दरिबडची (सांगली) येथे विसर्जन मिरवणुकीत मनाई आदेशाचा भंग !

२१ जणांविरुद्ध गुन्हे नोंद

जत (जिल्हा सांगली) – तालुक्यातील दरिबडची येथे विसर्जन मिरवणुकीत मनाई आदेशाचे उल्लंघन केल्याप्रकरणी ‘शिवशक्ती’  आणि ‘बालमित्र’ या गणेशोत्सव मंडळांतील २१ जणांविरुद्ध जत पोलीस ठाण्यात गुन्हा नोंदवण्यात आला. पोलीस नाईक अर्जुन घोदे यांनी या संदर्भात तक्रार केली आहे.

दरिबडची येथील विसर्जन मिरवणुकीत रात्रीची अनुमती संपल्यानंतरही गणेशोत्सव मंडळांनी ध्वनीक्षेपक यंत्रणा आणि वाद्य वाजवणे चालूच ठेवले होते. त्यामुळे मिरवणुका जाणीवपूर्वक रेंगाळत ठेवून अवैध जमाव जमवला. जिल्हा दंडाधिकारी सांगली आणि पोलीस अधीक्षक यांनी लागू केलेल्या मनाई आदेशाचे हे स्पष्ट उल्लंघन असल्याने पोलिसांनी ही कारवाई केली.