जगप्रसिद्ध उद्योगपती रतन टाटा यांना धमकी !

मुंबई – ‘टाटा सन्स’ समुहाचे माजी अध्यक्ष सायरस मिस्त्री यांचे ४ सप्टेंबर २०२२ या दिवशी अपघाती निधन झाले. भविष्यात जगप्रसिद्ध उद्योगपती रतन टाटा यांच्या आयुष्यात असेच घडू शकते. त्यामुळे त्यांची सुरक्षा वाढवावी’, अशी अप्रत्यक्ष धमकी देणारा भ्रमणभाष अज्ञाताकडून मुंबई पोलिसांनी करण्यात आला होता. पोलिसांना हा भ्रमणभाष कर्नाटकातून आल्याचे आढळले. हा भ्रमणभाष करणारा पुण्याचा रहिवासी आहे. त्याच्या पत्नीकडे चौकशी केली असता त्याला ‘स्किझोफ्रेनिया’ हा मानसिक आजार असल्याचे समजले. भ्रमणभाष करणारा उच्चशिक्षित आहे. त्याच्या विरोधात आता कारवाई करण्यात येणार आहे. भ्रमणभाष करणार्‍याचे नाव पोलिसांनी सांगितलेले नाही.