पुणे ग्रामीण पोलिसांनी ३ कोटी रुपयांचा गांजा पकडला !

बारामती – पुणे ग्रामीण पोलिसांच्या स्थानिक गुन्हे शाखा आणि बारामती शहर पोलिसांनी संयुक्त कारवाई करत आंतरराज्य गांजा तस्करी करणार्‍या टोळीला अटक केली. या कारवाईत ६१२ किलो गांजा, २ चारचाकी वाहने आणि इतर साहित्य असा ३ कोटी रुपयांचा मुद्देमाल जप्त केला असून ७ आरोपींना अटक केली.

गोपनीय माहितीद्वारे पोलिसांनी पाठलाग करत एका ‘इनोव्हा’ गाडीतून १३४ किलो गांजा जप्त केला. फलटण रस्त्यावर दुसर्‍या वाहनाचा पाठलाग केला. पकडलेल्या ‘इनोव्हा’ गाडीतून २३ किलो गांजा जप्त केला. अन्वेषणाच्या वेळी पोलिसांनी सापळा रचून आरोपींना कह्यात घेतले. आरोपींकडे ४७८ किलो गांजा मिळाला. या कारवाईत बारामती, सांगली इतर भागांमध्येही समन्वय साधत धाडसत्र राबवले.