गोरखपूरमधील सुप्रसिद्ध ‘गीता प्रेस’ला म. गांधी शांतता पुरस्कार घोषित !

गोरखपूर (उत्तरप्रदेश) – केंद्रीय सांस्कृतिक मंत्रालयाकडून येथील ‘गीता प्रेस’ला वर्ष २०२१ च्या महात्मा गांधी शांतता पुरस्कारासाठी निवड करण्यात आली आहे. हा जगातील महत्त्वाचा पुरस्कार समजला जातो. म. गांधी यांच्या १२५ व्या जयंतीनिमित्त भारत सरकारने वर्ष १९९५ पासून हा पुरस्कार देण्यास प्रारंभ केला आहे. १ कोटी रुपये, सन्मानपत्र आणि उत्कृष्ट पारंपरिक हस्तकलेचे स्मृतीचिन्ह, असे या पुरस्काराचे स्वरूप आहे. याअगोदर इस्रो, रामकृष्ण मिशन, ग्रामीण बँक ऑफ बांगलादेश, विवेकानंद केंद्र कन्याकुमारी; अक्षय पत्र, बेंगळुरू; एकल अभियान ट्रस्ट भारत आणि सुलभ इंटरनॅशनल, नवी देहली या संस्थांना हा पुरस्कार प्रदान करण्यात आला आहे.

संस्कृति मंत्रालय ने बताया कि साल 2021 का गांधी शांति पुरस्कार गीता प्रेस गोरखपुर को दिया जा रहा है। #GitaPress #IndiaTvHindihttps://t.co/85dOxpL6WT

— India TV (@indiatvnews) June 18, 2023

केंद्रीय सांस्कृतिक मंत्रालय गीता प्रेसला पुरस्कार घोषित करतांना म्हटले की, गीता प्रेसच्या स्थापनेला १०० वर्षे पूर्ण झाल्यानिमित्ताया प्रेसला गांधी शांतता पुरस्कार प्रदान करणे, ही प्रेसच्या माध्यमातून त्यांच्या मालकांनी समाजसेवेत केलेल्या कार्याची पावती आहे. गीता प्रेसचे अतुलनीय योगदान मानवतेच्या सामूहिक उत्थानासाठी महत्त्वपूर्ण असून ते खर्‍या अर्थाने गांधीवादी जीवनाचे प्रतीक आहे.

गीता प्रेसचे धर्मग्रंथांविषयीचे अभूतपूर्व योगदान !

गीता प्रेसची स्थापना वर्ष १९२३ मध्ये करण्यात आली. गीता प्रेस ही जगातील सर्वात मोठ्या प्रकाशकांपैकी एक आहे. गीता प्रेसने आतापर्यंत श्रीमद् भगवद्गीतेच्या १६ कोटी २१ लाख प्रती प्रकाशित केल्या आहेत. गीता प्रेसने १४ भाषांमध्ये ४१ कोटी ७० लाख  पुस्तके प्रकाशित केली आहेत. महसूल (पैसे) मिळवण्यासाठी संस्था कधीही  विज्ञापनांवर अवलंबून राहिलेली नाही. गीता प्रेस त्याच्या संलग्न संस्थांसह जीवनाच्या उन्नतीसाठी आणि सर्वांच्या कल्याणासाठी कार्य करत आहे. भारतभरातील हिंदूंपर्यंत वेद, पुराण आणि उपनिषदे यांचे ज्ञान पोचवण्यामध्ये गीता प्रेसचे योगदान अभूतपूर्व आहे.

पंतप्रधानांकडून कौतुक

पंतप्रधान नरेंद्र मोदी यांनी गीता प्रेसला पुरस्कार मिळाल्यावरून कौतुक केले आहे. त्यांनी म्हटले आहे की, लोकांमध्ये सामाजिक आणि सांस्कृतिक परिवर्तनाला प्रोत्साहन देण्याच्या दिशेने गीता प्रेसने १०० वर्षे कौतुकास्पद कार्य केले आहे. मी गोरखपूरच्या गीता प्रेसला म. गांधी शांतता पुरस्कार मिळाल्यासाठी अभिनंदन करतो.

I congratulate Gita Press, Gorakhpur on being conferred the Gandhi Peace Prize 2021. They have done commendable work over the last 100 years towards furthering social and cultural transformations among the people. @GitaPress https://t.co/B9DmkE9AvS

— Narendra Modi (@narendramodi) June 18, 2023