Actor Prakash Raj : पुरोगामी अभिनेते प्रकाश राज यांच्याविरुद्ध अजामीनपात्र अटक वॉरंट

बेंगळुरू – बहुभाषिक अभिनेते प्रकाश राज यांच्यावर एकाच नावाने ४ मतदार ओळखपत्रे मिळवल्याचा आरोप असून त्यांच्याविरुद्ध अजामीनपात्र वॉरंट काढण्यात आले आहे.

१. दिलीप कुमार नावाच्या व्यक्तीने प्रविष्ट (दाखल) केलेल्या तक्रारीनंतर बेंगळुरू दंडाधिकारी न्यायालयाने हे अजामीनपात्र वॉरंट काढले. प्रकाश राज यांनी एकाच नावाने ४ मतदार ओळखपत्रे मिळवल्याचा आरोप दिलीप कुमार यांनी केला आहे.

२. यानंतर अतिरिक्त मुख्य महानगर दंडाधिकारी न्यायालयाने प्रकाश राज यांच्याविरुद्ध अजामीनपात्र अटक वॉरंट काढले होते.

३. दोनदा समन्स आणि दोनदा अजामीनपात्र अटक वॉरंट काढूनही प्रकाश राज न्यायालयात उपस्थित न राहिल्यामुळे न्यायालयाने तिसर्‍यांदा त्यांच्याविरुद्ध अजामीनपात्र अटक वॉरंट काढले आहे.

४. प्रकाश राज यांच्यावर कर्नाटक, आंध्रप्रदेश, तेलंगाणा आणि तामिळनाडू या ४ राज्यांत अवैधपणे मतदार ओळखपत्रे बाळगल्याचा गंभीर आरोप आहे. राज्यघटनेनुसार कोणत्याही व्यक्तीला देशाच्या कोणत्याही भागात केवळ एकच मतदार ओळखपत्र बाळगण्याची अनुमती आहे; मात्र अभिनेते प्रकाश राज यांनी ४ राज्यांत मतदार ओळखपत्रे मिळवल्याचे म्हटले जात आहे.

५. समन्स आणि वॉरंट यांकडे दुर्लक्ष करून न्यायालयात उपस्थित न राहिल्यामुळे न्यायालयाने प्रकाश राज यांच्याविषयी अप्रसन्नता व्यक्त केली आहे.