ಯುವಕರೇ, ನಿಜವಾದ ರಾಷ್ಟ್ರಪ್ರೇಮಿಗಳಾಗಿರಿ !

‘ನಾವು ದೇಶಪ್ರೇಮಿಗಳು’, ಎಂದು ತೋರಿಸಿಕೊಳ್ಳಲು, ಸಾಮಾನ್ಯವಾಗಿ ವರ್ಷವಿಡೀ ದೇಶಪ್ರೇಮದ ಲವಲೇಶವೂ ಕಂಡುಬರದ ಕೆಲವು ಯುವಕರು ಆಗಸ್ಟ್ ೧೫ ರಂದು ದ್ವಿಚಕ್ರ ವಾಹನಗಳಲ್ಲಿ ಕೈಯಲ್ಲಿ ತ್ರಿವರ್ಣ ಧ್ವಜವನ್ನು ಹಿಡಿದು ಮೆರವಣಿಗೆ ಮಾಡುವುದು ಕಂಡುಬರುತ್ತದೆ. ಈ ಮೆರವಣಿಗೆಗಳಲ್ಲಿನ ಘೋಷಣೆಗಳ ಪದ್ಧತಿಯಂತೂ ಎಷ್ಟು ವಿಚಿತ್ರವಾಗಿರುತ್ತದೆ ಎಂದರೆ, ಅವರು ಘೋಷಣೆಗಳನ್ನು ಕೂಗುತ್ತಿದ್ದಾರೋ ಅಥವಾ ಕಿರುಚಾಡುತ್ತಿದ್ದಾರೋ ಎಂದೇ ಅರ್ಥವಾಗುವುದಿಲ್ಲ. ಇಂದಿನ ಯುವ ಪೀಳಿಗೆಯಲ್ಲಿ ದೇಶಪ್ರೇಮದ ಎಷ್ಟು ಕೊರತೆಯಿದೆ ಎಂದು ಇದರಿಂದ ಅರಿವಿಗೆ ಬರುತ್ತದೆ.

ನಮ್ಮ ದೇಶವನ್ನು ಸ್ವತಂತ್ರಗೊಳಿಸಲು ಕ್ರಾಂತಿಕಾರಿಗಳು ಮತ್ತು ದೇಶಭಕ್ತರು ಕೈಯಲ್ಲಿ ತ್ರಿವರ್ಣ ಧ್ವಜವನ್ನು ಹಿಡಿದು ಗ್ರಾಮಗ್ರಾಮಗಳಲ್ಲಿ ಕಾಲ್ನಡಿಗೆಯಲ್ಲಿ ಸ್ವಯಂಪ್ರೇರಿತರಾಗಿ ಮೆರವಣಿಗೆಗಳನ್ನು ನಡೆಸಿದ್ದರು. ಆ ಮೆರವಣಿಗೆಗಳಲ್ಲಿ ಎಷ್ಟೊಂದು ಸಾಮರ್ಥ್ಯವಿತ್ತೆಂದರೆ, ಬ್ರಿಟಿಶ ಸಾಮ್ರಾಜ್ಯವೂ ನಡುಗುತ್ತಿತ್ತು. ಈ ಕ್ರಾಂತಿಕಾರಿಗಳು ಇದೇ ತ್ರಿವರ್ಣ ಧ್ವಜದ ರಕ್ಷಣೆಗಾಗಿ ತಮ್ಮ ಬಲಿ ದಾನ ನೀಡಿದರು; ಆದರೆ ಇಂದಿನ ಯುವಪೀಳಿಗೆಯ ಸ್ಥಿತಿಯು ತದ್ವಿರುದ್ಧವಾಗಿದೆ ಕೆಲವೆಡೆ ದ್ವಿಚಕ್ರ ವಾಹನಗಳ ಮೆರವಣಿಗೆಗಳಲ್ಲಿ, ಕೈಯಲ್ಲಿ ತ್ರಿವರ್ಣ ಧ್ವಜವನ್ನು ಹಿಡಿದು ಅದನ್ನು ಹೇಗೆಂದರೆ ಹಾಗೆ ಹಾರಿಸುತ್ತಿದ್ದರು. ‘ಈ ತ್ರಿವರ್ಣ ಧ್ವಜವು ನಮ್ಮ ದೇಶದ ಹೆಮ್ಮೆಯಾಗಿದೆ, ಎಂಬ ಅರಿವು ಇಂದಿನ ಯುವಕರಿಗೆ ಉಳಿದಿಲ್ಲ’ ಎಂದೇ ಅನಿಸುತ್ತಿತ್ತು. ಇದರಿಂದ ಒಂದು ವಿಷಯವು ಸ್ಪಷ್ಟವಾಗುತ್ತದೆ ಅದೆಂದರೆ, ಸ್ವಾತಂತ್ರ್ಯದ ನಂತರದ ಕಾಲದಲ್ಲಿ ಯಾವುದೇ ಆಡಳಿತಗಾರನು ಜನರಿಗೆ ದೇಶಪ್ರೇಮವನ್ನು ಕಲಿಸಲಿಲ್ಲ. ಇದರ ಪರಿಣಾಮವಾಗಿ ಇಂದಿನ ಯುವ ಪೀಳಿಗೆಯಲ್ಲಿ ದೇಶಪ್ರೇಮ ಇಲ್ಲ. ಇಂದಿನ ಆಡಳಿತಗಾರರು ಮತ್ತು ಜನರು ಕ್ರಾಂತಿಕಾರಿಗಳನ್ನು ಮರೆತಿರುವುದೇ ಇದಕ್ಕೆ ಕಾರಣವಾಗಿದೆ. ಇದು ಕೃತಘ್ನತೆಯಲ್ಲವೇ ? – ಒಬ್ಬ ರಾಷ್ಟ್ರಪ್ರೇಮಿ