ಭಾರತ ವಿರೋಧಿ ಮತ್ತು ಮೋದಿ ವಿರೋಧಿ ವಿಚಾರಸರಣಿಯ ವರದಿಗಾರರು ಬೇಕಾಗಿದ್ದಾರೆ ! – ‘ನ್ಯೂಯಾರ್ಕ್ ಟೈಮ್ಸ್’ನ ಜಾಹಿರಾತು

ನವದೆಹಲಿ – ಅಮೇರಿಕಾದ ‘ನ್ಯೂಯಾರ್ಕ್ ಟೈಮ್ಸ್’ ಈ ದೈನಿಕವು ವರದಿಗಾರರು ಬೇಕಾಗಿದ್ದಾರೆ ಎಂದು ಜಾಹೀರಾತನ್ನು ನೀಡುತ್ತಾ ಅದರಲ್ಲಿ ‘ಭಾರತ ವಿರೋಧೀ ಮತ್ತು ಮೋದಿ ವಿರೋಧಿ’ ವಿಚಾರಸರಣಿಯವರು ಅರ್ಹರಾಗಿದ್ದಾರೆ ಎಂದು ಅರ್ಹತೆಯನ್ನು ನೀಡಿದೆ. ಜುಲೈ ೧ ರಂದು ಈ ಜಾಹಿರಾತನ್ನು ಪ್ರಕಟಿಸಲಾಯಿತು. ದಕ್ಷಿಣ ಏಶಿಯಾ ಉದ್ಯೋಗದ ಬಗ್ಗೆ ವರದಿಯನ್ನು ಸಂಕಲನ ಮಾಡುವ ಕೆಲಸಕ್ಕಾಗಿ ಈ ಜಾಹೀರಾತನ್ನು ನೀಡಲಾಗಿತ್ತು ದೆಹಲಿಯಿಂದ ಕೆಲಸ ಮಾಡಬೇಕಾಗಲಿದೆ ಎಂದು ಅದರಲ್ಲಿ ಹೇಳಲಾಗಿದೆ.

ಈ ಜಾಹೀರಾತಿನಲ್ಲಿ ಬರೆಯಲಾಗಿರುವ ಅಂಶಗಳು

೧. ಭಾರತ ಸರಕಾರದ ವಿರುದ್ಧ ಬರೆಯಬಲ್ಲವರು ಹಾಗೂ ಸರಕಾರ ಬದಲಾಯಿಸಲು ಸಹಾಯ ಮಾಡುವವರು ಬೇಕಾಗಿದ್ದಾರೆ.

೨. ಜನಸಂಖ್ಯೆಯ ದೃಷ್ಟಿಯಿಂದ ಭಾರತವು ಚೀನಾಗೆ ಸವಾಲೊಡ್ಡುತ್ತಿದೆ ಹಾಗೂ ವಿಶ್ವ ಮಟ್ಟದಲ್ಲಿ ಅದು ಶ್ರೇಷ್ಠನಾಗಬೇಕೆಂಬ ಮಹತ್ವಾಕಾಂಕ್ಷೆಯನ್ನು ಹೊಂದಿದೆ, ಎಂದು ಇದರಲ್ಲಿ ಬರೆಯಲಾಗಿದೆ.

೩. ಪ್ರಧಾನಿ ಮೋದಿಯ ನೇತೃತ್ವದಡಿಯಲ್ಲಿ ಭಾರತವು ಚೀನಾವನ್ನು ವಿರೋಧಿಸುತ್ತಿರುವುದು ಒಂದು ನಾಟಕವಾಗಿದೆ ಎಂದು ಹೇಳಲಾಗಿದೆ. ಈ ನಾಟಕವು ಗಡಿಯಲ್ಲಿ ಮತ್ತು ಎರಡೂ ದೇಶಗಳ ನಡುವೆ ನಡೆಯುತ್ತಿದೆ.

Hating PM Modi a pre-requisite at New York Times? Bizarre job description triggers rowhttps://t.co/6FDVuafIxD

— Republic (@republic) July 2, 2021

ಅಮೇರಿಕಾದ ದೈನಿಕಗಳಿಗೆ ಚೀನಾದಿಂದ ಕೋಟಿಗಟ್ಟಲೆ ರೂಪಾಯಿಗಳ ಜಾಹೀರಾತುಗಳನ್ನು ನೀಡಲಾಗುತ್ತಿದೆ !

ಕಳೆದ ೪ ವರ್ಷಗಳಲ್ಲಿ ಚೀನಾದಿಂದ ಅಮೇರಿಕಾದ ದೈನಿಕಗಳಿಗೆ ಭಾರತೀಯ ರೂಪಾಯಿಯ ಪ್ರಕಾರ ೧೪೨ ಕೋಟಿ ರೂಪಾಯಿಗಳ ಜಾಹೀರಾತುಗಳನ್ನು ನೀಡಲಾಗಿದೆ. ಅದರಲ್ಲಿ ‘ವಾಲ್ ಸ್ಟ್ರೀಟ್ ಜರ್ನಲ್’ಗೆ ೪೪ ಕೋಟಿ ೭೩ ಲಕ್ಷ, ‘ವಾಶಿಂಗ್ಟನ್ ಪೋಸ್ಟ್’ಗೆ ೩೪ ಕೋಟಿ ೨೯ ಲಕ್ಷ, ನ್ಯೂಯಾರ್ಕ್ ಟೈಮ್ಸ್’ಗೆ ೩ ಕೋಟಿ ೭೨ ಲಕ್ಷ ರೂಪಾಯಿ ನೀಡಲಾಗಿದೆ. ಇದರೊಂದಿಗೆ ಇತರ ಅನೇಕ ದೈನಿಕಗಳಿಗೂ ಚೀನಾದಿಂದ ಜಾಹೀರಾತನ್ನು ನೀಡಲಾಗಿದೆ. (ಆದ್ದರಿಂದಲೇ ಈ ದೈನಿಕಗಳು ತಮ್ಮನ್ನು ಚೀನಾಕ್ಕೆ ಮಾರಿ ಕೊಂಡಿವೆ ಮತ್ತು ಭಾರತ ವಿರೋಧಿ ಬರಹಗಳನ್ನು ಬರೆಯುತ್ತಿವೆ. ಇದರಿಂದ ಅಮೇರಿಕಾದ ದೈನಿಕಗಳು ಹಳದಿ ಪತ್ರಿಕೋದ್ಯಮ ಮಾಡುತ್ತಿವೆ, ಎಂಬುದು ಗಮನಕ್ಕೆ ಬರುತ್ತಿದೆ ! ಇಂತಹ ದೈನಿಕಗಳ ಮೇಲೆ ಭಾರತದಲ್ಲಿ ನಿಷೇಧವನ್ನು ಹೇರಬೇಕು ! – ಸಂಪಾದಕರು)