ಭಾರತೀಯ ಸಂಸ್ಕೃತಿ ಮತ್ತು ಇತಿಹಾಸದ ಧ್ವಜವಾಹಕ ಸ್ಟ್ರಿಂಗ್ ರಿವೀಲ್ಸ್” ನ ಶ್ರೀ. ವಿನೋದ ಕುಮಾರ್

ವಿಶೇಷ ಮಾಲಿಕೆ

ಛತ್ರಪತಿ ಶಿವಾಜಿ ಮಹಾರಾಜರ ಹಿಂದವೀ ಸ್ವರಾಜ್ಯಕ್ಕಾಗಿ ಮಾವಳೆಯರು ಮತ್ತು ಶಿಲೆದಾರರು (ಸೈನಿಕರು) ಮಾಡಿದ ತ್ಯಾಗ ಸರ್ವೋಚ್ಚವಾಗಿದೆ, ಅದೇ ರೀತಿ ಇಂದು ಕೂಡ ಅನೇಕ ಹಿಂದುತ್ವನಿಷ್ಠರು ಮತ್ತು ರಾಷ್ಟ್ರಪ್ರೇಮಿ ನಾಗರಿಕರು ಧರ್ಮ-ರಾಷ್ಟ್ರದ ರಕ್ಷಣೆಗಾಗಿ ‘ಶಿಲೆದಾರ’ರಂತೆಯೆ ಕಾರ್ಯ ನಿರ್ವಹಿಸುತ್ತಿದ್ದಾರೆ. ಅವರ ಹಾಗೂ ಅವರ ಹಿಂದೂ ಧರ್ಮ ರಕ್ಷಣೆಯ ಸಂಘರ್ಷದ ಮಾಹಿತಿಯನ್ನು ನೀಡುವ ‘ಹಿಂದುತ್ವದ ಶಿಲೆದಾರ’ ಈ ಲೇಖನಮಾಲೆಯ ಮೂಲಕ ಉಳಿದವರಿಗೂ ಪ್ರೇರಣೆ ಸಿಗಬಹುದು ! – ಸಂಪಾದಕರು

“ಸ್ಟ್ರಿಂಗ್ ರಿವೀಲ್ಸ್” ಚಾನೆಲ್ – ಧರ್ಮ ಮತ್ತು ಸಂಸ್ಕೃತಿಯ ಸೇತುಬಂಧ

“ಸ್ಟ್ರಿಂಗ್ ರಿವೀಲ್ಸ್” ಯೂಟ್ಯೂಬ್ ಚಾನೆಲ್‌ ಒಂದು ವಿಶಿಷ್ಟ ವೇದಿಕೆಯಾಗಿದ್ದು, ಇಲ್ಲಿ ಅವರು ಹಿಂದೂ ಧರ್ಮ, ಪೌರಾಣಿಕ ಕಥೆಗಳು, ವಾಸ್ತವ ಇತಿಹಾಸ ಮತ್ತು ಭಾರತೀಯ ತತ್ತ್ವಶಾಸ್ತ್ರದ ಕುರಿತು ಆಧಾರಿತ, ವಿಶ್ಲೇಷಣಾತ್ಮಕ ವಿಡಿಯೋಗಳನ್ನು ಪ್ರಕಟಿಸುತ್ತಾರೆ. ಇದರ ಮೂಲಕ ಅವರು ಜ್ಞಾನಾರ್ಥಿಗಳು, ಸಂಶೋಧಕರು ಮತ್ತು ಸಾಮಾನ್ಯ ವೀಕ್ಷಕರನ್ನು ಒಂದೇ ವೇದಿಕೆಯಲ್ಲಿ ತರಲು ಅವಿರತ ಕಾರ್ಯ ಮಾಡುತ್ತಿದ್ದಾರೆ.

ಚಾನೆಲ್‌ನ ಹೆಸರಿನಂತೆಯೇ, ಅದು ಯಾವುದೇ ಘಟನೆಯ ಹಿಂದಿನ ಷಡ್ಯಂತ್ರದ ‘ಎಳೆಯನ್ನು ಬಿಚ್ಚಿ’ ವೀಡಿಯೊಗಳ ಮೂಲಕ ಜಗತ್ತಿಗೆ ತರುತ್ತದೆ. ಭಾರತದಲ್ಲಿ ನಡೆಯುವ ಪ್ರಮುಖ ಘಟನೆಗಳ ಹಿಂದೆ ಭಾರತ ವಿರೋಧಿ ಶಕ್ತಿಗಳು ಹೇಗೆ ಕಾರ್ಯನಿರ್ವಹಿಸುತ್ತಿವೆ ಎಂಬುದರ ಕುರಿತು ಸಂಪೂರ್ಣ ವಸ್ತುನಿಷ್ಠ ಮಾಹಿತಿಯನ್ನು ಒದಗಿಸಲಾಗುತ್ತದೆ. ಇದರಲ್ಲಿ ಎರಡು ವರ್ಷಗಳ ಹಿಂದೆ ದೆಹಲಿಯಲ್ಲಿ ನಡೆದ ರೈತರ ಆಂದೋಲನವಿರಲಿ, ಕರ್ನಾಟಕದ ಹಿಜಾಬ್ ವಿರೋಧಿ ಆಂದೋಲನವಿರಲಿ, ಅಥವಾ ಮಣಿಪುರ ಮತ್ತು ನೂಹ್ (ಹರಿಯಾಣ)ದಲ್ಲಿ ನಡೆದ ಹಿಂಸಾಚಾರವಿರಲಿ, ಈ ಎಲ್ಲಾ ಘಟನೆಗಳ ಹಿಂದಿನ ಅಂತರರಾಷ್ಟ್ರೀಯ ರಾಜಕೀಯ, ಜಾತ್ಯತೀತ ಶಕ್ತಿಗಳ ಭಾಗವಹಿಸುವಿಕೆ, ಹಿಂದೂಗಳ ಮೇಲಿನ ಅರಿಷ್ಟ ಇತ್ಯಾದಿ ವಿಷಯಗಳನ್ನು ಪ್ರಖರವಾಗಿ ಮತ್ತು ಸ್ಪಷ್ಟವಾಗಿ ಮಂಡಿಸಲಾಗಿದೆ. ಈ ಚಾನೆಲ್ ಮೂಲಕ ಈಶ್ವರನ ಅಧಿಷ್ಠಾನದೊಂದಿಗೆ ಕಾರ್ಯನಿರ್ವಹಿಸುವ ಸೂತ್ರದ ಬಗ್ಗೆಯೂ ಕಾಲಕಾಲಕ್ಕೆ ಮಾರ್ಗದರ್ಶನ ನೀಡಲಾಗುತ್ತದೆ.

‘ಸ್ಟ್ರಿಂಗ್ ರಿವೀಲ್ಸ್’ ಮೇಲೆ ಯೂಟ್ಯೂಬ್ ನಿಷೇಧ !

ಹಿಂದೂ ಮತ್ತು ಭಾರತ ವಿರೋಧಿ ಶಕ್ತಿಗಳ ಷಡ್ಯಂತ್ರಗಳನ್ನು ಉದಾಹರಣೆಗಳೊಂದಿಗೆ ಬಯಲು ಮಾಡಲು ಪ್ರಸಿದ್ಧವಾಗಿರುವ ‘ಸ್ಟ್ರಿಂಗ್ ರಿವೀಲ್ಸ್’ ಯುಟ್ಯೂಬ್ ಚಾನೆಲ್ ಮೇಲೆ ಯೂಟ್ಯೂಬ್ ನಿಷೇಧ ಹೇರಿದೆ. ಇದಕ್ಕೆ ಕಾರಣ ನೀಡುತ್ತಾ, ಯೂಟ್ಯೂಬ್ “ಈ ಚಾನೆಲ್ ತಮ್ಮ ನಿಯಮಗಳನ್ನು ಗಂಭೀರವಾಗಿ ಉಲ್ಲಂಘಿಸಿದೆ” ಎಂದು ಹೇಳಿದೆ. ಯೂಟ್ಯೂಬ್ ಈ ಮೊದಲು ಯಾವುದೇ ಆಕ್ಷೇಪಾರ್ಹ ವೀಡಿಯೊದ ವಿರುದ್ಧ ಅವರಿಗೆ ಈ ರೀತಿಯ ಎಚ್ಚರಿಕೆ ನೀಡಿರಲಿಲ್ಲ; ನೇರವಾಗಿ ಅವರ ಮೇಲೆ ನಿರ್ಬಂಧ ಹೇರುವ ಅನ್ಯಾಯದ ಕ್ರಮ ಕೈಗೊಂಡಿದೆ. ಈ ಕುರಿತು ‘ಸ್ಟ್ರಿಂಗ್ ರಿವೀಲ್ಸ್’ “ಯೂಟ್ಯೂಬ್ ಯಾರನ್ನೋ ಸಂತೋಷಪಡಿಸಲು ಈ ಕ್ರಮ ಕೈಗೊಂಡಿದೆ. ನಾವು ನಿಮ್ಮ ವಿರುದ್ಧ ಬಹಳ ದೂರದವರೆಗೆ ಹೋರಾಡಬಲ್ಲೆವು ಎಂಬುದನ್ನು ನೀವು ಮರೆಯಬೇಡಿ, ಹಾಗೆಯೇ ಅಭಿವ್ಯಕ್ತಿ ಸ್ವಾತಂತ್ರ್ಯಕ್ಕಾಗಿ ಯೂಟ್ಯೂಬ್ ಒಂದೇ ಮಾಧ್ಯಮವಲ್ಲ ಎಂಬುದನ್ನು ಸಹ ನೆನಪಿನಲ್ಲಿಡಿ!” ಎಂದು ಹೇಳಿದೆ.

‘ಬಿಬಿಸಿ’ಯ ಹಿಂದೂ ದ್ವೇಷವನ್ನು ಬಹಿರಂಗಪಡಿಸಲು ‘ಗ್ಲೋಬಲ್ ಹಿಂದೂ ಫೆಡರೇಷನ್’ ಮತ್ತು ‘ಸ್ಟ್ರಿಂಗ್ ರಿವೀಲ್ಸ್’ ನಿಂದ ಕಿರುಚಿತ್ರ ಪ್ರಸಾರ!

‘ಬಿಬಿಸಿ’, ಅಂದರೆ ‘ಬ್ರಿಟಿಷ್ ಬ್ರಾಡ್‌ಕಾಸ್ಟಿಂಗ್ ಕಾರ್ಪೊರೇಷನ್’ ಸುದ್ದಿವಾಹಿನಿಯು ಹಿಂದೂ ದ್ವೇಷದಿಂದ ಕೂಡಿದ್ದು, ಭಾರತ ಮತ್ತು ಹಿಂದೂಗಳ ಬಗ್ಗೆ ಸುಳ್ಳು ಕಥೆಗಳನ್ನು ಪ್ರಸಾರ ಮಾಡಲು ಕುಖ್ಯಾತವಾಗಿದೆ.

ಅಂತಹ ಬಿಬಿಸಿ ವಿರುದ್ಧ ಇದೇ ಮೊದಲ ಬಾರಿಗೆ, ಅತ್ಯಂತ ಅಧ್ಯಯನಪೂರ್ಣವಾದ ‘ಡಾಕ್ಯುಮೆಂಟರಿ’ (ಕಿರುಚಿತ್ರ) ಅಕ್ಟೋಬರ್ 25, 2024 ರಂದು ಪ್ರಸಾರ ಮಾಡಲಾಯಿತು. ಈ ಡಾಕ್ಯುಮೆಂಟರಿಯನ್ನು ‘ಗ್ಲೋಬಲ್ ಹಿಂದೂ ಫೆಡರೇಷನ್’ ಮತ್ತು ‘ಸ್ಟ್ರಿಂಗ್ ರಿವೀಲ್ಸ್’ ಎಂಬ ಹಿಂದೂಪರ ಸಂಘಟನೆಗಳು ಜಂಟಿಯಾಗಿ ನಿರ್ಮಿಸಿವೆ.