तुम्ही पेटून उठला नाही; तर देश पुढे जाणार नाही ! – अंजली दमानिया, सामाजिक कार्यकर्त्या

पुणे – ‘आपल्या देशातील अन् राज्यातील सर्वच राजकीय पक्ष भ्रष्ट आहेत. राज्यात दूरदृष्टी असणारा एक नेता मला दाखवा ? सामान्य माणूस जन्मल्यापासून मरेपर्यंत केवळ कर भरतो. त्याच्याकडे पैसाच रहात नाही. तुम्ही पेटून उठला नाही, तर देश पुढे जाणार नाही’, असे विधान सामाजिक कार्यकर्त्या अंजली दमानिया यांनी केले. त्या सहकारनगर येथील ‘सहजीवन व्याख्यानमाले’च्या रौप्यमहोत्सवी वर्षातील पहिले पुष्प वहातांना बोलत होत्या.

१. माझी कोकणातील भूमी सरकार जमा झाल्याने मी लढा दिला. तेथून समाजकारणाला प्रारंभ झाला.

२. मी कोणत्याही पक्षाच्या बाजूने नाही; कारण सर्वच राजकीय पक्ष भ्रष्ट आहेत.

३. मी भाजपचे काम करते. ते सांगतात तेच करते, हे आरोप चुकीचे आहेत. सर्वच पक्षांच्या भ्रष्टाचारावर मी बोलते.