गोव्यातील मासे फॉर्मेलिनमुक्त ! – विश्वजीत राणे

पणजी, १ जुलै (वार्ता.) – अन्न आणि औषध प्रशासन खात्याकडून मार्च ते जून या ४ मासांत २ लाख माशांची फार्मेलिनविषयी चाचणी केली असता याचे अहवाल नकारात्मक (निगेटिव्ह) आले आहेत, अशी माहिती अन्न आणि औषध प्रशासन खात्याचे मंत्री विश्वजीत राणे यांनी दिली आहे. ते म्हणाले, ‘‘अन्न आणि औषध प्रशासनाकडून प्रयोगशाळेतही माशांची पडताळणी केली जाते. या प्रयोगशाळेत असणार्‍या अत्याधुनिक उपकरणांद्वारे माशांची पडताळणी केली असून एकाही नमुन्यामध्ये फॉर्मेलिन सापडलेले नाही.’’

Ensuring that every Goan consumes safe and healthy food remains our top priority.

Since 2019, the Government of Goa has partnered with QCI to conduct 24×7 fish quality checks at:

Pollem – 33,805 samples
Patradevi – 33,989 samples
Margao Wholesale Market – 1,32,717 samples

All… pic.twitter.com/rke35r0w2w

— Vishwajit Rane (@visrane) July 1, 2025

७ वर्षांपूर्वी मासळीमध्ये फॉर्मेलिनचे अंश सापडल्याने राज्यात खळबळ उडाली होती. वर्ष २०१९ नंतर ‘क्वालिटी कंट्रोल ऑफ इंडिया’च्या सहकार्याने पोळे आणि पत्रादेवी येथील पडताळणी नाके आणि मडगाव मासळी मार्केटमध्ये माशांची पडताळणी होत आहे. वर्ष २०१९ नंतर पोळे येथे ३३ सहस्र ८०५ नमुने, पत्रादेवी येथे ३३ सहस्र ९८९ नमुने आणि मडगाव मासळी बाजारात १ लाख ३२ सहस्र ७१७ नमुने यांची पडताळणी करण्यात आली आहे. या सर्व नमुन्यांमध्ये फॉर्मेलिनची चाचणी नकारात्मक असल्याचे मंत्री विश्वजीत राणे यांनी म्हटले आहे.