ಸೈಫ್ ಅಹಮದ್ ನಕಲಿ ಹಿಂದೂ ಗುರುತಿನ ಚೀಟಿಯ ಆಧಾರದ ಮೇಲೆ ಹಿಂದೂ ಹುಡುಗಿಯನ್ನು ವಂಚಿಸಿದ !

ಉಜ್ಜಯಿನಿಯ ಹೋಟೆಲ್ ನಿಂದ ಬಂಧನ !

ಉಜ್ಜೈನಿ (ಮಧ್ಯಪ್ರದೇಶ) – ಇಲ್ಲಿ ಲವ್ ಜಿಹಾದ್ ಪ್ರಕರಣವೊಂದು ಬೆಳಕಿಗೆ ಬಂದಿದೆ. ನಕಲಿ ಹಿಂದೂ ಗುರುತಿನ ಚೀಟಿಯ ಆಧಾರದ ಮೇಲೆ ಹೋಟೆಲ್‌ನಲ್ಲಿ ತಂಗಿದ್ದ ಸೈಫ್ ಅಹ್ಮದ್ ಎಂಬ ಮುಸ್ಲಿಂ ಯುವಕನನ್ನು ಪೊಲೀಸರು ಇತ್ತೀಚೆಗೆ ಬಂಧಿಸಿದ್ದಾರೆ. ಹೋಟೆಲ್ ನಲ್ಲಿ ಆತನೊಂದಿಗೆ ಹಿಂದೂ ಹುಡುಗಿಯೂ ಪತ್ತೆಯಾಗಿದ್ದಳು.

ಈ ಬಗ್ಗೆ ಸಿಕ್ಕಿರುವ ಮಾಹಿತಿ ಪ್ರಕಾರ ಉಜ್ಜೈನಿಯ ಮಹಾಕಾಲ ದೇವಸ್ಥಾನದ ಬಳಿ ಇರುವ ಏಕಲವ್ಯ ಹೋಟೆಲ್ ನಲ್ಲಿ ಮುಸ್ಲಿಂ ಯುವಕನೊಬ್ಬ ಹಿಂದೂ ಎಂಬ ಹೆಸರಿನಲ್ಲಿ ತಂಗಿರುವ ಮಾಹಿತಿ ಹಿಂದೂ ಸಂಘಟನೆಗಳಿಗೆ ಸಿಕ್ಕಿದೆ. ಹಿಂದೂ ಸಂಘಟನೆಯ ಸದಸ್ಯರು ಹೋಟೆಲ್ ತಲುಪಿದರು. ಅಲ್ಲಿನ ರಿಜಿಸ್ಟರ್ ಪರಿಶೀಲಿಸಿದಾಗ ಪ್ರಕಾಶ್ ಕುಮಾರ್ ಗುಪ್ತಾ ಎಂಬ ವ್ಯಕ್ತಿ ಹಿಂದೂ ಯುವತಿಯೊಂದಿಗೆ ವಾಸವಾಗಿರುವುದು ಪತ್ತೆಯಾಗಿದೆ. ಅವರಿಗೆ ಸಂಶಯವಿತ್ತು. ಪ್ರಕಾಶ್ ಕುಮಾರ್ ಅವರನ್ನು ಹೊರಗೆ ಕರೆಸಿ ವಿಚಾರಿಸಿದಾಗ ಆತನ ನಿಜವಾದ ಹೆಸರು ಸೈಫ್ ಅಹಮದ್ ಎಂಬುದು ಬೆಳಕಿಗೆ ಬಂದಿದೆ.

ಸೈಫ್ ಛತ್ತೀಸ್‌ಗಢದ ಭಿಲಾಯಿ ನಿವಾಸಿ. ಆತನೊಂದಿಗೆ ಪತ್ತೆಯಾದ ಯುವತಿ ಕೂಡ ಭಿಲಾಯಿ ನಿವಾಸಿ ಎಂದು ತಿಳಿದುಬಂದಿದೆ. ಸೈಫ್ ಅಹ್ಮದ್ ವಿರುದ್ಧ ಭಾರತೀಯ ದಂಡ ಸಂಹಿತೆಯ (ಬಿಎನ್‌ಎಸ್) ವಿವಿಧ ಸೆಕ್ಷನ್‌ಗಳ ಅಡಿಯಲ್ಲಿ ಪ್ರಕರಣ ದಾಖಲಿಸಲಾಗಿದೆ. ಸೈಫ್ ತಾನು ಹಿಂದೂ ಎಂದು ಸುಳ್ಳು ಹೇಳಿದ್ದಾನೆ ಎಂದು ಸಂತ್ರಸ್ತೆ ಹೇಳಿದ್ದಾರೆ. ಹಿಂದೂ ಯುವತಿಯನ್ನು ಮಹಾಕಾಲ ನೋಡಲು ಕರೆದೊಯ್ಯುವ ನೆಪದಲ್ಲಿ ಸೈಫ್ ಉಜ್ಜೈನಿಗೆ ಕರೆತಂದಿದ್ದಾರೆ ಎಂದು ಹಿಂದೂ ಕಾರ್ಯಕರ್ತರು ಆರೋಪಿಸಿದ್ದಾರೆ.