Muslims attack tribal festival in Ranchi (Jharkhand) : ಜಾರ್ಖಂಡನಲ್ಲಿ ಮುಸಲ್ಮಾನರಿಂದ ಆದಿವಾಸಿಗಳ ಉತ್ಸವಗಳ ಮೇಲೆ ದಾಳಿ

ಜಾರ್ಖಂಡನಲ್ಲಿ ಮುಸಲ್ಮಾನರಿಂದ ಆದಿವಾಸಿಗಳ ಉತ್ಸವಗಳ ಮೇಲೆ ದಾಳಿ ಅನೇಕರಿಗೆ ಗಾಯ

ರಾಂಚಿ (ಜಾರ್ಖಂಡ) – ಇಲ್ಲಿ ಏಪ್ರಿಲ್ 1 ರಂದು ಆದಿವಾಸಿ ಸಮುದಾಯದ ಸರನಾ ಪಂಥದ ‘ಸರಹುಲ’ ಹಬ್ಬವನ್ನು ಆಚರಿಸುತ್ತಿದ್ದಾಗ ಮತಾಂಧ ಮುಸಲ್ಮಾನರು ಅದರ ಮೇಲೆ ದಾಳಿ ಮಾಡಿದ ಘಟನೆಗಳು ನಡೆದವು. ಹೆಥಬಾಲುವಿನಲ್ಲಿ ಈ ಹಬ್ಬದ ಸಂದರ್ಭದಲ್ಲಿ ಮೆರವಣಿಗೆ ನಡೆಯುತ್ತಿತ್ತು. ಆ ಸಮಯದಲ್ಲಿ ಅವರ ಮೇಲೆ ದಾಳಿ ಮಾಡಲಾಯಿತು. ಇದರಲ್ಲಿ ಕೆಲವರು ಗಾಯಗೊಂಡಿದ್ದಾರೆ. ಅವರನ್ನು ಆಸ್ಪತ್ರೆಗೆ ದಾಖಲಿಸಲಾಗಿದೆ. ಸದ್ಯ ಇಲ್ಲಿ ಪೊಲೀಸ್ ಬಂದೋಬಸ್ತ್ ಏರ್ಪಡಿಸಲಾಗಿದೆ. ಈ ಹಬ್ಬಗಳ ಸಮಯದಲ್ಲಿ ಪ್ರಕೃತಿಯನ್ನು ಪೂಜಿಸಲಾಗುತ್ತದೆ. ಈ ಸಮಯದಲ್ಲಿ ಪುರುಷರು ಮತ್ತು ಮಹಿಳೆಯರು ಬೆಂಕಿಯ ಸುತ್ತಲೂ ತಿರುಗುತ್ತಾ ನೃತ್ಯ ಮಾಡುತ್ತಾರೆ.

1. ಧ್ವಜ ವಿವಾದ – ಮುಸಲ್ಮಾನರು ರಸ್ತೆಯ ಎರಡೂ ಬದಿಗಳಲ್ಲಿ ವಿದ್ಯುತ್ ದೀಪಗಳನ್ನು ಹಾಕಿದ್ದರು. ಸರಹುಲನ ಸಂದರ್ಭದಲ್ಲಿ ಆದಿವಾಸಿ ಸಮುದಾಯವು ಅಲ್ಲಿ ಸರನಾ ಧ್ವಜವನ್ನು ಹಾರಿಸಿತು. ಒಂದು ದಿನ ಮೊದಲೇ ಈ ಬಗ್ಗೆ ಎರಡೂ ಕಡೆಗಳಲ್ಲಿ ಉದ್ವಿಗ್ನತೆ ಉಂಟಾಗಿತ್ತು. ಏಪ್ರಿಲ್ 1 ರಂದು ಆದಿವಾಸಿ ಸಮುದಾಯದ ಜನರು ಸರಹುಲ ಆಚರಿಸಲು ಇಲ್ಲಿಗೆ ಬಂದಾಗ ಹೊಡೆದಾಟ ನಡೆಯಿತು. ಇದರಲ್ಲಿ ಮೆರವಣಿಗೆಯ 8 ಜನರು ಗಾಯಗೊಂಡಿದ್ದಾರೆ, ಆದರೆ ಮುಸಲ್ಮಾನರ ಪ್ರಕಾರ, ಅವರ 4 ಜನರು ಗಾಯಗೊಂಡಿದ್ದಾರೆ.

2. ಶಸ್ತ್ರಾಸ್ತ್ರಗಳ ಪ್ರದರ್ಶನ – ಗ್ರಾಮಸ್ಥರ ಪ್ರಕಾರ, ಆರಿಫ ಅನ್ಸಾರಿ ಎಂಬಾತನು ಜಗಳದ ಸಮಯದಲ್ಲಿ ಆಯುಧಗಳನ್ನು ತೋರಿಸಿದನು. ಅವನನ್ನು ಹಿಡಿದು ಪೊಲೀಸರಿಗೆ ಒಪ್ಪಿಸಲಾಗಿದೆ; ಆದರೆ ಪೊಲೀಸರು ಇನ್ನೂ ಈ ಆರೋಪಗಳನ್ನು ದೃಢಪಡಿಸಿಲ್ಲ.

3. ರಾಜಕೀಯ ಪ್ರತಿಕ್ರಿಯೆ – ಭಾಜಪ ನಾಯಕ ಮತ್ತು ಮಾಜಿ ಮುಖ್ಯಮಂತ್ರಿ ಬಾಬುಲಾಲ್ ಮರಾಂಡಿ ಇವರು ‘ಎಕ್ಸ್’ ನಲ್ಲಿ ಪೋಸ್ಟ್ ಮಾಡಿ, ಮುಖ್ಯಮಂತ್ರಿ ಹೇಮಂತ ಸೋರೆನ ಅವರು ಇಲ್ಲಿನ ಸಾರನಾ ಸ್ಥಳಗಳನ್ನು ರಕ್ಷಿಸಲು ಸಾಧ್ಯವಿಲ್ಲ ಅಥವಾ ಸರಹುಲ ಉತ್ಸವವನ್ನು ರಕ್ಷಿಸಲು ಸಾಧ್ಯವಿಲ್ಲ ಎಂದು ಹೇಳಿದ್ದಾರೆ.