‘२९.१.२०२४ या दिवशी माझ्‍या मनात विचार आला की, सच्‍चिदानंद परब्रह्म गुरुदेवांच्‍या कृपेने सुश्री मधुरा भोसले या सर्वांचे सूक्ष्म परीक्षण करतात, तर ‘मधुराताई स्‍वतः कोण आहेत ?’ याविषयीसुद्धा सूक्ष्म परीक्षण करायला पाहिजे. हा विचार मनात आल्‍यानंतर श्रीकृष्‍णाने मला पुढील विचार दिले.
१. ‘मधुराताई एक ऋषिकन्‍या आहेत’, असा विचार मनात येणे
‘वर्ष २०१२ पासून गुरुदेवांच्‍या कृपेमुळे मला पूर्णवेळ सेवा करण्‍याची संधी मिळाली आणि तेव्‍हापासून माझा मधुराताईंशी परिचय आहे. जेव्‍हा जेव्‍हा मला मधुराताई भेटतात, तेव्‍हा त्या देवी अनसूयेसारख्‍या दिसतात. मधुराताईंनी कोणत्‍याही रंगांची वस्‍त्रे परिधान केली असली, तरी ‘सूक्ष्मातून ताईंनी भगवी वस्‍त्रे परिधान केली आहेत’, असे मला दिसते. माझ्‍या मनात ‘मधुराताई एक ऋषिकन्‍या आहेत’, असा विचार येतो.
(‘मला वर्ष २००५ पासून ‘मी ऋषिकन्‍या आहे आणि मला ऋषींच्‍या आश्रमात रहायचे आहे’, असे वाटत होते. त्‍यामुळे मी वर्ष २००५ मध्‍ये माझे शिक्षण पूर्ण झाल्‍याबरोबर माझे घर सोडून आई-बाबांच्‍या अनुमतीने रामनाथी येथील सनातनच्‍या आश्रमात निघून आले.’ – सुश्री मधुरा भोसले (६.३.२०२४))
२. ‘मधुराताईची खोली म्हणजे एक उपवन आहे’, असे जाणवणे
२९.१.२०२४ या दिवशी मी मधुराताईंला भेटायला गेले होते. तेव्‍हा मला त्‍यांच्‍या खोलीत पिवळा प्रकाश दिसत होता. ‘ताईंच्‍या खोलीत अन्‍य साहित्‍य न दिसता ती खोली म्हणजे एक उपवन आहे’, असे मला जाणवत होते.
३. गुरुदेवांच्‍या कृपेने ‘मधुराताईंची सूक्ष्मातील जाणण्‍याची क्षमता किती अधिक आहे’, त्या संदर्भात आलेल्या अनुभूती !
मे २०२३ मध्‍ये मी देहली सेवाकेंद्रात होते. एक दिवस मला मधुराताईंची पुष्‍कळ आठवण येत होती; परंतु माझ्‍याकडे त्‍यांचा भ्रमणभाष क्रमांक नव्‍हता. थोड्या वेळानंतर पाहिले, तर ‘मी कशी आहे ?’, हे विचारण्‍यासाठी मला मधुराताईंचाच लघुसंदेश आला होता. ते पाहून मला पुष्‍कळ कृतज्ञता वाटली आणि माझी भावजागृती झाली; कारण गुरुदेवांनी आम्‍हाला सूक्ष्मातील जाणण्‍याची अफाट क्षमता असणारे अलौकिक साधक दिले आहेत.
‘गुरुदेवा, आपल्‍याच कृपेने माझ्‍या मनात हा विचार आला आणि आपणच माझ्‍याकडून सर्व लिहून घेतलेत. अशा गुरुदेवांच्‍या परम दिव्‍य श्रीचरणी मी सर्वस्‍व अर्पण करते.’
– गुरुकन्‍या,
कु. पूनम चौधरी, सनातन आश्रम, रामनाथी, गोवा. (६.३.२०२४)
|
विश्वदेवांकडे ‘पसायदान (कृपा) मागणारे संतश्रेष्ठ ज्ञानेश्वर महाराज अन् ‘अवघे जगत् आनंदी व्हावे’, यासाठी विश्वकल्याणकारी कार्य करणारे सच्‍चिदानंद परब्रह्म डॉ. आठवले !
योगतज्ञ प.पू. दादाजी वैशंपायन यांच्या संदर्भात साधकाला झालेला स्वप्नदृष्टांत !
पू. (सौ.) अश्विनीताई, कृतज्ञ आम्ही साधकजन आपल्या पावन सुकोमल चरणांशी
पू. अश्विनीताई (टीप), मेरा शीश आपके श्री चरणों में बार-बार झुकता है ।। 
रामनाथी (गोवा) येथील सनातनच्‍या आश्रमाला भेट दिल्यावर धर्मप्रेमींनी दिलेले अभिप्राय 
नवग्रह मंत्रपठण करतांना श्री. जयवंत रसाळ यांना आलेल्या अनुभूती