ಅಮೇರಿಕಾದಲ್ಲಿ ಲಸಿಕೆ ನೀಡುವಲ್ಲಿ ವರ್ಣದ್ವೇಷ ಮಾಡಲಾಗುತ್ತಿದೆ ಎಂದು ಕೇಳಿಬರುತ್ತಿದೆ. ಅಮೇರಿಕಾದಲ್ಲಿ ಕೊರೋನಾ ಸೋಂಕು ತಗಲಿದವರಲ್ಲಿ ಕರಿಯರು ಹೆಚ್ಚಿನ ಸಂಖ್ಯೆಯಲ್ಲಿದ್ದಾರೆ. 

೨ ಸಾವಿರ ೧೯ ಕೋಟಿ ೫೩ ಲಕ್ಷ ರೂ.ಗಳ ವಿವಿಧ ಭ್ರಷ್ಟಾಚಾರ ಹಗರಣಗಳಿಗೆ ಸಂಬಂಧಿಸಿದಂತೆ ಮಾಜಿ ಬ್ಯಾಂಕ್ ಅಧಿಕಾರಿಗೆ ಚೀನಾದಲ್ಲಿ ಮರಣದಂಡನೆ ವಿಧಿಸಲಾಗಿದೆ.

ತೈವಾನ ಈಗ ಸ್ವಾತಂತ್ರ್ಯದ ಘೋಷಣೆಯನ್ನು ಮಾಡಲು ಸಿದ್ಧವಾಗುತ್ತಿದೆ ಎಂಬ ವಾರ್ತೆಯ ಹಿನ್ನೆಲೆಯಲ್ಲಿ ಚೀನಾವು ಯುದ್ಧದ ಬೆದರಿಕೆಯನ್ನು ಹಾಕಿದೆ. ಚೀನಾ ತೈವಾನ ತನ್ನ ಪ್ರದೇಶ (ಭೂಭಾಗ) ಎಂದು ಹೇಳುತ್ತದೆ.

ಪಾಕಿಸ್ತಾನದ ಗುಪ್ತಚರ ಸಂಘಟನೆ ಐ.ಎಸ್.ಐ.ನ ಮಾಜಿ ಮುಖ್ಯಸ್ಥ (ಇಂಟರ್ ಸರ್ವಿಸ್ ಇಂಟೆಲಿಜೆನ್ಸ್ ನ) ಜನರಲ್ ಅಸದ ದುರ್ರ‍ಾನಿ ಇವರು ಭಾರತೀಯ ಗುಪ್ತಚರ ಸಂಘಟನೆ ‘ರಾ’ದ (ರಿಸರ್ಚ್ ಆಂಡ್ ಎನಾಲಿಸಿಸ್ ವಿಂಗ್’ನ) ಗುಪ್ತಚರರಾಗಿದ್ದರು ಎಂದು ಪಾಕಿಸ್ತಾನ ಸರಕಾರವು ಹೇಳಿದೆ.

ನೇಪಾಳ ಕಮ್ಯುನಿಸ್ಟ ಪಕ್ಷದಿಂದ ಹೊರದಬ್ಬಲಾಗಿರುವ ನೇಪಾಳದ ಪ್ರಧಾನಮಂತ್ರಿ ಕೆ.ಪಿ. ಶರ್ಮಾ ಒಲಿ ಇವರು ಮೊದಲ ಬಾರಿಗೆ ಪಶುಪತಿನಾಥ ಮಂದಿರಕ್ಕೆ ಹೋಗಿ ದರ್ಶನ ಪಡೆದು ಪೂಜೆಯನ್ನು ಸಲ್ಲಿಸಿದರು. ಅಲ್ಲಿ ಅವರು ಒಂದೂಕಾಲು ಲಕ್ಷ ದೀಪಗಳನ್ನು ಸಹ ಹಚ್ಚಿದರು.

ಜಗತ್ತಿನಲ್ಲಿರುವ ೫೮ ಸಾವಿರ ೭೦೦ ದೊಡ್ಡ ಅಣೆಕಟ್ಟುಗಳಲ್ಲಿ ಹೆಚ್ಚಿನ ಅಣೆಕಟ್ಟುಗಳನ್ನು ೧೯೩೦ ರಿಂದ ೧೯೭೦ ರ ಕಾಲಾವಧಿಯಲ್ಲಿ ಕಟ್ಟಲಾಗಿದೆ. ಕಟ್ಟುವಾಗ ಅವುಗಳ ಕಾರ್ಯಕ್ಷಮತೆಯ ಸಮಯಮಿತಿಯನ್ನು ೫೦ ರಿಂದ ೧೦೦ ವರ್ಷಗಳೆಂದು ನಿರ್ಧರಿಸಲಾಗಿತ್ತು. ಪ್ರತಿಯೊಂದು ಅಣೆಕಟ್ಟು ಕಟ್ಟಿಯಾದ ೫೦ ವರ್ಷಗಳ ನಂತರ ಅದರಿಂದಾಗುವ ಅಪಾಯದಲ್ಲಿ ಹೆಚ್ಚಳವಾಗುತ್ತದೆ.

ತಮ್ಮ ಸಿಬ್ಬಂದಿಗಳಿಗೆ ವಿಶ್ವಸಂಸ್ಥೆ ‘ಪಾಕಿಸ್ತಾನದ ಯಾವುದೇ ವಿಮಾನ ಯಾನ ಕಂಪನಿಗಳ ವಿಮಾನಗಳಲ್ಲಿ ಪ್ರವಾಸ ಮಾಡಬಾರದು’, ಎಂದು ಹೇಳಿದೆ. ಪಾಕ್‌ನ ವೈಮಾನಿಕರ ಹತ್ತಿರ ವಿಮಾನವನ್ನು ಹಾರಿಸಲು ನಕಲಿ ಲೈಸೆನ್ಸ್ (ಅನುಮತಿ ಪತ್ರ) ಇರುವುದರಿಂದ ಈ ಸೂಚನೆಯನ್ನು ಕೊಡಲಾಗಿದೆ.

೫ ಲಕ್ಷ ೬೨ ಸಾವಿರ ಭಾರತೀಯರ ಫೇಸ್‌ಬುಕ್ ಖಾತೆಯಿಂದ ಮಾಹಿತಿಯನ್ನು ಕಳ್ಳತನ ಮಾಡಿದ ಪ್ರಕರಣದಲ್ಲಿ ಬ್ರಿಟನ್‌ನ ‘ಕೆಂಬ್ರಿಜ್ ಅನಾಲಿಟಿಕಾ’ ಎಂಬ ಕಂಪನಿಯ ವಿರುದ್ಧ ಕೇಂದ್ರಿಯ ತನಿಖಾ ದಳವು (ಸಿಬಿಐ) ಅಪರಾಧವನ್ನು ದಾಖಲಿಸಿದೆ.

ಪಾಕಿಸ್ತಾನವು ತನ್ನ ಬ್ಯಾಲೆಸ್ಟಿಕ್ ಕ್ಷಿಪಣಿ ‘ಶಾಹೀನ – ೩’ ಇದನ್ನು ಜನವರಿ ೨೦ ರಂದು ಪರೀಕ್ಷಣೆ ಮಾಡಿತು. ಆದರೆ ಇದರಲ್ಲಿ ಪಾಕಿಸ್ತಾನದ ನಾಗರಿಕರು ಗಾಯಗೊಂಡಿದ್ದಾರೆ. ಈ ಪರೀಕ್ಷಣೆಯನ್ನು ಬಲುಚಿಸ್ತಾನದ ಡೆರಾ ಗಾಝಿ ಖಾನ್‌ನಲ್ಲಿ ನಡೆಸಲಾಗಿತ್ತು. ಆಗ ಡೆರಾ ಬುಗ್ತಿ ಎಂಬಲ್ಲಿನ ವಸತಿ ಪ್ರದೇಶದಲ್ಲಿ ಈ ಕ್ಷಿಪಣಿಯು ಬಿದ್ದ ಕಾರಣ ಮನೆಗಳಿಗೆ ಹಾನಿಯುಂಟಾಯಿತು ಮತ್ತು ಅನೇಕ ನಾಗರಿಕರು ಗಾಯಗೊಂಡರು.