ಕಳೆದ ೨೪ ಗಂಟೆಗಳಲ್ಲಿ ದೇಶದಲ್ಲಿ ೯೮೮೭ ಜನರಿಗೆ ಕರೋನಾ ಸೋಂಕು ತಗುಲಿದ್ದು ದೇಶದಲ್ಲಿ ಒಟ್ಟು ಕರೋನಾ ಸಂತ್ರಸ್ತರ ಸಂಖ್ಯೆ ೨ ಲಕ್ಷ ೩೬ ಸಾವಿರದ ೧೧೭ ಕ್ಕೆ ತಲುಪಿದೆ. ಎಂದು ಕೇಂದ್ರ ಆರೋಗ್ಯ ಸಚಿವಾಲಯ ಮಾಹಿತಿ ನೀಡಿದೆ. ಭಾರತವು ಕೊರೋನಾ ಪೀಡಿತ ರೋಗಿಗಳ ಸಂಖ್ಯೆಯಲ್ಲಿ ಇಟಲಿಯನ್ನು ಹಿಂದಿಕ್ಕುವ ಮೂಲಕ ವಿಶ್ವದ ಅತೀ ಹೆಚ್ಚು ರೋಗಿಗಳು ಇರುವ ಪಟ್ಟಿಯಲ್ಲಿ ಆರನೇ ಸ್ಥಾನಕ್ಕೆ ತಲುಪಿದೆ.

ಕೇರಳದ ಮಲ್ಲಪುರಮ್‌ನಲ್ಲಿ ಒಂದು ಗರ್ಭಿಣಿ ಆನೆಗೆ ಹಣ್ಣಿನ ಮೂಲಕ ನೀಡಿದ್ದ ಪಟಾಕಿಯು ಸೇವಿಸಿದ್ದ ಕಾರಣ ಪಟಾಕಿಯು ಸ್ಪೋಟಗೊಂಡು ಸಾವನ್ನಪ್ಪಿದ್ದ ಘಟನೆ ಮಾಸುವ ಮೊದಲೇ ಹಿಮಾಚಲ ಪ್ರದೇಶದ ಬಿಲಾಸಪುರ ಜಿಲ್ಲೆಯ ಜಾಂಡುತ್ತಾ ಪ್ರದೇಶದಲ್ಲಿ ಒಂದು ಗರ್ಭಿಣಿ ಹಸುವಿಗೆ ತಿನ್ನಲು ಪಟಾಕಿಯನ್ನು ನೀಡಿದ ಪರಿಣಾಮ ಅದು ಸ್ಫೋಟಗೊಂಡು ಗರ್ಭಿಣಿ ಹಸು ಗಂಭೀರವಾಗಿ ಗಾಯಗೊಂಡಿದೆ.

ಗರ್ಭಿಣಿ ಆನೆಯ ಸಾವಿನ ನಂತರ ಕೇರಳದ ಮಲ್ಲಾಪುರಮ್ ಜಿಲ್ಲೆಯ ಬಗ್ಗೆ ಹೇಳಿಕೆ ನೀಡಿದ್ದಕ್ಕಾಗಿ ಬಿಜೆಪಿ ಸಂಸದೆ ಮತ್ತು ಮಾಜಿ ಕೇಂದ್ರ ಸಚಿವೆ ಮೇನಕಾ ಗಾಂಧಿಯೊಂದಿಗೆ ಇತರರು ವಿರುದ್ಧ ಪ್ರಕರಣ ದಾಖಲಿಸಲಾಗಿದೆ. ಮಲ್ಲಾಪುರಮ್ ಜಿಲ್ಲೆಯ ನ್ಯಾಯವಾದಿ ಸುಭಾಷ ಚಂದ್ರನ್ ಇವರು ಗಾಂಧಿಯ ವಿರುದ್ಧ ಪೊಲೀಸ ಅಧೀಕ್ಷಕರಲ್ಲಿ ದೂರು ದಾಖಲಿಸಿದ್ದಾರೆ.

‘ಗೋ ಏರ್’ ಈ ಖಾಸಗಿ ವಿಮಾನ ಸಾರಿಗೆ ಸಂಸ್ಥೆಯ ಅಧಿಕಾರಿ ಆಸಿಫ್ ಖಾನ್ ಈತನು ಸೀತಾ ಮಾತೆ, ಹಿಂದೂ ಧರ್ಮ ಮತ್ತು ಸಂಸ್ಕೃತ ಭಾಷೆಯ ಬಗ್ಗೆ ಅವಹೇಳನಕಾರಿ ಹೇಳಿಕೆ ನೀಡಿದ್ದಾನೆ. ಈ ಕೃತ್ಯದ ಬಗ್ಗೆ ಹಿಂದೂಗಳು ಸಾಮಾಜಿಕ ಮಾಧ್ಯಮಗಳಲ್ಲಿ ತೀವ್ರವಾಗಿ ಟೀಕಿಸಿದ್ದಾರೆ, ಅದೇರೀತಿ ‘ಗೋ ಏರ್’ ವಿಮಾನಯಾನ ಸಂಸ್ಥೆಯ ಮೇಲೆ ಬಹಿಷ್ಕಾರ ಹಾಕುವಂತೆ ಕರೆ ನೀಡಿದ್ದಾರೆ.

ಓರ್ವ ದಾದಿಯ ಮೇಲೆ ಅತ್ಯಾಚಾರ ಎಸಗಿ ಆಕೆಯ ಫೋಟೋಗಳನ್ನು ಸಾರ್ವಜನಿಕಗೊಳಿಸುವುದಾಗಿ ಬೆದರಿಕೆಯೊಡ್ಡಿ ಆಕೆಯಿಂದ ೪ ಲಕ್ಷ ರೂಪಾಯಿ ಪಡೆಯಲು ಪ್ರಯತ್ನಿಸಿದ ಪ್ರಕರಣದಲ್ಲಿ ಯುವ ಕಾಂಗ್ರೆಸ್ ಮುಖಂಡ ವರುಣ್ ಜೋಶಿ ವಿರುದ್ಧ ಅಪರಾಧ ದಾಖಲಾದ ನಂತರ ಜೋಶಿ ಪರಾರಿಯಾಗಿದ್ದಾನೆ.

ಸಂಚಾರ ನಿಷೇಧದ ಮೊದಲು ಪೌರತ್ವ ತಿದ್ದುಪಡಿ ಕಾಯ್ದೆಯ ವಿರುದ್ಧ ಶಾಹೀನ್ ಬಾಗ್‌ನಲ್ಲಿ ಮತಾಂಧರು ಕಾನೂನುಬಾಹಿರವಾಗಿ ಪ್ರತಿಭಟನೆಯನ್ನು ನಡೆಸಿದ್ದರು. ಸಂಚಾರ ನಿಷೇಧ ಜಾರಿಯಾದ ಮೇಲೆ ಪೊಲೀಸರು ಈ ಪ್ರತಿಭಟನೆಯನ್ನು ಮೊಟಕುಗೊಳಿಸಿದ್ದರು; ಆದರೆ ಈಗ ಮತಾಂಧರು ಪುನಃ ಇಲ್ಲಿ ಪ್ರತಿಭಟನೆಯನ್ನು ಪ್ರಾರಂಭಿಸುವ ಸಿದ್ಧತೆಯಲ್ಲಿದ್ದಾರೆ.