कुटुंबियांच्या विरोधामुळे आईने ‘सेवेसाठी बाहेर जायचे नाही’, असे सांगितल्यावर तिला सूक्ष्मातून परात्पर गुरु डॉक्टरांचे दर्शन होऊन ‘मी वर्षाची सर्व काळजी घेतो’, असे सांगितल्याची अनुभूती येणे

​‘मी रामनामी आश्रमात पूर्णवेळ साधनेसाठी येण्यापूर्वी अकलूज, सोलापूर येथे घरी राहून साधना करत होते. मला सेवेसाठी बाहेर जायचे असल्यास माझी आई (कै. (सौ.) वैजयंती जबडे) मला साहाय्य करायची. साहाय्य केल्यावर तिला सूक्ष्मातून परात्पर गुरु डॉक्टरांचे दर्शन व्हायचे. काही वेळा मला सेवेसाठी घराबाहेर जाण्यास घरातील व्यक्तींकडून विरोध व्हायचा. त्या वेळी आई त्यांचा विरोध न्यून होईपर्यंत काही दिवस मला सेवेसाठी बाहेर जाऊ देत नसे.
​
एकदा मला घरातील व्यक्तींकडून तीव्र विरोध झाला. त्या वेळी मात्र आईने मला ‘आता सेवेला कधीच बाहेर जायचे नाही’, असे सांगितले. त्या क्षणी आईला सूक्ष्मातून परात्पर गुरु डॉक्टरांचे दर्शन झाले. ते आईला (सूक्ष्मातून) म्हणाले, ‘तुम्ही वर्षाची काळजी करू नका. मी तिची सर्व काळजी घेतो.’ तेव्हापासून कुटुंबियांचा विरोध झाला, तरी आईने मला सेवेला बाहेर जाण्यास विरोध केला नाही.’

– कु. वर्षा जबडे, सनातन आश्रम, रामनाथी, गोवा. (१८.५.२०२१)