ಚೌಬೆಪೂರ್‌ದಲ್ಲಿನ ೮ ಪೊಲೀಸರ ಹತ್ಯೆಯ ಪ್ರಕರಣದಲ್ಲಿ ತಪ್ಪಿಸಿಕೊಂಡಿರುವ ವಿಕಾಸ ದುಬೆಯ ಆಪ್ತ ಸಹಚರ ಅಮರ ದುಬೆಯು ಜುಲೈ ೮ರಂದು ಉತ್ತರ ಪ್ರದೇಶದ ಪೊಲೀಸರ ವಿಶೇಷ ತನಿಖಾ ದಳದೊಂದಿಗೆ ನಡೆದ ಚಕಮಕಿಯಲ್ಲಿ ಹತ್ಯೆಗೀಡಾದನು. ಚೌಬೆಪೂರ್ ಪ್ರಕರಣದ ಬಳಿಕ ದುಬೆ ಕೂಡ ಪರಾರಿಯಾಗಿದ್ದನು.

‘ರಾಜೀವ್ ಗಾಂಧಿ ಫೌಂಡೇಶನ್ ೨೦೦೫-೦೬ರ ನಡುವೆ ಚೀನಾದ ರಾಯಭಾರಿ ಕಛೇರಿಯಿಂದ ಕೋಟಿಗಟ್ಟಲೆ ಹಣ ಸ್ವೀಕರಿಸಿರುವ ಪ್ರಕರಣದಲ್ಲಿ ಕೇಂದ್ರ ಸರಕಾರವು ಈ ‘ಫೌಂಡೇಶನ್ನ ಜೊತೆ ‘ರಾಜೀವ್‌ಗಾಂಧಿ ಚ್ಯಾರಿಟೇಬಲ್ ಟ್ರಸ್ಟ್ ಹಾಗೂ ‘ಇಂದಿರಾ ಗಾಂಧಿ ಮೆಮೊರಿಯಲ್ ಟ್ರಸ್ಟ್ ಎಂಬ ಮೂರು ಸಂಸ್ಥೆಗಳ ತನಿಖೆಯನ್ನು ನಡೆಸುವ ಆದೇಶವನ್ನು ಕೇಂದ್ರೀಯ ಗ್ರಹಸಚಿವಾಲಯದ ವಕ್ತಾರರು ಟ್ವಿಟ್ ಮಾಡಿ ಈ ಮಾಹಿತಿಯನ್ನು ನೀಡಿದರು.

ಇಲ್ಲಿಯ ಭಾರತ-ನೇಪಾಳ ಗಡಿಯಲ್ಲಿನ ಭಾರತದ ಗಡಿಯಲ್ಲಿ ಭಾರತವು ನಿರ್ಮಿಸುತ್ತಿದ್ದ ರಸ್ತೆಯ ಕೆಲಸವನ್ನು ನೇಪಾಳದ ಪೊಲೀಸರು ತಡೆದಿದ್ದಾರೆ. ಈ ರಸ್ತೆ ರಾಷ್ಟ್ರೀಯ ಹೆದ್ದಾರಿಗೆ ಸಂಬಂಧಿಸಿದೆ. ಆದ್ದರಿಂದ ಸ್ಥಳೀಯ ಭಾರತೀಯ ನಾಗರೀಕರಿಂದ ಆಕ್ರೋಶವನ್ನು ವ್ಯಕ್ತಪಡಿಸಲಾಗುತ್ತಿದೆ.

ರಾಜಸ್ಥಾನದಲ್ಲಿ ಮೃತ ವ್ಯಕ್ತಿಯ ಹದಿಮೂರನೇಯ ದಿನದ ಭೋಜನವನ್ನು ಆಯೋಜಿಸಿದರೆ ಸಂಬಂಧಪಟ್ಟವರಿಗೆ ೧ ವರ್ಷದ ಸೆರೆಮನೆವಾಸ ಹಾಗೂ ೧ ಸಾವಿರ ರೂಪಾಯಿಗಳ ದಂಡ ಎಂಬ ಶಿಕ್ಷೆ ವಿಧಿಸಲಾಗುವುದು. ಪೊಲೀಸರು ಎಲ್ಲಾ ಪೊಲೀಸ ಠಾಣೆಗಳಿಗೆ ಈ ಆದೇಶವನ್ನು ಹೊರಡಿಸಿದ್ದಾರೆ.