Pakistan Spy Arrested : ರಾಜಸ್ಥಾನ: ಪಾಕಿಸ್ತಾನಕ್ಕಾಗಿ ಗೂಢಚಾರಿಕೆ ಮಾಡುತ್ತಿದ್ದ ಪಠಾಣ್ ಖಾನ್ ಬಂಧನ

ಜೈಪುರ – ಜೈಸಲ್ಮೇರ್‌ನ ಮೋಹನ್‌ಗಢ ಕಾಲುವೆ ಪ್ರದೇಶದಲ್ಲಿ ಭದ್ರತಾ ಸಂಸ್ಥೆಗಳು ಪಾಕಿಸ್ತಾನದ ಗೂಢಚಾರನೊಬ್ಬನನ್ನು ಬಂಧಿಸಿವೆ. ಬಂಧಿತ ಗೂಢಚಾರ ಭಾರತದ ಭದ್ರತೆಗೆ ಸಂಬಂಧಿಸಿದ ಗೌಪ್ಯ ಮಾಹಿತಿಯನ್ನು ಪಾಕಿಸ್ತಾನಕ್ಕೆ ರವಾನಿಸಿದ್ದಾನೆ ಎಂದು ಶಂಕಿಸಲಾಗಿದೆ. ಭದ್ರತಾ ಸಂಸ್ಥೆಗಳು ಪೊಲೀಸರ ಸಹಕಾರದೊಂದಿಗೆ ಈ ಕ್ರಮ ಕೈಗೊಂಡಿವೆ. ಬಂಧಿತ ಗೂಢಚಾರನ ಹೆಸರು ಪಠಾಣ್ ಖಾನ್ (40 ವರ್ಷ). ಪಠಾಣ್ ಚಂದನ್ ಜೈಸಲ್ಮೇರ್‌ನ ಕರ್ಮೋ ಕಿ ಧನಿ ನಿವಾಸಿಯಾಗಿದ್ದಾನೆ.

ಪಠಾಣ್ ಖಾನ್‌ನ ಸಂಬಂಧಿಕರು ಪಾಕಿಸ್ತಾನದಲ್ಲಿ ವಾಸಿಸುತ್ತಿದ್ದಾರೆ. 2019ರಲ್ಲಿ ಪಠಾಣ್ ಖಾನ್ ಕೂಡ ಪಾಕಿಸ್ತಾನಕ್ಕೆ ಭೇಟಿ ನೀಡಿದ್ದ. ನಂತರ ಆತ ನಿರಂತರವಾಗಿ ಪಾಕಿಸ್ತಾನಕ್ಕೆ ಗೌಪ್ಯ ಮಾಹಿತಿ ರವಾನಿಸುತ್ತಿದ್ದ. ಭಾರತೀಯ ಸೇನಾ ನೆಲೆಯ ವಿಡಿಯೋ ಮತ್ತು ಫೋಟೋಗಳನ್ನು ಪಾಕಿಸ್ತಾನಕ್ಕೆ ಕಳುಹಿಸಿದ್ದ.

ಇನ್ನೊಬ್ಬ ಶಂಕಿತನ ಬಂಧನ

ಪಠಾಣ್ ಖಾನ್‌ನನ್ನು ಬಂಧಿಸುವ ಮೊದಲು, ಭದ್ರತಾ ಸಂಸ್ಥೆಗಳು ಮಾರ್ಚ್ 18 ರಂದು ಭಾರತ-ಪಾಕಿಸ್ತಾನ ಗಡಿ ಪ್ರದೇಶದ ನಾಚ್ನಾ ಪ್ರದೇಶದ ನೂರ್ ಕಿ ಚಕ್ಕಿಯಲ್ಲಿ ಅನುಮಾನಾಸ್ಪದ ಸ್ಥಿತಿಯಲ್ಲಿ ಯುವಕನೊಬ್ಬನನ್ನು ಬಂಧಿಸಿದ್ದವು. ಈ ಯುವಕನಿಂದ 4 ವಿವಿಧ ರಾಜ್ಯಗಳ ಆಧಾರ್ ಕಾರ್ಡ್‌ಗಳನ್ನು ವಶಪಡಿಸಿಕೊಳ್ಳಲಾಗಿದೆ. ಬಂಧಿತ ಯುವಕ ಕೆಲವೊಮ್ಮೆ ರವಿ ಕಿಶನ್, ಕೆಲವೊಮ್ಮೆ ಶಾಹಿ ಪ್ರತಾಪ್ ಎಂದು ತನ್ನ ಹೆಸರನ್ನು ಹೇಳುತ್ತಿದ್ದ.