‘मानव सेवा समिती ट्रस्ट’च्या वतीने केरळम्मधील सनातनच्या साधिका श्रीमती विजया कुमारी यांचा सत्कार !

‘जागतिक महिलादिना’चे औचित्य 

कोची (केरळम्) : ८ मार्च या ‘जागतिक महिलादिना’चे औचित्य साधत ‘मानव सेवा समिती ट्रस्ट’च्या वतीने केरळम्मधील एळमक्करा (जिल्हा एर्नाकुलम्) येथील सनातनच्या साधिका श्रीमती विजया कुमारी यांचा सत्कार करण्यात आला. श्रीमती विजया कुमारी या अंगणवाडीच्या अध्यापिका आहेत आणि त्या ‘मतदान केंद्रस्तराच्या अधिकारी’ही आहेत. त्या समाजातील अनेकांना निःस्वार्थी भावाने साहाय्य करतात. त्यांच्या या निःस्वार्थ सेवेसाठी त्यांचा ‘मानव सेवा समिती ट्रस्ट’च्या वतीने श्रीमती विजया कुमारी यांच्या निवासस्थानी शाल आणि भेटवस्तू देऊन सत्कार करण्यात आला.  या सत्कारानंतर श्रीमती विजया कुमारी म्हणाल्या, ‘‘मी जे काही करते, ते केवळ गुरूंच्या कृपेमुळे होत असते. त्यामुळे हा सत्कार मी त्यांच्या चरणी समर्पित करते.’’