ಪ್ರತಿಯೊಂದು ಕ್ಷಣ ಸಾಧನೆಯಲ್ಲಿಯೇ ಇರುವ ಮತ್ತು ‘ಗುರುಚರಣಗಳ ಕಡೆಗೆ  ಹೋಗುವುದಿದೆ’, ಎಂಬ ಒಂದೇ ಹಂಬಲ ಇರುವ ರಾಮನಾಥಿ ಆಶ್ರಮದಲ್ಲಿನ ಶೇ. ೬೧ ರಷ್ಟು ಆಧ್ಯಾತ್ಮಿಕ ಮಟ್ಟವಿರುವ ಕು. ಅಪಾಲಾ ಅಮಿತ ಔಂಧಕರ (೧೪ ವರ್ಷ) !

ತಾಯಿ-ತಂದೆಯರೇ, ದೈವಿ ಬಾಲಕರ ಸಾಧನೆಗೆ ವಿರೋಧಿಸದೇ ಅವರ ಸಾಧನೆಯತ್ತ ಗಮನ ಹರಿಸಿ !

‘ಕೆಲವು ದೈವಿ ಬಾಲಕರ ಆಧ್ಯಾತ್ಮಿಕ ಮಟ್ಟ ಎಷ್ಟು ಒಳ್ಳೆದಿರುತ್ತದೆ ಎಂದರೆ ಅವರು ೨೦-೨೫ ವಯಸ್ಸನ್ನು ತಲುಪುವುದರೊಳಗೆ ಸಂತರಾಗಬಹುದು. ತಾಯಿ-ತಂದೆಯರು ಇಂತಹ ಬಾಲಕರಿಗೆ ಪೂರ್ಣವೇಳೆ ಸಾಧನೆ ಮಾಡಲು ವಿರೋಧಿಸುತ್ತಾರೆ ಮತ್ತು ಅವರಿಗೆ ಮಾಯೆಯಲ್ಲಿನ ಶಿಕ್ಷಣ ನೀಡಿ ಅವರ ಜೀವನವನ್ನು ವ್ಯರ್ಥಗೊಳಿಸುತ್ತಾರೆ. ಸಾಧಕನಿಗೆ ಸಾಧನೆಗೆ ವಿರೋಧ ಮಾಡುವಷ್ಟು ಮಹಾಪಾಪ ಇನ್ನೊಂದಿಲ್ಲ. ಇದನ್ನು ಗಮನದಲ್ಲಿಟ್ಟು ತಾಯಿ-ತಂದೆಯರು ಮಕ್ಕಳ ಸಾಧನೆ ಒಳ್ಳೆಯದಾಗಲು ಗಮನಹರಿಸಿದರೆ ತಾಯಿ-ತಂದೆಯರ ಸಾಧನೆಯಾಗಿ ಅವರೂ ಜನ್ಮ-ಮೃತ್ಯುವಿನ ಚಕ್ರದಿಂದ ಮುಕ್ತರಾಗುವರು !

– ಪರಾತ್ಪರ ಗುರು ಡಾ. ಆಠವಲೆ (೧೮.೧೦.೨೦೨೧)

ಸಮಷ್ಟಿ ಪ್ರಕೃತಿ ಇದ್ದರೂ ವ್ಯಷ್ಟಿ ಮತ್ತು ಸಮಷ್ಟಿ ಸಾಧನೆಯ ಸುಂದರ ಸಂಗಮವಿರುವ ರಾಮನಾಥಿ ಆಶ್ರಮದಲ್ಲಿನ ಅಲೌಕಿಕ ದೈವೀ ಬಾಲಕರು !

‘ಗೋವಾದಲ್ಲಿನ ಸನಾತನ ಸಂಸ್ಥೆಯ ರಾಮನಾಥಿ ಆಶ್ರಮ’ದಲ್ಲಿ ದೈವೀ ಬಾಲಕರ ಸತ್ಸಂಗದಲ್ಲಿ ನಾನು ಅನುಭವಿಸಿರುವ ಕೆಲವು ಅಂಶಗಳನ್ನು ಇಲ್ಲಿ ಕೊಡುತ್ತಿದ್ದೇನೆ.

೧. ಹೆಚ್ಚಾಗಿ ಸಮಷ್ಟಿ ಪ್ರಕೃತಿಯಿರುವ ಸಾಧಕರಿಗೆ ವ್ಯಷ್ಟಿ ಸಾಧನೆಯನ್ನು ಮಾಡುವ ಗಾಂಭೀರ್ಯತೆ ಇಲ್ಲದಿರುವುದರಿಂದ ಅವರ ಸ್ವಭಾವದೋಷಗಳು ಕಡಿಮೆ ಆಗದಿರುವುದು ಮತ್ತು ಪ್ರಗತಿಯೂ ಆಗದಿರುವುದು 

‘ಧರ್ಮಪ್ರಸಾರವನ್ನು ಮಾಡುವಾಗ ನನಗೆ, ‘ಸಾಮಾನ್ಯವಾಗಿ ಸಮಷ್ಟಿ ಪ್ರಕೃತಿ ಇರುವ ಸಾಧಕರಲ್ಲಿ ವ್ಯಷ್ಟಿ ಸಾಧನೆಯ ಸೆಳೆತ ಅಷ್ಟೊಂದು ಇರುವುದಿಲ್ಲ’, ಎಂದು ಅರಿವಾಯಿತು. ಸಮಷ್ಟಿ ಸಾಧಕರ ವೃತ್ತಿಯು ಬಹಿರ್ಮುಖವಾಗಿರುವುದರಿಂದ ಅವರಿಂದ ಸ್ವಭಾವದೋಷ ಮತ್ತು ಅಹಂ ನಿರ್ಮೂಲನೆ ಆಗುವುದಿಲ್ಲ; ಆದುದರಿಂದ ಕೆಲವೊಮ್ಮೆ ಅನೇಕ ವರ್ಷಗಳ ವರೆಗೆ ಸಾಧನೆಯನ್ನು ಮಾಡಿದರೂ ಅವರ ಅಪೇಕ್ಷಿತ ಪ್ರಗತಿ ಆಗುವುದಿಲ್ಲ. ಅವರಿಗೆ ಆಗಾಗ ವ್ಯಷ್ಟಿ ಸಾಧನೆಯನ್ನು ಮಾಡುವುದರ ಬಗ್ಗೆ ಹೇಳಬೇಕಾಗುತ್ತದೆ. ಅವರು ನಾಮಜಪ ಮತ್ತು ಅವರಿಗೆ ಆಧ್ಯಾತ್ಮಿಕ ತೊಂದರೆಗಳು ಆಗುತ್ತಿರುವಾಗ ಹೇಳಿದ ನಾಮಜಪಾದಿ ಉಪಾಯಗಳನ್ನು ಮಾಡುತ್ತಾರೆ; ಆದರೆ ಸ್ವಭಾವದೋಷ ಮತ್ತು ಅಹಂ ನಿರ್ಮೂಲನೆ ಮಾಡಲು ಅವರಿಗೆ ಆಗಾಗ ಹೇಳುತ್ತಿದ್ದರೆ ಅವರು ಕೆಲವು ವರ್ಷಗಳ ನಂತರ ಈ ಪ್ರಕ್ರಿಯೆಯನ್ನು ಪ್ರಾರಂಭಿಸುತ್ತಾರೆ. ಅನೇಕ ಸಲ ‘ಅವರಿಗೆ ಅವರ ಸ್ವಭಾವದೋಷ ಮತ್ತು ಅಹಂ ಇವುಗಳಿಂದ ಹೇಗೆ ಸಮಷ್ಟಿಯ ಹಾನಿಯಾಗುತ್ತದೆ ?’, ಎಂಬುದನ್ನೂ ಪುನಃ ಪುನಃ ಹೇಳಬೇಕಾಗುತ್ತದೆ.

೨. ಹೆಚ್ಚಿನ ದೈವೀ ಬಾಲಕರಲ್ಲಿ ವ್ಯಷ್ಟಿ ಮತ್ತು ಸಮಷ್ಟಿ ಸಾಧನೆಯ ಗಾಂಭೀರ್ಯತೆ ನೋಡಲು ಸಿಗುವುದು ಮತ್ತು ಚಿಕ್ಕ ವಯಸ್ಸಿನಲ್ಲಿಯೇ ಅವರು ಸ್ವಭಾವದೋಷ ನಿರ್ಮೂಲನೆಗಾಗಿ ಜಾಗರೂಕರಾಗಿರುವುದು ಕಂಡುಬರುವುದು, ಇದರಿಂದ ಅವರಲ್ಲಿನ ಅಸಾಧಾರಣ ಅಲೌಕಿಕತ್ವವು ಕಾಣಿಸುವುದು 

ಹೆಚ್ಚಿನ ದೈವೀ ಬಾಲಕರ ಪ್ರಕೃತಿ ಸಮಷ್ಟಿಯಾಗಿದೆ; ಏಕೆಂದರೆ ಅವರು ಹಿಂದೂ ರಾಷ್ಟ್ರದ ಕಾರ್ಯವನ್ನು ಮಾಡಲು ಈ ಪೃಥ್ವಿಯ ಮೇಲೆ ಜನ್ಮ ತಾಳಿದ್ದಾರೆ. ಆದುದರಿಂದ ಈ ದೈವೀ ಬಾಲಕರಲ್ಲಿ ವ್ಯಷ್ಟಿ ಮತ್ತು ಸಮಷ್ಟಿ ಸಾಧನೆಯ ಸುಂದರ ಸಂಗಮವಾಗಿದೆ. ಕೆಲವು ದೈವೀ ಬಾಲಕರು ಕೇವಲ ೭ ರಿಂದ ೯ ವರ್ಷದವರಾಗಿದ್ದಾರೆ, ಆದರೂ ಅವರು ನಿಯಮಿತವಾಗಿ ಸ್ವಭಾವದೋಷ ಮತ್ತು ಅಹಂ ನಿರ್ಮೂಲನೆಯ ಪ್ರಕ್ರಿಯೆಯನ್ನು ನಡೆಸುತ್ತಾರೆ, ಉದಾ. ಯಾವುದಾದರೊಂದು ತಪ್ಪಾದಾಗ ಅದನ್ನು ಪಟ್ಟಿಯಲ್ಲಿ ಮತ್ತು ಆಶ್ರಮದಲ್ಲಿನ ಫಲಕದ ಮೇಲೆ ಬರೆಯುವುದು, ಸ್ವಭಾವದೋಷ ನಿರ್ಮೂಲನೆ ಮಾಡಲು ಸ್ವಯಂ ಸೂಚನೆಗಳನ್ನು ಕೊಡುವುದು, ತಮ್ಮ ಅಹಂನ ಲಕ್ಷಣಗಳ ಬಗ್ಗೆ ಜಾಗರೂಕರಾಗಿರುವುದು ಇತ್ಯಾದಿ. ಅವರ ಮನಸ್ಸಿನಲ್ಲಿ ಅಹಂನ ಬಗ್ಗೆ ವಿಚಾರಗಳು ಬಂದರೆ, ಈ ಬಾಲಕರು ಸತ್ಸಂಗದಲ್ಲಿ ಪ್ರಾಮಾಣಿಕವಾಗಿ ಆತ್ಮನಿವೇದನೆಯನ್ನು ಮಾಡುತ್ತಾರೆ.

ಕೇವಲ ೧೦ ವರ್ಷದ ಓರ್ವ ದೈವೀ ಬಾಲಕಿ ಇದ್ದಾಳೆ. ಅವಳ ಬಗ್ಗೆ ಓರ್ವ ಇತರ ಸಾಧಕಿಯು, “ಕೆಲವು ಕಾರಣಗಳಿಂದ ಅವಳಿಗೆ ದಿನವಿಡಿ ಸ್ವಭಾವದೋಷ ಪಟ್ಟಿಯನ್ನು ಬರೆಯಲು ಆಗದಿದ್ದರೆ, ಅವಳು ರಾತ್ರಿ ೧೧ ಗಂಟೆಯ ವರೆಗೆ ಎಚ್ಚರವಿದ್ದು ಪಟ್ಟಿಯಲ್ಲಿ ಬರೆದ ನಂತರವೇ ಮಲಗುತ್ತಾಳೆ”, ಎಂದು ಹೇಳಿದಳು. ಇಷ್ಟು ಚಿಕ್ಕ ವಯಸ್ಸಿನಲ್ಲಿ ಅವಳ ತಳಮಳವು ಪ್ರಶಂಸನೀಯವಾಗಿದೆ. ಇದರಿಂದ ಈ ದೈವೀ ಬಾಲಕರ ವಿಲಕ್ಷಣ ಅಲೌಕಿಕತ್ವವು ಕಂಡುಬರುತ್ತದೆ.

೩. ದೈವೀ ಬಾಲಕರ ಸ್ವಭಾವದೋಷ ಮತ್ತು ಅಹಂ ನಿರ್ಮೂಲನೆಯ ಸಂದರ್ಭದಲ್ಲಿನ ಚಿಂತೆನೆಯನ್ನು ಕೇಳಿ ಆಶ್ಚರ್ಯವಾಗುವುದು, ಈ ದೈವೀ ಬಾಲಕರಂತೆ ಅನೇಕ ವರ್ಷ ಸಾಧನೆಯನ್ನು ಮಾಡಿದ ಸಾಧಕರೂ ಚಿಂತನೆಯನ್ನು ಮಾಡಲಾರರು, ಭಾವಿ ಹಿಂದೂ ರಾಷ್ಟ್ರವನ್ನು ನಡೆಸಲು ಇವರಂತಹ ದಿವ್ಯಾತ್ಮಗಳ ಅವಶ್ಯಕತೆ ಇರುವುದು

ಸ್ವಭಾವದೋಷ ಮತ್ತು ಅಹಂ ನಿರ್ಮೂಲನೆಯ ಪ್ರಯತ್ನಗಳೊಂದಿಗೆ ಅವರ ಈ ಸಂದರ್ಭದಲ್ಲಿನ ಯಾವ ಚಿಂತನೆ ಆಗುತ್ತದೆಯೋ, ಅದು ಆಶ್ಚರ್ಯಚಕಿತ ಮಾಡುವಂತಹದ್ದಾಗಿರುತ್ತದೆ. ದೈವೀ ಬಾಲಕರು ಸ್ವಭಾವದೋಷ ಮತ್ತು ಅಹಂ ನಿರ್ಮೂಲನೆಯ ಕುರಿತು ಅವರ ವಿಚಾರಗಳನ್ನು ಹೇಳುತ್ತಿರುವಾಗ, ‘ಕಳೆದ ೨೦ ವರ್ಷಗಳಿಂದ ಸಾಧನೆಯನ್ನು ಮಾಡುವ ಪ್ರೌಢ ವಯಸ್ಸಿನ ಸಾಧಕರೂ ಈ ರೀತಿ ವಿಚಾರವನ್ನು ಮಾಡಲಾರರು’, ಎಂದೆನಿಸುತ್ತದೆ. ಇದರಿಂದ ಅವರ ವ್ಯಷ್ಟಿ ಸಾಧನೆಯ ಬಗೆಗಿನ ಗಾಂಭೀರ್ಯವು ಗಮನಕ್ಕೆ ಬರುತ್ತದೆ. ದೈವೀ ಬಾಲಕರು ಸ್ವಭಾವದೋಷ ಮತ್ತು ಅಹಂ ನಿರ್ಮೂಲನೆ ಪ್ರಕ್ರಿಯೆಯ ಸಂದರ್ಭದಲ್ಲಿ ಮಾಡಿದ ಚಿಂತನೆಯು ಅವರಲ್ಲಿನ ಉಚ್ಚ ಮಟ್ಟದ ಭಾವ ಮತ್ತು ಅತ್ಯಂತ ಪ್ರಬುದ್ಧ ಜ್ಞಾನವನ್ನು ತೋರಿಸುತ್ತದೆ. ಹಿಂದೂ ರಾಷ್ಟ್ರವನ್ನು ನಡೆಸಲು ನಮಗೆ ಇಂತಹ ದಿವ್ಯಾತ್ಮಗಳ ಅವಶ್ಯಕತೆಯೇ ಇದೆ.

೪. ಕೃತಜ್ಞತೆ

ಪ.ಪೂ. ಗುರುದೇವರ ಸಮಷ್ಟಿ ಕಾರ್ಯಕ್ಕಾಗಿ ಇಂತಹ ದೈವೀ ಬಾಲಕರು ಅವತರಿಸಿದ್ದಾರೆ. ‘ನಾವು ಯಾವ ಕಾರ್ಯದ ಕಲ್ಪನೆಯನ್ನೂ ಮಾಡಲು ಸಾಧ್ಯವಿಲ್ಲವೋ, ಅಷ್ಟೊಂದು ಪ್ರಚಂಡ ಸಮಷ್ಟಿ ಕಾರ್ಯವನ್ನು ಪ.ಪೂ. ಗುರುದೇವರು ಇದುವರೆಗೆ ಮಾಡಿದ್ದಾರೆ. ಇದು ನಿಶ್ಚಿತವಾಗಿ ಅದರ ಪರಿಣಾಮವೇ ಆಗಿದೆ. ಅದಕ್ಕಾಗಿ ನಾವೆಲ್ಲ ಸಾಧಕರು ಅವರ ಚರಣಗಳಲ್ಲಿ ಕೃತಜ್ಞತೆಯನ್ನು ವ್ಯಕ್ತಪಡಿಸೋಣ.

– ಪೂ. ತನುಜಾ ಠಾಕೂರ, ಸಂಸ್ಥಾಪಕ, ವೈದಿಕ ಉಪಾಸನಾಪೀಠ. (೩.೧೧.೨೦೨೧)