देहलीतील ७ वर्षांच्या मुलीवर तिच्या खलील उस्मान या मामानेच बलात्कार केल्याची घटना समोर आली आहे. पोलिसांनी उस्मान याला बिहारच्या किशनगंज येथून अटक केली आहे.

कर्नाटक उच्च न्यायालयाच्या आदेशाचे उल्लंघन करत काही शाळांमध्ये परीक्षेच्या वेळी मुसलमान मुली हिजाब घालून आल्या. त्यांना हिजाब काढण्यास सांगूनही त्यांनी नकार दिला आणि परीक्षा न देताच निघून गेल्याच्याही घटना घडल्या आहेत.

‘ऑर्गनायझेशन ऑफ इस्लामिक कोऑपरेशन’ या इस्लामी देशांच्या संघटनेने हिजाब प्रकरणावरून ‘भारताने मुसलमानांना, महिलांना संरक्षण द्यावे’, अशी मागणी संयुक्त राष्ट्रांकडे केली आहे.

‘जगात सर्वाधिक बलात्कार भारतात होतात; कारण येथे महिला स्वतःचा तोंडवळा हिजाबद्वारे झाकून ठेवत नाहीत’, असे विधान कर्नाटकातील काँग्रेसचे नेते जमीर अहमद यांनी केले.

मुर्शिदाबाद (बंगाल) येथील शाळेमध्ये मुसलमान विद्यार्थिनी बुरखा आणि हिजाब घालून आल्यावर शिक्षकांनी त्यांना शाळेत येण्यापासून रोखल्याने धर्मांधांच्या जमावाने शाळेची तोडफोड केली.

पाकच्या रोहरी येथील शिरनवालीमाता मंदिरात धर्मांधांनी तोडफोड करून मंदिरातील पैसे आणि सोने लुटून नेले. त्यांनी मंदिरातील देवतांच्या ५ मूर्तींची तोडफोडही केली.

अमेरिकेतील ‘वॉशिंग्टन पोस्ट’ दैनिकाच्या पत्रकार राणा अय्यूब यांच्यावर अंमलबजावणी संचालनालयाने (‘ईडी’ने) आर्थिक गैरव्यवहाराच्या प्रकरणी कारवाई करून त्यांची भारतातील १ कोटी ७७ लाख रुपयांची रक्कम गोठवली.

पाकच्या परराष्ट्र मंत्रालयाने तेथील भारतीय दूतावासाच्या प्रमुखाकडे कर्नाटकातील हिजाब प्रकरणावर विचारणा केली. तसेच याविषयी चिंता व्यक्त केली.

कर्नाटकातील एका महाविद्यालयामध्ये हिंदु विद्यार्थ्यांनी ‘जय श्रीराम’ म्हणत बुरखा घालून आलेल्या एका विद्यार्थिनीचा वैध मार्गाने विरोध केला असता तिने ‘अल्ला हू अकबर’ म्हणत विरोध केला. त्यामुळे तिला इस्लामी संस्था ५ लाख रुपये देणार आहे.