ज्या लोकांनी काँग्रेस पक्षाच्या उभारणीसाठी स्वतःचे आयुष्य वेचले आहे, त्या ज्येष्ठ नेत्यांना काँग्रेस पक्ष मरणपंथाला लागलेला पहावत नाही, असे उद्गार काँग्रेसचे ज्येष्ठ नेते गुलाम नबी आझाद यांनी ५ राज्यांच्या विधानसभा निवडणुकांमध्ये झालेल्या पराभवानंतर काढले.

‘इक्रा आय.ए.एस्.’ या प्रशिक्षण संस्थेत विद्यार्थ्यांना शिकवतांना शिकवणारे अधिवक्ता अवध प्रताप ओझा यांनी आतंकवादी ओसामा बिन लादेन याचे उदात्तीकरण केले आहे.  तसेच ‘इस्लाम तलवारीने नव्हे, तर शांततेने वाढला’, असेही म्हटले.

चेन्नईच्या पेरांबूर बॅरेक्स रोडला लागून अरबी महाविद्यालयाच्या नावाने एक इमारत बांधण्यात आली असून तिचे हळूहळू मशिदीत रूपांतर केले जात आहे. या इमारतीच्या बाहेर १४ फूट उंच खांबावर ध्वनीक्षेपक लावण्यात आला आहे.

लाचलुचपत प्रतिबंधक विभागाने वर्ष २०२१ मध्ये महाराष्ट्रातील लाच घेणारे  १ सहस्र ७६ सरकारी अधिकारी आणि कर्मचारी यांना अटक केली आहे. या कारवाईमध्ये २ कोटी ६४ लाख रुपये जप्त करण्यात आले आहेत.

राजस्थानच्या रुपपुरा येथील शासकीय उच्च माध्यमिक शाळेतील निर्मला कामड या शिक्षिकेने विद्यार्थ्यांना ‘हिंदुईझम् ः धर्म या कलंक ?’ या पुस्तकाचे वितरण केले. या प्रकरणी पालकांनी केलेल्या विरोधानंतर जिल्हा शिक्षण अधिकार्‍यांनी चौकशीचा आदेश दिला आहे.

बिहारच्या ३८ पैकी ३१ जिल्ह्यांतील पाणी पिण्यायोग्य नसल्याचे एका अहवालात म्हटले आहे. अनेक भागांतील पाण्यामध्ये विषारी तत्त्वे आढळली आहेत. दूषित पाण्यामुळे त्वचाविकार, मूत्रपिंडाचे विकार आणि अन्य विकार जडू शकतात.