कपड्यांमध्ये त्रासदायक शक्ती आढळल्यास त्यावर करावयाचे आध्यात्मिक उपाय !

१. कपड्यांवर त्रासदायक (काळे) आवरण आले असल्यास किंवा कपड्यांमध्ये त्रासदायक काळी शक्ती कार्यरत झाली असल्यास ओळखण्याची पद्धत

१ अ. कपड्यांकडे पाहून ‘ते घालू नयेत’ असा विचार येणे किंवा त्यांच्याकडे पाहिल्यावर डोळ्यांची आग होणे, डोके जड होणे, मळमळणे इत्यादी त्रास होऊ शकतात.

१ आ. कपडे हातात घेतल्यावर हात जड होणे, हात दुखणे किंवा कपड्यांचा स्पर्श नकोसा वाटणे असे त्रास होतात.

१ इ. कपड्यांना दुर्गंध येणे, कपड्यांची घडी केल्यावर त्यांच्या कडा अस्पष्ट दिसणे

२. कपड्यांमधील त्रासदायक शक्ती नष्ट करण्यासाठी करायचे उपाय

२ अ. कपडे खडे मीठ घातलेल्या पाण्यात किमान अर्धा ते १ घंटा भिजत ठेवावेत आणि त्यानंतर ते धुवून वाळवावेत.

२ आ. कपड्यांमधील त्रासदायक आवरण न्यून न झाल्यास सनातनचे सात्त्विक उत्पादन ‘सनातन गोमूत्र अर्क’ अर्धा बालदीत २ – ३ चहाचे चमचे या प्रमाणात घालून त्या पाण्यामध्ये कपडे किमान अर्धा ते १ घंटा भिजत ठेवावेत आणि त्यानंतर ते धुवून उन्हात वाळवावेत.

३. कपड्यांमधील त्रासदायक शक्ती वाढू नये आणि ते भारित करण्यासाठी कपड्यांवर नियमितपणे करावयाचे उपाय

३ अ. कपड्यांमध्ये देवतांच्या नामपट्ट्या किंवा सनातन-निर्मित कापूर घालून ठेवावा.

३ आ. कपडे १५ ते २० मिनिटे उन्हामध्ये ठेवावेत.

अशा प्रकारे उपाय केल्यामुळे कपड्यांमधील त्रासदायक काळी शक्ती नष्ट होऊन त्यामध्ये सकारात्मक शक्ती कार्यरत होण्यास साहाय्य होते.

– कु. मधुरा भोसले (सूक्ष्मातून मिळालेले ज्ञान), सनातन आश्रम, रामनाथी, गोवा. (३१.३.२०२२)

सूक्ष्म : व्यक्तीचे स्थूल म्हणजे प्रत्यक्ष दिसणारे अवयव नाक, कान, डोळे, जीभ आणि त्वचा ही पंचज्ञानेंद्रिये आहेत. ही पंचज्ञानेंद्रिये, मन आणि बुद्धी यांच्या पलीकडील म्हणजे ‘सूक्ष्म’. साधनेत प्रगती केलेल्या काही व्यक्तींना या ‘सूक्ष्म’ संवेदना जाणवतात. या ‘सूक्ष्मा’च्या ज्ञानाविषयी विविध धर्मग्रंथांत उल्लेख आहेत.

सूक्ष्मातील दिसणे, ऐकू येणे इत्यादी (पंच सूक्ष्मज्ञानेंद्रियांनी ज्ञानप्राप्ती होणे) : काही साधकांची अंतर्दृष्टी जागृत होते, म्हणजे त्यांना डोळ्यांना न दिसणारे दिसते, तर काही जणांना सूक्ष्मातील नाद किंवा शब्द ऐकू येतात.