निदा खान ही इम्तियाज जलील यांची नातेवाईक ! – संजय शिरसाट यांचा आरोप

छत्रपती संभाजीनगर – राज्याचे सामाजिक न्याय मंत्री संजय शिरसाट यांनी निदा खान ही माजी खासदार इम्तियाज जलील यांच्या भावाच्या पत्नीची नातेवाईक आहे, असा थेट आरोप केला आहे.

मंत्री संजय शिरसाट म्हणाले की, निदा खान ही केवळ निमित्त असून तिची सूत्रे कुणीतरी हालवत आहे. ती एक ‘पेड वर्कर’ (पैसे घेऊन काम करणारी) आहे. ‘एम्.आय.एम्.’चा नगरसेवक मतीन पटेल याने निदाला लपण्यासाठी अनधिकृत घरात आश्रय दिला होता. यात जलील यांचा थेट संबंध असल्याचा संशय असल्याने शिरसाट यांनी मुख्यमंत्री देवेंद्र फडणवीस यांना पत्र लिहून सखोल चौकशीची मागणी केली आहे.

नगरसेवक मतीन पटेल यांचे पद धोक्यात !

छत्रपती संभाजीनगरचे महापौर समीर राजूरकर म्हणाले की, गुन्हेगाराला पाठीशी घालणार्‍या मतीन पटेल यांचे नगरसेवक पद रहित करण्याची प्रक्रिया चालू आहे.