ब्राह्मण संघाच्या वतीने संत पू. (श्रीमती) वैशाली मुंगळे यांचा ईश्वरपूर (जिल्हा सांगली) येथे सन्मान !

सनातन संस्थेने पू. (श्रीमती) वैशाली मुंगळे यांना संत घोषित करून त्यांची गुणवैशिष्ट्ये समाजासमोर आणली ! – शंकर नरुटे (आध्यात्मिक पातळी ६६ टक्के), देवद, पनवेल

पू. (श्रीमती) वैशाली मुंगळे यांना सनातन संस्थेच्या सद्गुरु स्वाती खाडये यांनी ७ जुलै २०२३ या दिवशी संतपद गाठल्याचे घोषित करून त्यांचा सन्मान केला. या संदर्भातील सविस्तर वृत्त दैनिक ‘सनातन प्रभात’मध्ये प्रसिद्ध करण्यात आले. यानंतर हे वृत्त वाचून समाजातील लोकांकडूनही पू. (श्रीमती) मुंगळे यांचा सन्मान करण्यात आला. काही ब्राह्मण सभेच्या महिला त्यांना येऊन भेटल्या आणि त्यांचा सन्मान केला. ‘रेडिओ शुगर’ या ‘एफ्.एम्.’ वाहिनीवरून पू. (श्रीमती) मुंगळे यांच्या साधनाप्रवासाची मुलाखत घेण्यात आली.

सनातन संस्थेने प्रथम त्यांना संत असल्याचे ओळखले. यानंतर समाजातील अन्य लोक, संस्था यांनाही या गोष्टी लक्षात येऊन त्यांनीही पू. (श्रीमती) मुंगळे यांच्या कार्याचा गौरव केला. सनातन संस्था अध्यात्माचा प्रसार करून समाजात साधनेचे बीज निर्माण करून सर्व समाजाला साधना करण्यास शिकवते आणि साधना करून घेते. यानंतर साधनेच्या पुढच्या टप्प्याला कसे जायचे ? तेही शिकवते. पू. (श्रीमती) मुंगळेआजी यांच्या उदाहरणावरून याची प्रचिती येते आणि समाजातूनही त्याला चांगला प्रतिसाद मिळत आहे, हे लक्षात येते.