फतेहपूर (उत्तरप्रदेश) येथे बेरोजगार हिंदु तरुणांना इस्लाम स्वीकारण्यास केले जात आहे बाध्य !

गलेलठ्ठ पगाराची नोकरी देण्याचे आमीष !

फतेहपूर (उत्तरप्रदेश) – येथे हिंदु तरुणांना प्रतिमास २ लाख रुपयांची नोकरी आणि अन्य सुविधा देऊन इस्लाम स्वीकारण्यास बाध्य केले जात असल्याचा धक्कादायक प्रकार समोर आला आहे. वाराणसी जिल्ह्यातील सुधांशू चौहान नावाच्या एका हिंदु तरुणाने धर्मांतर करण्यास स्पष्टपणे नकार दिल्यानंतर हे प्रकरण उघडकीस आले.

सुधांशू चौहान प्रकरणी पोलिसांनी केली कारवाई !

या प्रक्रियेतून सुधांशू चौहान हा तरुणही गेला; परंतु त्याने धर्मांतर करण्यास नकार दिल्याने त्याला मदरशातच डांबून त्याचा शारीरिक आणि मानसिक छळ करण्यात आला. हा प्रकार समजताच सुधांशूच्या कुटुंबियांनी केंद्रीय मंत्री कौशल किशोर यांच्याकडे तक्रार करून त्याला इस्लामी संघटनेच्या तावडीतून सोडवण्याची मागणी केली. या प्रकरणी पोलीस ठाण्यात तक्रार प्रविष्ट करण्यात आली. यानंतर पोलिसांनी सापळा रचून फतेहपूरच्या लखनौ बायपास येथे एका घरात चालू  असलेल्या मदरशावर छापा टाकला. तेथून ३ मुसलमानांना अटक केली, तसेच तेथून सुधांशू चौधरी याची सुटका केली.

सुधांशूने केलेल्या तक्रारीनुसार पोलिसांनी आस्थापनाचा मुख्य इकलाख, यासीन, घरमालक अलीम, मोहसीन, मौलवी, अरमान अली आदींच्या विरोधात बंधक बनवणे, अवैध धर्मांतर, धोका देणे आदी कृत्ये केल्याच्या प्रकरणी गुन्हा नोंद केला आहे. मोहसीन, यासीन आणि आलिम यांना अटक करण्यात आली असून मौलवीसह अन्य आरोपींचा शोध घेतला जात आहे.