श्री गुरुदेवा, तुमचा हात राहू दे माझ्या शिरी ।

श्री गुरुदेवा,
माझे मस्तक तुमच्या चरणी ।
तुमचा हात राहू दे
माझ्या शिरी ।। १ ।।

जीवन आहे एक प्रवास ।
तुमच्या चरणांचा हा दास ।। २ ।।

या प्रवासात पाप
अन् पुण्य किती ।
नाही त्याची गणती ।। ३ ।।

जसे प्राक्तन तसा भोग भोगला ।
आता इच्छा नाही जगण्याची ।। ४ ।।

सर्व सुख-दुःख भोगले ।
करुणा येऊ द्या या दीनाची ।। ५ ।।

हसत हसत मिळावी मुक्ती ।
सर्व साधक सुखी असावेत, हीच अपेक्षा उरी ।। ६ ।।

– श्री. सुधाकर के. जोशी (आध्यात्मिक पातळी ६० टक्के) (वय ९२ वर्षे), सनातन आश्रम, देवद, पनवेल. (१४.२.२०२०)