ದಿನದಲ್ಲಿ ೪-೪ ಸಲ ಆಹಾರ ತಿನ್ನುವುದನ್ನು ತಪ್ಪಿಸಿರಿ !

೧. ಆರೋಗ್ಯ ಚೆನ್ನಾಗಿರಲು ದಿನದಲ್ಲಿ ಎಷ್ಟು ಸಲ ಆಹಾರವನ್ನು ಸೇವಿಸಬೇಕು ?

ದಿನದಲ್ಲಿ ಕೇವಲ ೨ ಸಲ ಆಹಾರವನ್ನು ಸೇವಿಸುವುದು ಆದರ್ಶವಾಗಿದೆ. ಇದರಿಂದ ಶರೀರ ಆರೋಗ್ಯವಾಗಿರುತ್ತದೆ. ಇದು ಸಾಧ್ಯವಿಲ್ಲದಿದ್ದರೆ ದಿನದಲ್ಲಿ ೩ ಸಲ ಆಹಾರವನ್ನು ಸೇವಿಸಬಹುದು. ಬೆಳಗ್ಗೆ ಶೌಚ ಸ್ವಚ್ಛವಾಗುವುದು, ಶರೀರ ಹಗುರಾಗಿರುವುದು ಮತ್ತು ಚೆನ್ನಾಗಿ ಹಸಿವಾಗುವುದು, ಈ ೩ ಲಕ್ಷಣಗಳು ನಿರ್ಮಾಣವಾದ ಮೇಲೆಯೇ ಬೆಳಗಿನ ಅಲ್ಪಾಹಾರವನ್ನು ಸೇವಿಸಬೇಕು. ಈ ಲಕ್ಷಣಗಳು ನಿರ್ಮಾಣವಾಗದಿದ್ದರೆ ಬೆಳಗ್ಗೆ ೧೦ ಗಂಟೆಯವರೆಗೆ ಏನನ್ನೂ ತಿನ್ನಬಾರದು. ನೀರಡಿಕೆಯಾದರೆ ಕೇವಲ ಬಿಸಿ ನೀರು ಕುಡಿಯಬೇಕು. ಬೆಳಗ್ಗೆ ೧೦ ಗಂಟೆಯ ನಂತರ ಅಲ್ಪಾಹಾರವನ್ನು (‘ಅಲ್ಪ’ ಆಹಾರ) ಸೇವಿಸಬೇಕು. ಇಂತಹ ಸಮಯದಲ್ಲಿ ಮಧ್ಯಾಹ್ನದ ಭೋಜನವನ್ನು ೧ ರಿಂದ ೨ ಗಂಟೆಗೆ ಮಾಡಬೇಕು. ರಾತ್ರಿಯ ಭೋಜನವನ್ನು ಸಾಯಂಕಾಲ ೭ ಗಂಟೆಗೆ ಮಾಡಬೇಕು. ಹೀಗೆ ೩ ಸಲ ಆಹಾರವನ್ನು ತೆಗೆದುಕೊಳ್ಳುವುದೂ ಆರೋಗ್ಯದ ದೃಷ್ಟಿಯಿಂದ ಒಳ್ಳೆಯದಾಗಿದೆ.

೨. ತಿನ್ನುವ ಪದಾರ್ಥಗಳು ಸಹಜವಾಗಿ ಲಭ್ಯವಿದ್ದರೂ, ಹೆಚ್ಚು ಸಲ ತಿನ್ನುವ ಮೋಹವನ್ನು ತಪ್ಪಿಸಬೇಕು !

ಮನೆಯಲ್ಲಿ ಡಬ್ಬಗಳಲ್ಲಿ ತಿಂಡಿಗಳನ್ನು ಇಟ್ಟಿರುತ್ತಾರೆ. ಹೆಚ್ಚಿನ ನೌಕರಿಯ ಸ್ಥಳಗಳಲ್ಲಿ ಬೆಳಗ್ಗೆ ಮತ್ತು ಸಾಯಂಕಾಲ ಚಹಾದ ವ್ಯವಸ್ಥೆ ಇರುತ್ತದೆ. ಹೊಟೆಲುಗಳಲ್ಲಿ ಯಾವಾಗಲೂ ತಿನ್ನುವ ಪದಾರ್ಥಗಳು ಸಿಗುತ್ತವೆ. ಒಂದೇ ಸ್ಥಳದಲ್ಲಿ ಬಹಳಷ್ಟು ಜನರಿರುವ ಸ್ಥಳಗಳಲ್ಲಿ ೪-೪ ಸಲ ಆಹಾರ ಲಭ್ಯವಿರುತ್ತದೆ. ಹೀಗಿದ್ದರೂ ಅದು ಕೇವಲ ಅನುಕೂಲಕ್ಕಾಗಿ ಇರುತ್ತದೆ. ೩ ಕ್ಕಿಂತ ಹೆಚ್ಚು ಸಲ ಆಹಾರ ತೆಗೆದುಕೊಳ್ಳುವುದು ಅಥವಾ ದಿನವಿಡಿ ತಿನ್ನುತ್ತಿರುವುದು ಆರೋಗ್ಯದ ದೃಷ್ಟಿಯಿಂದ ಯೋಗ್ಯವಾಗಿಲ್ಲ. ಯಾವಾಗಲಾದರೂ ಒಂದು ದಿನ ಹಸಿವಾಗಿದೆಯೆಂದು ಅಥವಾ ಸಂಗಡಿಗರೊಂದಿಗೆ ಎಂದು ಒಂದು ಸಲ ಹೆಚ್ಚಿಗೆ ತಿಂದರೆ ನಡೆಯುತ್ತದೆ; ಆದರೆ ಪ್ರತಿದಿನ ನಿಯಮಿತವಾಗಿ ಹೆಚ್ಚು ಸಲ ತಿನ್ನುವುದನ್ನು ತಪ್ಪಿಸಬೇಕು.’

– ವೈದ್ಯ ಮೇಘರಾಜ ಮಾಧವ ಪರಾಡಕರ, ಸನಾತನ ಆಶ್ರಮ, ರಾಮನಾಥಿ, ಗೋವಾ. (೧.೮.೨೦೨೨)