|
अहिल्‍यानगर – डॉ. नानासाहेब धर्माधिकारी प्रतिष्‍ठानच्‍या वतीने अहिल्‍यानगर शहरासह राहुरी आणि कर्जत येथे नुकतेच सकाळी ८ ते ११ या वेळेत महास्‍वच्‍छता अभियान आयोजित करण्‍यात आले होते. त्‍यात महाविद्यालयाचे युवक, महानगरपालिका कर्मचारी, विविध संस्‍थांच्‍या पदाधिकार्‍यांसह डॉ. नानासाहेब धर्माधिकारी प्रतिष्‍ठानच्‍या श्रीसदस्‍यांसह ८०० जणांनी २० टन कचर्‍याची विल्‍हेवाट लावली.
अहिल्‍यानगर शहरातील ३ नंबरच्‍या पुणे बस स्‍थानकापासून महास्‍वच्‍छता अभियानाचा शुभारंभ करण्‍यात आला. या वेळी स्‍वच्‍छता अभियानासाठी लागणारे कुदळ, खोरे, घमेले, खराटे यांसारखी उपकरणे हातात घेऊन श्रीसदस्‍य मोठ्या संख्‍येने उपस्‍थित होते. श्रीसदस्‍यांच्‍या हातात असलेला डॉ. नानासाहेब धर्माधिकारी प्रतिष्‍ठानचा कापडी फलक, मास्‍क आणि हँडग्‍लोज घातलेले श्रीसदस्‍य या अभियानाचे आकर्षण ठरले.
अहिल्‍यानगर जिल्‍ह्यातील कर्जत आणि राहुरी या तालुक्‍याच्‍या ठिकाणीही स्‍वच्‍छता अभियान राबवण्‍यात आले. त्‍यात राहुरी येथे ९० श्रीसदस्‍यांनी साडे नऊ टन, तर कर्जत येथे १३० श्रीसदस्‍यांनी ४ टन कचर्‍याची विल्‍हेवाट लावून स्‍वच्‍छता अभियानात सहभाग नोंदवला.
मिठगवाणे (ता. राजापूर) येथील श्रमिक पतसंस्था फोडून १ कोटी रुपयांच्या मुद्देमालाची चोरी
रत्नागिरी येथील सीए शाखेच्या विद्यार्थ्यांना मार्गदर्शन
‘मी कोकणी उद्योजक’ म्हणून चिपळूण येथील प्रशांत यादव यांचा होणार सन्मान !
आपत्तीविरोधात लढण्यासाठी चिपळूण नगर परिषदेकडून २ दिवसांचे प्रशिक्षण
शरद पवार धर्मनिरपेक्ष नव्हेत, संधीसाधू आहेत ! – प्रकाश आंबेडकर, अध्यक्ष, वंचित बहुजन आघाडी
तमनार वीजवाहिनी प्रकल्पावरून ‘गोवा फॉऊंडेशन’ची सर्वाेच्च न्यायालयात याचिका