ಆಧ್ಯಾತ್ಮಿಕದೃಷ್ಟಿಯಲ್ಲಿ ಶುಭ ಸಂಕೇತವನ್ನು ನೀಡುವ ಅಂಗೈಯಲ್ಲಿನ ‘ಎಮ್ (ಒ)’ ಚಿಹ್ನೆ ಮತ್ತು ಅರ್ಧಚಂದ್ರಾಕೃತಿ !

೧. ಅಂಗೈಯಲ್ಲಿನ ‘ಎಮ್ (ಒ)’ದ ಗುರುತು ಮತ್ತು ಅರ್ಧಚಂದ್ರಾಕೃತಿ ಹೇಗೆ ನೋಡಬೇಕು ?

ಮನುಷ್ಯನ ಅಂಗೈಗಳ ಮೇಲೆ ಅನೇಕ ಚಿಹ್ನೆಗಳಿರುತ್ತವೆ. ಅವುಗಳಲ್ಲಿ ಮುಂದೆ ನೀಡಿರುವ ೨ ಚಿಹ್ನೆಗಳಿಗೆ ಹೆಚ್ಚು ಮಹತ್ವವಿದೆ.

ಅ. ಮೊದಲಿನ ಚಿಹ್ನೆಯು ಆಂಗ್ಲದಲ್ಲಿನ ‘ಎಮ್ (ಒ)’ ಅಕ್ಷರದ ಆಕಾರದ ಚಿಹ್ನೆಯಾಗಿದೆ. ಅಂಗೈಯಲ್ಲಿನ ೧. ಹೃದಯರೇಖೆ, ೨. ಮಸ್ತಕರೇಖೆ, ೩. ಭಾಗ್ಯರೇಖೆ ಮತ್ತು ೪. ಆಯುಷ್ಯರೇಖೆಯ ಸಂಯೋಗದಿಂದ ಈ ಚಿಹ್ನೆಯು ಸಿದ್ಧವಾಗುತ್ತದೆ. (ಛಾಯಾಚಿತ್ರ ೧)

ಆ. ಎರಡನೇ ಚಿಹ್ನೆಯು ಅರ್ಧಚಂದ್ರಾಕೃತಿಯಂತಿದೆ. ಎರಡೂ ಅಂಗೈಗಳ ಅಂಚುಗಳನ್ನು (ಬದಿಗಳನ್ನು) ಒಂದಕ್ಕೊಂದು ಜೋಡಿಸಿದಾಗ ಒಂದು ವೇಳೆ ಅವುಗಳ ಮೇಲೆ ಹೃದಯರೇಖೆಯು ಒಂದಕ್ಕೊಂದು ಜೋಡಿಸಿದರೆ, ಅರ್ಧಚಂದ್ರಾಕೃತಿ ಸಿದ್ಧವಾಗುತ್ತದೆ. (ಛಾಯಾಚಿತ್ರ ೨)

೨. ಅಂಗೈಯಲ್ಲಿನ ‘ಎಮ್ (ಒ)’ದ ಚಿಹ್ನೆ ಮತ್ತು ಅರ್ಧಚಂದ್ರಾಕೃತಿಯ ಮಹತ್ವ

ಅ. ವ್ಯಕ್ತಿಯ ಅಂಗೈಗಳ ಮೇಲೆ ‘ಎಮ್ (ಒ)’ದ ಚಿಹ್ನೆ ಮತ್ತು ಚಂದ್ರಾಕೃತಿಯಿದ್ದರೆ ಅವನ ಜೀವನದಲ್ಲಿ ಹೆಚ್ಚು ಸಮಸ್ಯೆಗಳು ಬರುತ್ತವೆ; ಆದರೆ ವ್ಯಕ್ತಿಯಲ್ಲಿ ಬಹಳ ಸಾಮರ್ಥ್ಯವಿರುತ್ತದೆ. ಅವನಿಗೆ ಜೀವನದಲ್ಲಿ ಅರ್ಥಪೂರ್ಣ ಧ್ಯೇಯವನ್ನು ಸಾಧಿಸ ಬೇಕೆಂಬ ತಳಮಳವಿರುತ್ತದೆ.

ಆ. ಈ ಚಿಹ್ನೆಗಳಿರುವ ವ್ಯಕ್ತಿಗೆ ‘ಏನೋ ಒಂದು ಅಪೂರ್ಣತೆ ಇದೆ ಮತ್ತು ನನ್ನ ಜೀವನದ ಗುರಿ ಇದಕ್ಕಿಂತ ದೊಡ್ಡದಾಗಿದೆ’, ಎಂದೆನಿಸುತ್ತದೆ. ಸಾಮಾನ್ಯ ಜನರಿಗಿಂತ ಅವನ ವಿಚಾರಗಳು ಭಿನ್ನವಾಗಿರುತ್ತವೆ. ಈ ಜನರು ಸಾಮಾನ್ಯ ಜನರಿಗಿಂತ ವಿಶೇಷವಾಗಿರುತ್ತಾರೆ.

ಇ. ಈ ಎರಡೂ ಚಿಹ್ನೆಗಳು ಆಧ್ಯಾತ್ಮಿಕದೃಷ್ಟಿಯಲ್ಲಿ ಶುಭ ವಾಗಿರುತ್ತವೆ. ಈ ಚಿಹ್ನೆಗಳಿರುವ ಜನರಿಗೆ ‘ತಮ್ಮ ಬದುಕಿನಲ್ಲಿ ಒಂದು ಮಹತ್ತರವಾದ ಪರಿವರ್ತನೆ ಸಂಭವಿಸಲಿದೆ ಎಂಬ ಅಚಲವಾದ ನಂಬಿಕೆ ಸದಾ ಇರುತ್ತದೆ’. ಇಂತಹ ಜನರು ಕೇವಲ ಆಹಾರ, ನಿದ್ರೆ, ಇಂದ್ರಿಯಸುಖ ಮುಂತಾದವುಗಳಿಗಾಗಿ ಜನಿಸಿರದೇ ಅವರ ಧ್ಯೇಯವು ಇತರರಿಗಿಂತ ಭಿನ್ನವಾಗಿರುತ್ತದೆ; ಆದರೆ ಅವರಿಗೆ ಆ ಧ್ಯೇಯದ ಅರಿವು ಆಗಿರುವುದಿಲ್ಲ. ಆದ್ದರಿಂದ ಧ್ಯೇಯದ ಅರಿವು ಆಗುವವರೆಗೆ ಅವರ ಜೀವನದಲ್ಲಿ ಅನೇಕ ಏರಿಳಿತಗಳು ಬರುತ್ತವೆ. ‘ಆಧ್ಯಾತ್ಮಿಕ ಉನ್ನತಿ’ ಇದೊಂದೇ ಅವರ ಧ್ಯೇಯವಾಗಿರುತ್ತದೆ. ಈ ಧ್ಯೇಯದ ಅರಿವಾದ ನಂತರ ‘ನಾನು ಏನು ಹುಡುಕುತ್ತಿದ್ದೆನೋ, ಅದು ಇದೇ ಆಗಿದೆ’, ಎಂಬ ಸತ್ಯವು ಅವರಿಗೆ ತಿಳಿಯುತ್ತದೆ. ವಿಧಿಯು ಈ ವ್ಯಕ್ತಿಗಳನ್ನು ಯಾವುದೋ ಒಂದು ವಿಶೇಷ ಕಾರ್ಯಕ್ಕಾಗಿ ಆಯ್ಕೆ ಮಾಡಿರುತ್ತದೆ.

ಈ. ಪ್ರಾಚೀನ ಕಾಲದಲ್ಲಿ ಈ ಚಿಹ್ನೆಗಳ ಬಗ್ಗೆ ಅಧ್ಯಯನ ನಡೆಸಲಾಗಿದ್ದು ಸಪ್ತರ್ಷಿಗಳಿಗೆ ಈ ಚಿಹ್ನೆಗಳ ಬಗ್ಗೆ ಜ್ಞಾನವಿತ್ತು. ಹಿಂದೂ ಧರ್ಮದಲ್ಲಿ ಭೃಗು ಋಷಿಗಳು ಈ ಚಿಹ್ನೆಗಳ ಅರ್ಥವನ್ನು ಬಿಡಿಸಿ ಹೇಳಿದರು, ಹಾಗೆಯೇ ಬೌದ್ಧ ಧರ್ಮದಲ್ಲಿಯೂ ಅವುಗಳ ಉಲ್ಲೇಖವಿರುವುದು ಕಂಡುಬರುತ್ತದೆ. ಪಾಶ್ಚಾತ್ಯ ದೇಶದಲ್ಲಿನ ಹಸ್ತರೇಖಾಶಾಸ್ತ್ರದ ಜನನಿಯಾಗಿರುವ ೧೮ ನೇ ಶತಮಾನದ ಹಸ್ತರೇಖಾತಜ್ಞರಾದ ‘ಕಿರೋ’ ಇವರೂ ಈ ಚಿಹ್ನೆಗಳ ಆಧ್ಯಾತ್ಮಿಕ ಮಹತ್ವವನ್ನು ಹೇಳಿದ್ದಾರೆ.

ಉ. ಕೆಲವರ ಅಂಗೈಗಳ ಮೇಲೆ ಈ ೨ ಚಿಹ್ನೆಗಳು ಹುಟ್ಟಿದಾಗಿನಿಂದಲೇ ಇರುತ್ತವೆ, ಇನ್ನು ಕೆಲವರ ಅಂಗೈಗಳ ಮೇಲೆ ಅವು ನಂತರ ವಿಕಸನಗೊಳ್ಳುತ್ತವೆ. ಈ ಚಿಹ್ನೆಗಳು ಅಂಗೈಗಳ ಮೇಲೆ ಹುಟ್ಟಿದಾಗಿನಿಂದಲೇ ಇರುವ ವ್ಯಕ್ತಿಗಳು ಈ ಜನ್ಮದಲ್ಲಿ ಮಾಡಬೇಕಾಗಿರುವ ಸಮಷ್ಟಿ ಕಾರ್ಯವು ಈ ಮೊದಲೇ ಆಯ್ಕೆಯಾಗಿರುತ್ತದೆ. ಈ ಚಿಹ್ನೆಗಳು ಅಂಗೈಗಳ ಮೇಲೆ ನಂತರ ವಿಕಸನಗೊಂಡಿರುವ ವ್ಯಕ್ತಿಗಳು ಕಠೋರ ಸಾಧನೆ ಮಾಡಿ ಉಚ್ಚ ಆಧ್ಯಾತ್ಮಿಕ ಮಟ್ಟವನ್ನು ತಲುಪಿರುತ್ತಾರೆ. ಆದ್ದರಿಂದ ದೈವೀ ಕಾರ್ಯಕ್ಕಾಗಿ ಅವರು ಆ ಈಶ್ವರನ ಮಾಧ್ಯಮವಾಗಿರುತ್ತಾರೆ.

ಊ. ಈ ಎರಡೂ ಚಿಹ್ನೆಗಳು ವೈಶಿಷ್ಟ್ಯಪೂರ್ಣವಾಗಿದ್ದು ಅವು ಕೇವಲ ಶೇ. ೪ ರಷ್ಟು ಜನರ ಅಂಗೈಗಳಲ್ಲಿ ಕಂಡುಬರುತ್ತವೆ. ಈ ಚಿಹ್ನೆಗಳು ಅಂಗೈಗಳ ಮೇಲೆ ಕಾರಣವಿಲ್ಲದೇ ಮೂಡುವುದಿಲ್ಲ, ಅವು ಮೂಡುವ ಹಿಂದೆ ವ್ಯಕ್ತಿಯ ದೀರ್ಘ ಆಧ್ಯಾತ್ಮಿಕ ಪ್ರವಾಸವಿರುತ್ತದೆ, ಅವನ ಅನೇಕ ಜನ್ಮಗಳ ಸಾಧನೆ ಇರುತ್ತದೆ, ಹಾಗೆಯೇ ವರ್ತಮಾನ ಜನ್ಮದಲ್ಲಿ ಮೋಕ್ಷಪ್ರಾಪ್ತಿಯ ದಿಶೆಯಿಂದ ನಿರಂತರ ಅವನ ಪ್ರಯತ್ನಗಳು ನಡೆದಿರುತ್ತವೆ.

ಎ. ಈ ಚಿಹ್ನೆಗಳಿರುವ ಜೀವಗಳಲ್ಲಿ ಸೂಕ್ಷ್ಮವನ್ನು ತಿಳಿಯುವ ಕ್ಷಮತೆ ಇರುತ್ತದೆ. ಅವರಿಗೆ ಒಳಗಿನಿಂದ ಜ್ಞಾನ ಪಡೆಯುವ ಸಾಧ್ಯತೆಯೂ ಹೆಚ್ಚಾಗಿರುತ್ತದೆ. ಅವರು ಸಹಜವಾಗಿ ಸೂಕ್ಷ್ಮದಲ್ಲಿನ ವಿಷಯಗಳನ್ನು ತಿಳಿದುಕೊಳ್ಳುತ್ತಾರೆ. ಈ ಎಲ್ಲ ವಿಷಯಗಳಿಂದ ಅವರ ಜೀವನದಲ್ಲಿ ಯಾವುದೇ ಅಡತಡೆಗಳು ಬಂದರೂ ಕೂಡ ಅವರಿಗೆ ಅದು ಅಡೆತಡೆಗಳು ಅನಿಸದೇ ಯೋಗ್ಯ ನಿರ್ಧಾರವನ್ನು ತೆಗೆದುಕೊಳ್ಳುವ ಮಾರ್ಗವೆನಿಸುತ್ತದೆ. ಆದ್ದರಿಂದ ಅವರಿಗೆ ನಿರ್ಧಾರವನ್ನು ತೆಗೆದುಕೊಳ್ಳಲು ಸುಲಭವಾಗುತ್ತದೆ. ಪ್ರಗತಿಯ ಮುಂದಿನ ಹಂತದಲ್ಲಿರುವ ಈ ಜೀವವು ಜ್ಞಾನಿ, ಪ್ರಗತಿಪರ ಮತ್ತು ಪ್ರವೀಣನಾಗಿದ್ದು ಬಹುಶಃ ಇದು ಅವನ ಕೊನೆಯ ಜನ್ಮ ವಾಗಿರಬಹುದು.

ಐ. ‘ಇಂತಹ ಲಕ್ಷಣಗಳಿರುವ ಜೀವವು (ವ್ಯಕ್ತಿಯು) ಮಾಯೆಯ ಸಣ್ಣಪುಟ್ಟ ವಿಷಯಗಳಲ್ಲಿ ಸಿಲುಕಿಕೊಳ್ಳುವುದಿಲ್ಲ; ಏಕೆಂದರೆ ತನ್ನ ಜೀವನದಲ್ಲಿ ‘ಅತಿ ಮುಖ್ಯವಾದುದು ಯಾವುದು ?’ ಎಂಬ ಅರಿವು ಅವನಿಗೆ ಉಂಟಾಗಿರುತ್ತದೆ.’ ಅವನ ಜೀವನದಲ್ಲಿ ಅಲ್ಪ ಕಾಲ ಉಳಿಯುವ ಪ್ರೀತಿ, ಮನಃಪೂರ್ವಕವಾಗಿ ಸ್ವೀಕರಿಸದಿರುವ ಕುಟುಂಬ ಸದಸ್ಯರು, ವಿಶ್ವಾಸದ್ರೋಹ ಮಾಡುವ ಸ್ನೇಹ, ಮನಸ್ಸಿಗೆ ಕಿರಿಕಿರಿಯನ್ನುಂಟು ಮಾಡುವ ಉದ್ಯೋಗ, ಕೈಗೆಟುಕಲಾರದ ಕನಸುಗಳಂತಹ ದುಃಖದಾಯಕ ಘಟನೆಗಳು ಘಟಿಸುತ್ತವೆ; ಆದರೆ ಈ ವಿಷಯಗಳು ಆ ಜೀವಕ್ಕೆ ತೊಂದರೆ ಕೊಡಲು ಸಂಭವಿಸಿರುವುದಿಲ್ಲ, ‘ಆ ಜೀವವು ಈ ಎಲ್ಲ ಘಟನೆಗಳನ್ನು ಎದುರಿಸಲು ಸಿದ್ಧವಾಗಿದೆಯೇ ?’, ಎಂದು ನೋಡಲು ಘಟಿಸಿರುತ್ತವೆ. ಆ ಸಮಯದಲ್ಲಿ ‘ಎಲ್ಲವೂ ಕುಸಿದು ಬೀಳುತ್ತಿದೆ’, ಎಂದು ಅನಿಸುತ್ತಿರುವಾಗ ‘ಜೀವಕ್ಕೆ ಪ್ರಗತಿಯನ್ನು ಸಾಧಿಸುವ ತಳಮಳ ಎಷ್ಟಿದೆ ?’, ಎಂಬುದನ್ನು ಈಶ್ವರನು ನೋಡುತ್ತಿರುತ್ತಾನೆ.’

– ಹಸ್ತರೇಖಾತಜ್ಞೆ ಸುನೀತಾ ಶುಕ್ಲಾ, ಋಷಿಕೇಶ, ಉತ್ತರಾಖಂಡ. (೧೧.೬.೨೦೨೫)