलीवरील अत्याचार आणि हत्या प्रकरणाची नोंद घेतली असून महिलांच्या सुरक्षेच्या संदर्भात चिंता व्यक्त केली आहे. असे गुन्हे म्हणजे मुलांच्या हक्कांचे होणारे उल्लंघन आहे. समाजाच्या सुरक्षा व्यवस्थेवर असे प्रसंग प्रश्नचिन्ह निर्माण करतात. आयोगाने या अमानवीय कृत्याचा निषेध केला आहे. अल्पवयीन मुलीच्या कुटुंबाला त्वरित साहाय्य आणि हानीभरपाई देणे, पॉक्सो कायद्याच्या अंतर्गत आरोपपत्र नोंद करणे, जलद गती न्यायालयात वेगाने घटना चालवणे यांवर आयोगाने भर दिला आहे. प्रत्येक मुलीची सुरक्षा आणि न्याय निश्चित करण्याला प्राधान्य असल्याचे आयोगाने स्पष्ट केले आहे.