सावंतवाडीतील मोती तलावात श्री गणेशमूर्तींच्या विसर्जनासाठी आणलेल्या नौकांचा शुभारंभ

सावंतवाडी – सावंतवाडी नगरपरिषदेचे नगराध्यक्ष संजू परब यांनी येथील मोती तलावात श्री गणेशमूर्तींचे विसर्जन करणे सोयीचे व्हावे, यासाठी ४ नवीन नौका आणल्या आहेत. या नौकांचा शुभारंभ नगराध्यक्ष संजू परब यांच्या हस्ते ७ सप्टेंबर या दिवशी करण्यात आला. या नौकांमुळे श्री गणेशमूर्तींच्या विसर्जनाच्या वेळी नागरिकांची होणारी गैरसोय दूर होणार आहे.

या वेळी उपनगराध्यक्षा अन्नपूर्णा कोरगावकर, आरोग्य सभापती सुधीर आडीवरेकर, नगरसेवक राजू बेग, नगरसेवक आनंद नेवगी, नगरसेवक मनोज नाईक यांच्यासह दिपाली भालेकर, समृद्धी विर्नोडकर, उत्कर्षा सासोलकर, आनारोजीन लोबो, भारती मोरे आणि शुभांगी सुकी या नगरसेविकाही उपस्थित होत्या.