ಹಿಂದೂ ರಾಷ್ಟ್ರದ ಸ್ಥಾಪನೆಗಾಗಿಯೇ ಯಜ್ಞಸಮಾರಂಭ ಮತ್ತು ಸಮಷ್ಟಿ ಧರ್ಮಪ್ರಸಾರ !

ಸಪ್ತರ್ಷಿ ಜೀವನಾಡಿ ಪಟ್ಟಿಯಲ್ಲಿ ಶ್ರೀ ರಾಜಮಾತಂಗಿ ಮಹಾಯಜ್ಞದ ಕುರಿತು ಗೌರವವನ್ನು ವ್ಯಕ್ತಪಡಿಸಿರುವ ಉಲ್ಲೇಖ !
‘ಶಂಖನಾದ ಮಹೋತ್ಸವ’ಕ್ಕೆ ದೊರೆತಷ್ಟೇ ಫಲಿತಾಂಶವು ಮುಂಬೈಯ ಶ್ರೀ ರಾಜಮಾತಂಗಿ ಮಹಾಯಜ್ಞದಿಂದ ದೊರೆತಿದೆ

‘ಶ್ರೀಮನ್ನಾರಾಯಣಸ್ವರೂಪ ಸಚ್ಚಿದಾನಂದ ಪರಬ್ರಹ್ಮ ಡಾ. ಅಠವಲೆ ಅವರ ಆಶೀರ್ವಾದದಿಂದ ಮತ್ತು ಶ್ರೀ ಮಹಾಲಕ್ಷ್ಮಿ ಸ್ವರೂಪರಾಗಿರುವ ಶ್ರೀಸತ್‌ಶಕ್ತಿ (ಸೌ.) ಬಿಂದಾ ಸಿಂಗಬಾಳ ಹಾಗೂ ಶ್ರೀಚಿತ್‌ಶಕ್ತಿ (ಸೌ.) ಅಂಜಲಿ ಗಾಡಗೀಳ ಅವರ ಉಪಸ್ಥಿತಿಯಲ್ಲಿ ಮುಂಬೈನ ಶ್ರೀ ರಾಜಮಾತಂಗಿ ಮಹಾಯಜ್ಞವು ಪರಿಪೂರ್ಣವಾಯಿತು. ಇದಕ್ಕೆ ಸಾಕ್ಷಿಯೆಂದರೆ ಯಜ್ಞದ ಪೂರ್ಣಾಹುತಿಯ ನಂತರ ಗುರುದೇವರು ವಾಸವಿರುವ ರಾಮನಾಥಿ (ಗೋವಾ) ಯಲ್ಲಿನ ಸನಾತನ ಆಶ್ರಮದ ಪರಿಸರದಲ್ಲಿ ಮೋಡಗಳ ಗರ್ಜನೆ ಮತ್ತು ಮಿಂಚಿನ ಹೊಳಪಿನೊಂದಿಗೆ ಸುರಿದ ಮಳೆ ! ‘ಈ ಮಳೆ ಒಂದು ವೇಳೆ ಮುಂಬೈನ ಯಜ್ಞಸ್ಥಳದಲ್ಲಿ ಆಗಿದ್ದರೆ, ಯಜ್ಞದಲ್ಲಿ ಉಪಸ್ಥಿತರಿದ್ದವರೆಲ್ಲರಿಗೂ ಮನೆಗೆ ತಲುಪುವುದು ಕಷ್ಟವಾಗುತ್ತಿತ್ತು’ ಎಂಬುದನ್ನು ಅರಿತು ಭಗವಂತನು ಮಳೆಯ ದಿಕ್ಕನ್ನು ಬದಲಾಯಿಸಿದನು. ಮಳೆ ಬೀಳುತ್ತಿರುವಾಗ ಉಂಟಾದ ಮೋಡಗಳ ಗರ್ಜನೆ ಮತ್ತು ಮಿಂಚಿನ ಹೊಳಪು, ದೇವಲೋಕದಲ್ಲಿ ಆನಂದವಾದಾಗ ಬಾರಿಸುವ ಮಂಗಲವಾದ್ಯಗಳ ಅನುಭವವಾಗಿದೆ. ದೇವತೆಗಳು ಯಜ್ಞವನ್ನು ಸ್ವೀಕರಿಸಿದ್ದರ ಸಂಕೇತ ಇದಾಗಿದೆ. ದೇಶದ ರಕ್ಷಣೆಗಾಗಿ ಮಾಡಲಾದ ಈ ಯಜ್ಞವು ಒಂದು ರೀತಿಯಲ್ಲಿ ಮಹಾಮೃತ್ಯುಂಜಯ ಯಜ್ಞವೇ ಆಗಿತ್ತು; ಏಕೆಂದರೆ ಅದರ ಮಾಧ್ಯಮದಿಂದ ಗುರುದೇವರು ಯುದ್ಧಕಾಲಕ್ಕಾಗಿ ಸಾಧಕರಿಗೆ ಆವಶ್ಯಕವಿರುವ ಮೃತ್ಯುಂಜಯ ಕವಚವನ್ನು ನೀಡಿದರು ಮತ್ತು ರಾಷ್ಟ್ರಕ್ಕೂ ಕವಚವನ್ನು ಪ್ರದಾನ ಮಾಡಿದರು. ‘ಶಂಖನಾದ ಮಹೋತ್ಸವ’ ಮಾಡಿದಂತೆಯೇ ಫಲಿತಾಂಶ ಈ ಯಜ್ಞದಿಂದ ದೊರೆತಿದೆ.’ (ಪೂ. ಡಾ. ಓಂ ಉಲಗನಾಥನ್ ಅವರು ಮಾಡಿದ ಸಪ್ತರ್ಷಿ ಜೀವನಾಡಿ ವಾಚನ, ೧೮.೫.೨೦೨೬)