‘ಕಾಮಸೂತ್ರ’ದ ಭೂಮಿಯಲ್ಲಿ ಲೈಂಗಿಕತೆಯ ಬಗ್ಗೆ ಸಾಮಾಜಿಕ ಚರ್ಚೆ ಮಾಡುವುದನ್ನು ಅಶ್ಲೀಲವೆಂದು ತಿಳಿಯುವುದು ಅಯೋಗ್ಯವಾಗಿದೆ !’ (ಅಂತೆ)

‘ಮಾಯ್‌ ಮ್ಯೂಸ’ ಸಂಸ್ಥೆಯ ಪ್ರಮುಖರಿಂದ ಭಾರತೀಯ ಸಂಸ್ಕೃತಿಯ ವಿರುದ್ಧ ಹೇಳಿಕೆ

ನಮ್ಮ ಸಂಸ್ಥೆಯು ಲೈಂಗಿಕ ಸ್ವಾತಂತ್ರ‍್ಯವನ್ನು ಪ್ರೋತ್ಸಾಹಿಸುತ್ತದೆ !

ಮುಂಬಯಿ – ಭಾರತೀಯ ಸಮಾಜದಿಂದ ಲೈಂಗಿಕ ಸಂಬಂಧದ ಸಂದರ್ಭದಲ್ಲಿನ ‘ಅನೈತಿಕತೆ, ಲಜ್ಜೆ, ಅಪರಾಧಿ ಭಾವನೆ ಮತ್ತು ಭಯ’ವನ್ನು ದೂರಗೊಳಿಸುವ ಆವಶ್ಯಕತೆಯಿದೆ. ಭಾರತೀಯ ಭೂಮಿಯು ‘ಕಾಮಸೂತ್ರ’ದೊಂದಿಗೆ ಸಂಬಂಧಿಸಿದ್ದರೂ ಲೈಂಗಿಕತೆಯ ಬಗ್ಗೆ ಸಾಮಾಜಿಕ ಚರ್ಚೆಯನ್ನು ಅಶ್ಲೀಲವೆಂದು ತಿಳಿಯಲಾಗುತ್ತದೆ, ಇದು ಅಯೋಗ್ಯವಾಗಿದೆ ಎಂಬ ಅಭಿಪ್ರಾಯವನ್ನು ಅನುಷ್ಕಾ ಮತ್ತು ಸಾಹಿಲ ಗುಪ್ತಾ ಎಂಬ ದಂಪತಿಗಳು ವ್ಯಕ್ತಪಡಿಸಿದ್ದಾರೆ. ಈ ದಂಪತಿಗಳು ‘ಮಾಯ ಮ್ಯೂಸ’ ಎಂಬ ಸಂಸ್ಥೆಯನ್ನು ಆರಂಭಿಸಿದ್ದು ಈ ಮಾಧ್ಯಮದಿಂದ ತಯಾರಿಸಲಾಗುವ ಲೈಂಗಿಕತೆಗೆ ಸಂಬಂಧಿಸಿದ ಉತ್ಪಾದನೆಗಳನ್ನು ಖರೀದಿಸುವವರಿಗೆ ಅಪಮಾನವೆನಿಸುವುದಿಲ್ಲ ಹಾಗೂ ಈ ಉತ್ಪಾದನೆಗಳನ್ನು ಮೊಟ್ಟ ಮೊದಲ ಬಾರಿಗೆ ಖರೀದಿಸುವವರಿಗೂ ಪ್ರೋತ್ಸಾಹ ದೊರೆಯುವುದು, ಎಂದು ಅವರು ಹೇಳಿದ್ದಾರೆ.

ಅವರು ಮಾತನಾಡುತ್ತ, ಮಾಯ ಮ್ಯೂಸ ಸಂಸ್ಥೆಯು ಸಮಾಜದಲ್ಲಿ ಲೈಂಗಿಕ ಸ್ವಾತಂ‌ತ್ರ‍್ಯಕ್ಕೆ ಪ್ರೋತ್ಸಾಹ ನೀಡುತ್ತಿದ್ದು ಇದರ ಲಾಭವು ನಗರಗಳಲ್ಲಿರುವ ಯುವಪೀಳಿಗೆಗೆ ದೊರೆಯುತ್ತಿದೆ. ಕೊರೋನಾ ಸಮಯದಲ್ಲಿ ಆರಂಭವಾದ ಈ ಸಂಸ್ಥೆಯು ಈಗ ದೇಶದಲ್ಲಿನ ೨೦೦ ನಗರಗಳಲ್ಲಿ ಲೈಂಗಿಕತೆಗೆ ಸಂಬಂಧಿಸಿದ ಉತ್ಪಾದನೆಗಳನ್ನು ಮಾರುತ್ತಿದೆ. ಲೈಂಗಿಕತೆಯನ್ನು ಪ್ರೋತ್ಸಾಹಿಸುವ ಅನೇಕ ಸಂಸ್ಥೆಗಳು ಇಂದು ಉದಯಿಸುತ್ತಿವೆ. ಲೈಂಗಿಕ ಸಂಬಂಧಕ್ಕೆ ಸಂಬಂಧಿತ ಉದ್ಯೋಗವು ಭಾರತದಲ್ಲಿ ವೇಗವಾಗಿ ವೃದ್ಧಿಯಾಗುತ್ತಿದೆ, ಎಂದು ಹೇಳಿದರು.