आज १९.८.२०२४ या दिवशी सद्गुरु कै. (सौ.) आशालता सखदेव यांच्या ८ व्या पुण्यतिथीनिमित्त कोटी कोटी प्रणाम !
सुश्री (कु.) राजश्री सखदेव : २१ जुलै २०२४ या दिवशी गुरुपौर्णिमा होती. सकाळी माझे आवरून झाल्यावर मी आपण (सच्चिदानंद परब्रह्म डॉक्टर), श्रीसत्शक्ति (सौ.) बिंदा नीलेश सिंगबाळ, श्रीचित्‌शक्ति (सौ.) अंजली मुकुल गाडगीळ आणि माझी आई सद्गुरु कै. (सौ.) आशालता सखदेव यांची मानसपूजा करत होते. त्या वेळी परात्पर गुरु डॉक्टर, श्रीसत्शक्ति (सौ.) बिंदा सिंगबाळ आणि श्रीचित्‌शक्ति (सौ.) अंजली गाडगीळ यांचे चेहरे मला स्पष्टपणे आणि बराच वेळ दिसले; पण आईचा चेहरा माझ्या डोळ्यांसमोर आणतांना केवळ एखादा सेकंद किंवा त्यापेक्षाही अल्प वेळ दिसला आणि लगेच तिच्या जागी आपणच (परात्पर गुरु डॉक्टर) दिसू लागलात. वर्ष २०१६ मध्ये आईने देहत्याग केल्यानंतर ज्या ज्या वेळी मी तिचा चेहरा डोळ्यांसमोर आणण्याचा प्रयत्न करते, त्या वेळी तिच्या जागी मला आपलेच (परात्पर गुरु डॉक्टरांचे) दर्शन होते. आताही तसेच झालेले पाहून माझ्या मनात प्रश्न आला, ‘आईच्या जागी परात्पर गुरु डॉक्टर दिसतात, तर मी आईला प्रार्थना करणे योग्य आहे कि मी आपल्यालाच (प.पू. डॉक्टरांनाच) प्रार्थना करायला हवी ?
सच्चिदानंद परब्रह्म डॉ. आठवले : तुम्ही आईलाच प्रार्थना करा आणि ‘तिची आणखी काय प्रगती होते’, ते पहा. ‘अशी अनुभूती येणे’, हे आईच्या प्रगतीचे लक्षण आहे.
सुश्री (कु.) राजश्री सखदेव : एरव्हीही मला आईची आठवण अल्प वेळेला येते; पण जेव्हा ती येते, तेव्हा त्यातून मला साधनेसाठी स्फुरण मिळते. एखादा प्रसंग किंवा तिने सांगितलेली एखादी गोष्ट आठवते आणि त्या वेळी ‘मला ते आवश्यक असते’, हे लक्षात येते.
सच्चिदानंद परब्रह्म डॉ. आठवले : जितके आवश्यक आहे, ते सर्व देव करतो. आईची आठवण येणे आवश्यक आहे; कारण ती साधनेत पुष्कळ पुढे गेलेली आहे. जे होईल, ते साक्षीभावाने पहात रहा.
– सुश्री (कु.) राजश्री सखदेव (सद्गुरु कै. (सौ.) आशालता सखदेव यांची कन्या), सनातन आश्रम, रामनाथी, गोवा. (६.८.२०२४)
|
पू. ह.भ.प. धोंडिराम कृष्णा रक्ताडे महाराज यांची अभंगवाणी !
निरपेक्ष प्रेम करणार्या आणि समष्टी सेवेची तळमळ असणार्या पू. (सौ.) मनीषा पाठक !
पू. (श्रीमती) राधा प्रभुआजी (वय ८७ वर्षे) साधकांसाठी नामजप करत असतांना साधिकेला जाणवलेली सूत्रे !
स्वतःवर प्रयोग करून ‘मंत्रसामर्थ्य आणि उचित साधना’ यांद्वारे प्रारब्धावरही मात करता येते’, हे सिद्ध करून दाखवणारे योगतज्ञ प.पू. दादाजी वैशंपायन !
इतरांविषयी कणव आणि गुरूंप्रती भाव असणारी ठाणे येथील कु. यशिता सुशील खोडवेकर (वय १० वर्षे) हिची गुणवैशिष्ट्ये !
सकारात्मक, उत्साही आणि सेवेची तळमळ असलेले रामनाथी, गोवा येथील सनातनच्या आश्रमातील श्री. विक्रम डोंगरे !