ಜಗತ್ತಿನಲ್ಲಿ ಕೊರೋನಾದ ಸಾಂಕ್ರಾಮಿಕ ಹೆಚ್ಚಾಗುತ್ತಿರುವಾಗ ಈಗ ಉತ್ತರ ಚೀನಾದಲ್ಲಿನ ಒಂದು ನಗರದಲ್ಲಿ ‘ಬ್ಲೂಬಾನಿಕ್ ಪ್ಲೇಗ್ ೨ರ ಹೊಸ ಸಂಶಯಿತ ರೋಗಿಗಳು ಸಿಕ್ಕಿದ್ದಾರೆ. ಈ ರೋಗವು ಸಹಜವಾಗಿ ಪ್ರಾಣಿಗಳಿಂದ ಮನುಷ್ಯರಿಗೆ ಹರಡಬಹುದು. ಆದ್ದರಿಂದ ಭವಿಷ್ಯದಲ್ಲಿ ಈ ರೀತಿಯಲ್ಲಿ ಕೆಲವು ರೋಗಿಗಳು ಸಿಗುವ ಸಾಧ್ಯತೆಗಳಿರುವುದರಿಂದ ಆರೋಗ್ಯ ಇಲಾಖೆಯು ಎಚ್ಚರಿಕೆಯ ಮುನ್ಸೂಚನೆ ನೀಡಿದೆ.

‘ಇಸ್ಕಾನ್ನ ಪ್ರಮುಖ ಸ್ವಾಮೀ ಭಕ್ತೀಚಾರು ಮಹಾರಾಜರ ಕೊರೋನಾದ ಸಾಂಕ್ರಾಮಿಕದಿಂದ ನಿಧನರಾದರು. ಅವರು ಜೂನ್ ೩ರಂದು ಉಜ್ಜೈನಿಯಿಂದ ಅಮೇರಿಕಾಗೆ ಬಂದಿದ್ದರು. ಜೂನ್ ೧೮ರಂದು ತಪಾಸಣೆ ಮಾಡಿದಾಗ ಅವರಿಗೆ ಕೊರೋನಾ ಸೋಂಕು ತಗಲಿರುವುದು ಬೆಳಕಿಗೆ ಬಂದಿತು. ಕಳೆದ ಕೆಲವು ದಿನಗಳಿಂದ ಅವರನ್ನು ವೆಂಟಿಲೇಟರ್‌ನಲ್ಲಿ (ಕೃತಕ ಉಸಿರಾಟದ) ದಲ್ಲಿ ಇಡಲಾಗಿತ್ತು.

ಭಾರತ ಹಾಗೂ ಚೀನಾದ ನಡುವೆ ಪೂರ್ವ ಲಡಾಖ್‌ನಲ್ಲಿನ ಗಡಿಯಲ್ಲಿ ನಡೆಯುತ್ತಿರುವ ಒತ್ತಡದ ಹಿನ್ನೆಲೆಯಲ್ಲಿ ಪಾಕಿಸ್ತಾನವು ಪುಂಛಟಗತ್‌ನ ಪಾಕ್‌ಆಕ್ರಮಿತ ಕಾಶ್ಮೀರದಲ್ಲಿನ ಕೊತಲೀ, ರಾವಲಕೋಟ್, ವಿಂಭರ್, ಬಾಗ್, ಮುಝಫ್ಫರಾಬಾದ್ ಸೇರಿದಂತೆ ಅನೇಕ ಸ್ಥಳಗಳಲ್ಲಿ ಹೆಚ್ಚುವರಿ ಬಟಾಲಿಯನ್‌ಗಳನ್ನು ನೇಮಿಸಿದೆ.

ಹಿಬ್ರು ಭಾಷೆಯಲ್ಲಿ ಪ್ರಕ್ಷೇಪಣೆಯಾಗುವ ‘ಗಾಡ್ ಟಿವಿ’ ಎಂಬ ಕ್ರೈಸ್ತ ಮಿಷನರಿಯ ಖಾಸಗಿ ದೂರದರ್ಶನವನ್ನು ಇಸ್ರೇಲ್ ನಿಷೇಧ ಹೇರಿದೆ. ‘ಈ ವಾಹಿನಿಯು ಪ್ರಕ್ಷೇಪಣೆ ಆರಂಭಿಸುವ ಬಗ್ಗೆ ಅರ್ಜಿ ಸಲ್ಲಿಸಿದಾಗ ಅದರ ಒಡೆತನ ಮಿಷನರಿಗಳ ಬಳಿ ಇದೆ ಎಂಬ ಮಾಹಿತಿಯನ್ನು ಅಡಗಿಸಿಟ್ಟಿದ್ದು ಈ ವಾಹಿನಿಯ ಮೂಲಕ ದೇಶದಲ್ಲಿ ಮತಾಂತರಕ್ಕೆ ಪ್ರೋತ್ಸಾಹ ನೀಡುತ್ತಿತ್ತು’, ಎಂದು ಆರೋಪಿಸಲಾಗಿದೆ.

ಪಾಕಿಸ್ತಾನದ ಸಿಂಧ ಪ್ರಾಂತ್ಯದ ಬಾದಿನ ಜಿಲ್ಲೆಯಲ್ಲಿ ೧೦೨ ಹಿಂದೂಗಳನ್ನು ಮತಾಂತರಿಸಿ ಅವರನ್ನು ಮುಸಲ್ಮಾನರನ್ನಾಗಿಸಿದ್ದಾರೆ ಎಂದು ‘ಟೈಮ್ಸ್ ನೌ’ ಈ ಆಂಗ್ಲ ವಾರ್ತಾವಾಹಿನಿಯು ವರದಿ ಮಾಡಿದೆ. ಇದರಲ್ಲಿ ಮಕ್ಕಳು, ಮಹಿಳೆಯರು ಹಾಗೂ ಪುರುಷರು ಸಮಾವೇಶಗೊಂಡಿದ್ದಾರೆ. ಅದೇ ರೀತಿ ಇಲ್ಲಿನ ದೇವಸ್ಥಾನದ ಮೂರ್ತಿಯನ್ನು ಒಡೆದು ದೇವಸ್ಥಾನವನ್ನು ಮಸೀದಿಯನ್ನಾಗಿ ಮಾಡಲಾಗಿದೆ.

ಭಾರತವು ಚೀನಾದ ೫೯ ‘ಆಪ್ಸ್’ಗಳನ್ನು ನಿಷೇಧಿಸುವ ೨ ದಿನಗಳ ಮೊದಲೇ ಚೀನಾವು ಭಾರತದ ದಿನಪತ್ರಿಕೆ ಹಾಗೂ ವಾರ್ತಾವಾಹಿನಿಯ ಜಾಲತಾಣವನ್ನು ನಿಷೇಧಿಸಿದೆ. ಆದ್ದರಿಂದ ಚೀನಾದಲ್ಲಿ ಈ ಜಾಲತಾಣಗಳನ್ನು ನೋಡಲು ಸಾಧ್ಯವಿಲ್ಲ. ಭಾರತೀಯ ವಾರ್ತಾವಾಹಿನಿಯನ್ನು ನೋಡಲು ಚೀನಾದಲ್ಲಿ ‘ಐ.ಪಿ. ಟಿವಿ’ಯನ್ನು ಉಪಯೋಗಿಸಲಾಗುತ್ತದೆ.

‘ಸ್ಟಾಕ್ ಎಕ್ಸೆಂಜ್’ ಮೇಲೆ (‘ಶೇರ್ ಮಾರುಕಟ್ಟೆ’ ಮೇಲೆ) ‘ಬಲುಚಿಸ್ತಾನ ಲಿಬರೇಶನ್ ಆರ್ಮಿ’ಯ ಸೈನಿಕರು ಮಾಡಿದ ದಾಳಿಯಲ್ಲಿ ಓರ್ವ ಪೊಲೀಸ್ ಉಪನಿರೀಕ್ಷಕರ ಸಹಿತ ೫ ಭದ್ರತಾರಕ್ಷಕರು ಮೃತಪಟ್ಟಿದ್ದು ದಾಳಿ ಮಾಡಿದ ೪ ಬಲುಚಿ ಸೈನಿಕರು ಹತರಾದರು. ಪಾಕಿಸ್ತಾನವು ಇದನ್ನು ‘ಭಯೋತ್ಪಾದನಾ ದಾಳಿ’ ಎಂದು ಹೇಳಿದೆ. ‘ಬಲುಚಿಸ್ತಾನ ಲಿಬರೇಶನ್ ಆರ್ಮಿ’ಯು ದಾಳಿಯ ಹೊಣೆಯನ್ನು ಹೊತ್ತುಕೊಂಡಿದೆ.

ಜಗತ್ತಿನಲ್ಲಿ ತನ್ನ ವರ್ಚಸ್ಸನ್ನು ನಿರ್ಮಿಸಲು ಚೀನಾವು ಜಗತ್ತಿನ ೧೫೦ ದೇಶಗಳಿಗೆ ಸರಿ ಸುಮಾರು ೧೨೦ ಲಕ್ಷ ಕೋಟಿ ರೂಪಾಯಿ ಸಾಲ ನೀಡಿದೆ; ಆದರೆ ಅದರಲ್ಲಿ ಹೆಚ್ಚಿನ ಸಾಲದ ಹಣ ಮರುಪಾವತಿಯಾಗುವ ಸಾಧ್ಯತೆ ಕಡಿಮೆಯಾಗುತ್ತಿದೆ. ಕೊರೋನಾ ಸಂಕಟದಿಂದ ಜಗತ್ತಿನ ಅರ್ಥವ್ಯವಸ್ಥೆ ಹದಗೆಟ್ಟಿದ್ದರಿಂದ ಈ ಸ್ಥಿತಿ ನಿರ್ಮಾಣವಾಗಿದೆ.

ಭಾರತೀಯ ಭೂಪ್ರದೇಶವಾಗಿರುವ ಸುಸ್ತಾ ಪ್ರದೇಶವನ್ನು ನೇಪಾಳವು ಆಕ್ರಮಿಸಿಕೊಂಡಿದ್ದು ಅಲ್ಲಿ ಭಾರತೀಯ ನಾಗರಿಕರ ಮೇಲೆ ನಿರ್ಬಂಧ ಹೇರಿದೆ. ಈ ಪ್ರದೇಶದಲ್ಲಿ ೭ ಸಾವಿರದ ೧೦೦ ಎಕರೆ ಭೂಮಿಯ ಬಗ್ಗೆ ವಿವಾದ ನಡೆಯುತ್ತಿದೆ, ಅದೇ ರೀತಿ ನೇಪಾಳವು ಇಲ್ಲಿಯ ನರಸಹಿ ಕಾಡು ಕೂಡ ತನ್ನದಾಗಿದೆ ಎಂದು ಹೇಳಿಕೊಂಡಿದೆ. ಕೊರೋನಾ ‘ಪ್ರತ್ಯೇಕಿಕರಣ ಕೇಂದ್ರ’ ತೆರೆಯುವ ನೆಪದಲ್ಲಿ ನೇಪಾಳವು ತನ್ನ ಸೈನ್ಯವನ್ನು ಅಲ್ಲಿ ಕಳುಹಿಸಿದೆ.