भागवत एकादशीनिमित्त श्री तुळजाभवानीदेवीची शेषशाही अलंकार महापूजा !

तुळजापूर – पौष शुक्ल द्वादशी अर्थात् भागवत एकादशीनिमित्त ३१ डिसेंबर या दिवशी श्री तुळजाभवानीदेवीची शेषशाही अलंकार महापूजा भक्तीभावात पार पडली. या दिवशी ‘जलयात्रा’ उत्सव साजरा करण्यात आला. पौराणिक कथेनुसार भगवान विष्णु शेषशय्येवर विश्राम करतांना त्यांच्या नेत्रकमलात मातेस विश्राम मिळाला. त्यानंतर ब्रह्मदेवांच्या स्तुतीने देवीने जागृत होऊन दैत्यांचा संहार केला. या प्रसंगाच्या स्मरणार्थ देवीस शेषशाही अलंकारात सजवून भाविकांसाठी नित्य दर्शन खुले ठेवण्यात आले.