श्री संत तुकाराम महाराज यांच्या मंदिरासाठी संत तुकाराम महाराज साखर कारखान्याकडून सव्वा कोटींची देणगी !

पुणे – भंडारा डोंगरावर निर्माण होत असलेल्या श्री संत तुकाराम महाराज यांच्या मंदिरासाठी १ कोटी २५ लाख रुपयांची देणगी कासारसाई येथील श्री संत तुकाराम महाराज साखर कारखान्याकडून देण्यात आली. ही देणगी ऊस उत्पादक शेतकरी, संचालक, सभासद, कर्मचारी आणि कारखाना व्यवस्थापन यांच्या वतीने देण्यात आली आहे.

कारखान्याचे उपाध्यक्ष बापूसाहेब भेगडे म्हणाले, ‘‘कारखान्याबरोबर ऊस उत्पादक शेतकरी, कर्मचारी आणि व्यवस्थापन यांना देणगी द्यावी वाटणे, हीच मुळी सुखद घटना आहे. हे संस्कार महाराजांनीच या मातीत पेरले आहेत, जे आज भरभरून उगवून येत आहेत.’’