सनातन प्रभात > Post Type > बातम्या > आंतरराष्ट्रीय बातम्या > Nancy Grewal Murder : कॅनडामध्ये खलिस्तानविरोधी पंजाबी महिला यू ट्यूबरची हत्या

Nancy Grewal Murder : कॅनडामध्ये खलिस्तानविरोधी पंजाबी महिला यू ट्यूबरची हत्या

(यू ट्यूबर म्हणजे स्वतःच्या यू ट्यूब वाहिनीद्वारे व्हिडिओ अपलोड करणारी व्यक्ती)

नॅन्सी ग्रेवाल

ओंटारियो (कॅनडा) – येथे खलिस्तानचा विरोध करणार्‍या पंजाबी वंशाच्या ४५ वर्षांच्या नॅन्सी ग्रेवाल यांची चाकूने वार करून हत्या करण्यात आली. ही घटना ३ मार्चच्या रात्री घडली. नॅन्सी ग्रेवाल या यू ट्यूबर होत्या आणि सामाजिक माध्यमांवर अत्यंत सक्रीय होत्या. पोलिसांनी घटनेची माहिती मिळाल्यावर नॅन्सी ग्रेवाल या गंभीर घायाळ अवस्थेत त्यांना आढळल्या. त्यांना रुग्णालयात भरती करण्यात आले; मात्र डॉक्टर त्यांना वाचवू शकले नाहीत. पोलीस हत्येचे अन्वेषण करत आहेत.

नॅन्सी ग्रेवाल कोण होत्या ?

नॅन्सी ग्रेवाल या सामाजिक माध्यमांवर पंजाबशी संबंधित विषयांवर स्पष्टपणे मते मांडत असत. त्यांनी यापूर्वी खलिस्तानी आतंकवादी अमृतपाल सिंह, राजकीय नेते बिक्रम सिंह मजीठिया आणि ‘डेरा ब्यास’ संप्रदायाशी संबंधित गुरिंदर सिंह ढिल्लों यांच्याविषयीही भाष्य केले होते. याखेरीज त्या खलिस्तान समर्थकांवर टीका करत आणि भारत-कॅनडा तणावासारख्या विषयांवरही भूमिका व्यक्त करत असत.

संपादकीय भूमिका

कॅनडाचे पंतप्रधान मार्क कार्नी भारतात येऊन करार करतात आणि खलिस्तानविरोधात भारतासमवेत सहकार्य करण्याची एकाअर्थी भूमिका घेतात. त्यामुळेच कॅनडातील खलिस्तानींनी ही हत्या केल्याची शक्यता अधिक आहे, असेच लक्षात येते !

नूतन लेख