ಇಲ್ಲಿಯ ವಕೀಲೆಯಾದ ಜೀವನೀ ಕರಿಯಾವಸಮ ಇವರು ಶ್ರೀ ಮಹಾಕಾಳಿ ದೇವಿಯ ಅಶ್ಲೀಲ ಚಿತ್ರವನ್ನು ಫೇಸ್‌ಬುಕ್‌ನಲ್ಲಿ ಪೋಸ್ಟ್ ಮಾಡಿದ ಕೃತ್ಯವನ್ನು ಸ್ಥಳೀಯ ಹಿಂದೂ ಸಂಘಟನೆಗಳು ವಿರೋಧಿಸಿದ್ದಾರೆ. ಈ ಸಂಘಟನೆಗಳು ಜೀವನೀ ವಿರುದ್ಧ ಕ್ರಮ ಕೈಗೊಳ್ಳಬೇಕೆಂದು ಒತ್ತಾಯಿಸಿವೆ. ಅಲ್ಲದೆ, ಕೆಲವು ಸಂಘಟನೆಗಳು ಅವಳನ್ನು ಸೈಬರ್ ಕಾನೂನಿನಡಿಯಲ್ಲಿ ವಿಚಾರಣೆಗೆ ಒಳಪಡಿಸುವಂತೆ ಒತ್ತಾಯಿಸಿವೆ.
ಕ್ಯಾಲಿಫೋರ್ನಿಯಾ ಸ್ಟೇಟ್ ಯೂನಿವರ್ಸಿಟಿಯು ಹಿಂದೂ ಧರ್ಮ ಮತ್ತು ಜೈನ ಪಂಥದ ಅಧ್ಯಯನ ಮಾಡಲು ಪೀಠವನ್ನು ಸ್ಥಾಪಿಸಿದೆ. ಈ ಪೀಠದ ಸ್ಥಾಪನೆಗೆ ೨೪ ಭಾರತೀಯರು ಕೊಡುಗೆ ನೀಡಿದ್ದಾರೆ. ಹಿಂದೂ ಧರ್ಮ ಮತ್ತು ಜೈನ ಪಂಥಗಳ ಬಗ್ಗೆ ಜ್ಞಾನ ಹೊಂದಿರುವ ಓರ್ವ ಪ್ರಾಧ್ಯಾಪಕರನ್ನು ಈ ಪೀಠಕ್ಕೆ ನೇಮಿಸಲಾಗುವುದು.
ಬಲೂಚ್ ನ್ಯಾಶನಲ್ ಮೂವಮೆಂಟ್ ಬ್ರಿಟನ್ ಶಾಖೆಯು ಮತ್ತು ಅದರ ಅಂಗಸಂಸ್ಥೆಗಳು ಪಾಕಿಸ್ತಾನದಲ್ಲಿ ಬಲೂಚ್ ಜನರ ಮೇಲೆ ನಡೆದ ದೌರ್ಜನ್ಯದ ವಿರುದ್ಧ ಧ್ವನಿಯೆತ್ತಲು ಭಾರತ ಸರಕಾರಕ್ಕೆ ಆಗ್ರಹಿಸಿವೆ. ಈ ಸಂಘಟನೆಯು ಬಲೂಚಿಸ್ತಾನದ ಸ್ವಾತಂತ್ರ್ಯ ಚಳವಳಿಯಲ್ಲಿ ಸಹಾಯಕ್ಕಾಗಿ ಮನವಿ ಮಾಡಿವೆ.
ಅಮೇರಿಕಾದ ಸಂಸತ್ತಿನಲ್ಲಿ ರಕ್ಷಣಾ ಮಸೂದೆಯನ್ನು ಅಂಗಿಕರಿಸಲಾಗಿದ್ದು ಇದರಲ್ಲಿ ಚೀನಾದ ಸರಕಾರದಿಂದ ಪ್ರತ್ಯಕ್ಷ ನಿಯಂತ್ರಣ ರೇಖೆಯ ಬಳಿ ಭಾರತದ ವಿರುದ್ಧ ನಡೆಯುತ್ತಿರುವ ಸೈನ್ಯದ ಆಕ್ರಮಣವನ್ನು ನಿಲ್ಲಿಸುವಂತೆ ಒತ್ತಾಯಿಸಲಾಗಿದೆ.
ಪಾಕಿಸ್ತಾನದಲ್ಲಿಯ ಮಾನವ ಹಕ್ಕುಗಳ ಕಾರ್ಯಕರ್ತೆ ರಾಹತ ಆಸ್ಟೀನ್ ಇವರು ಒಂದು ವಿಡಿಯೋವನ್ನು ಪೋಸ್ಟ ಮಾಡಿ ಪಾಕಿಸ್ತಾನದ ಸಿಂಧ್‌ನಲ್ಲಿ ಮತಾಂಧರು ಹಿಂದೂಗಳ ಮನೆಗಳ ಮೇಲೆ ನಡೆಸಿದ ದಾಳಿಯ ಹಾಗೂ ಲೂಟಿಯ ಮಾಹಿತಿಯನ್ನು ತಿಳಿಸಿದ್ದಾರೆ.
ಶ್ರೀಲಂಕಾದಲ್ಲಿ ಕರೋನಾದಿಂದ ಮೃತಪಟ್ಟ ಪ್ರತಿಯೊಬ್ಬ ವ್ಯಕ್ತಿಯ ಮೃತದೇಹಕ್ಕೆ ಅಗ್ನಿಸಂಸ್ಕಾರ ಮಾಡುವಂತೆ ಸರಕಾರವು ಆದೇಶಿಸಿದೆ. ಈ ಕಾರಣದಿಂದ ಹಿಂದೂಗಳ ಸಹಿತ ಬೌದ್ಧರು, ಕ್ರೈಸ್ತರು ಮತ್ತು ಮುಸ್ಲಿಮರ ಶವಗಳನ್ನು ಸಹ ಅಗ್ನಿಸಂಸ್ಕಾರ ಮಾಡಲಾಗುತ್ತಿದೆ.
ಪಾಕಿಸ್ತಾನದಲ್ಲಿ ಅತ್ಯಾಚಾರಿಗಳನ್ನು ನಪುಂಸಕರನ್ನಾಗಿ ಮಾಡುವ ಕಾನೂನಿಗೆ ರಾಷ್ಟ್ರಪತಿಯವರು ಹಸ್ತಾಕ್ಷರ ಮಾಡಿದ್ದಾರೆ. ಹಾಗಾಗಿ ಈಗ ಅದನ್ನು ಕಾರ್ಯಾನ್ವಿತಗೊಳಿಸಲಾಗುವುದು. ಪದೇ ಪದೇ ಈ ರೀತಿಯ ಅಪರಾಧವನ್ನು ಮಾಡುವವರನ್ನು ನಪುಂಸಕರನ್ನಾಗಿಸಲಾಗುವುದು.
ಅಮೇರಿಕಾದ ‘ವಾಲ್ ಸ್ಟ್ರೀಟ್ ಜರ್ನಲ್’ ಈ ದಿನಪತ್ರಿಕೆಯಲ್ಲಿ ಮಾತ್ರ ‘ಭಾರತದ ಆಡಳಿತಾರೂಢ ಹಿಂದೂ ರಾಷ್ಟ್ರೀಯವಾದಿ ನಾಯಕರ ಮತ್ತು ಭಜರಂಗದಳದ ವಿರುದ್ಧದ ಕ್ರಮ ಕೈಗೊಂಡರೆ ಭಾರತದಲ್ಲಿನ ಫೇಸ್‌ಬುಕ್ ವ್ಯವಹಾರದ ಮೇಲೆ ವಿಪರೀತ ಪರಿಣಾಮ ಬೀರಬಹುದು ಅದೇರೀತಿ ಅವರ ಉದ್ಯೋಗಿಗಳ ಮೇಲೆ ದಾಳಿಯಾಗಬಹುದು. ಆದ್ದರಿಂದ ಫೇಸ್‌ಬುಕ್ ಭಜರಂಗದಳದ ಬಗ್ಗೆ ಮೃದುನಿಲುವನ್ನು ತೆಗೆದುಕೊಂಡಿದೆ ಎಂದು ಹೇಳಿದೆ.
ಸ್ಥಳೀಯ ಶುಜಾನಗರದ ಅಹಮದಪುರದಲ್ಲಿರುವ ಕಾಳಿ ದೇವಸ್ಥಾನದ ಶ್ರೀ ಮಹಾಕಾಳಿ ಮಾತೆಯ ೩ ಮೂರ್ತಿಗಳನ್ನು ಅಪರಿಚಿತ ವ್ಯಕ್ತಿಗಳು ಧ್ವಂಸ ಮಾಡಿರುವ ಘಟನೆ ಡಿಸೆಂಬರ ೧೧ ರಂದು ನಡೆದಿದೆ. ಇದರೊಂದಿಗೆ ಚಿನ್ನದ ಆಭರಣಗಳನ್ನೂ ಲೂಟಿ ಮಾಡಿದ್ದಾರೆ. ಸ್ಥಳಿಯ ಪೊಲೀಸ್ ಠಾಣೆಯಲ್ಲಿ ದೂರನ್ನು ನೋಂದಾಯಿಸಲಾಗಿದೆ.
ನೇಪಾಳ ಸರಕಾರದ ಚೀನಾ ಪರ ನೀತಿಗಳನ್ನು ನೋಡಿ ಅಲ್ಲಿನ ಹಿಂದೂ ಜನರು ದೇಶದಲ್ಲಿ ಅರಸೊತ್ತಿಗೆ ಪುನಃ ತರಬೇಕೆಂದು ಒತ್ತಾಯಿಸಲು ಪ್ರಾರಂಭಿಸಿದ್ದಾರೆ. ದ್ವಿಚಕ್ರ ವಾಹನಗಳನ್ನು ಬೀದಿಗಿಳಿದು ಕಮ್ಯುನಿಸ್ಟ್ ಪಕ್ಷದ ಕೆ.ಪಿ. ಶರ್ಮಾ ಒಲಿ ಸರಕಾರಕ್ಕೆ ವಿರೋಧ ವ್ಯಕ್ತಪಡಿಸಿದ್ದಾರೆ. ನೇಪಾಳದಲ್ಲಿ, ಮೇ ೨೮, ೨೦೦೮ ರಂದು ಅರಸೊತ್ತಿಗೆ ಕೊನೆಗೊಂಡಿತ್ತು. ಅಂದಿನಿಂದ, ದೇಶದಲ್ಲಿ ಕಮ್ಯುನಿಸ್ಟರು ಅಧಿಕಾರದಲ್ಲಿದ್ದಾರೆ.