वाढती इंधनदरवाढ आणि महागाई यांच्या विरोधात ठाकरे गटाचे ‘रस्ता बंद’ आंदोलन !

कोल्हापूर – पेट्रोल, डिझेल, सिलिंडर दरवाढ, तसेच जीवनावश्यक वस्तूंच्या वाढत्या महागाईच्या विरोधात ठाकरे पक्षाचे करवीर तालुकाप्रमुख राजू यादव यांच्या नेतृत्वाखाली उंचगाव येथील राज्य महामार्गावर ‘रस्ता बंद’ आंदोलन करण्यात आले. या वेळी गॅस सिलिंडरला प्रतिकात्मक हार घालण्यात आला. या प्रसंगी राजू यादव म्हणाले, ‘‘सर्वच जीवनावश्यक वस्तू महाग झाल्याने सर्वसामान्य नागरिक, शेतकरी, कामगार, छोटे व्यावसायिक आणि मध्यमवर्गीय कुटुंबे मेटाकुटीला आली आहेत. तरी केंद्र सरकारने तात्काळ दर कपात करून सर्वसामान्य जनतेला दिलासा द्यावा.’’

या प्रसंगी पोपट दांगट, विशाल देवकुळे, राजू सांगावकर, राहुल गिरूले, बाळासाहेब नलवडे, दीपपक गौड, योगेश लोहार, सचिन नागटिळक यांसह अन्य पदाधिकारी, कार्यकर्ते उपस्थित होते.