ಬ್ರಿಟನ್‌: ದೇವಸ್ಥಾನದ ಜಾಗ ಮುಸಲ್ಮಾನರಿಗೆ ಹರಾಜು !

​

​ಲಂಡನ್ – ಲಂಡನ್‌ ನಿಂದ 120 ಕಿ.ಮೀ ದೂರದಲ್ಲಿರುವ ಪೀಟರ್ ಬರೋದಲ್ಲಿನ 40 ವರ್ಷಗಳಷ್ಟು ಹಳೆಯದಾದ ದೇವಸ್ಥಾನ ಮತ್ತು ‘ಸಮುದಾಯ ಕೇಂದ್ರ’ ಹೊಂದಿರುವ ‘ನ್ಯೂ ಇಂಗ್ಲೆಂಡ್ ಕಾಂಪ್ಲೆಕ್ಸ್’ ಜಾಗದ ಮಾರಾಟದ ಕುರಿತು ವಿವಾದ ಉಂಟಾಗಿದೆ. ‘ಪೀಟರ್‌ ಬರೋ ಸಿಟಿ ಕೌನ್ಸಿಲ್’ ಸಂಸ್ಥೆಯು ಹರಾಜಿನ ನಂತರ ಈ ಜಾಗವನ್ನು ‘ಯುನೈಟೆಡ್ ಕಿಂಗ್‌ ಡಮ್ ಇಸ್ಲಾಮಿಕ್ ಮಿಷನ್’ ಎಂಬ ಸಂಸ್ಥೆಗೆ ಮಾರಾಟ ಮಾಡಲು ನಿರ್ಧರಿಸಿದೆ.

UK Temple Sold, Hindus Left Unheard?

A temple property in the UK was auctioned by Peterborough City Council and sold to a Muslim organisation.

Whether in Muslim-majority or Christian-majority countries, Hindu minorities often raise concerns about discrimination.

Yet no… pic.twitter.com/q9gIvtZPdE

— Sanatan Prabhat (@SanatanPrabhat) July 14, 2026

​ಇದೇ ಪರಿಸರದಲ್ಲಿ ‘ಭಾರತ ಹಿಂದೂ ಸಮಾಜ’ದ ದೇವಸ್ಥಾನವಿದೆ. ಇದು ನಗರ ಮತ್ತು ಸುತ್ತ-ಮುತ್ತಲಿನ ಸಾವಿರಾರು ಹಿಂದೂಗಳ ಪ್ರಮುಖ ಪೂಜಾ ಸ್ಥಳವಾಗಿದೆ. ಈ ನಿರ್ಧಾರದಿಂದ ಆಕ್ರೋಶಗೊಂಡ ‘ಭಾರತ ಹಿಂದೂ ಸಮಾಜ’ ಉಚ್ಚ ನ್ಯಾಯಾಲಯದಲ್ಲಿ ಅರ್ಜಿ ಸಲ್ಲಿಸುವ ಮೂಲಕ ಈ ಮಾರಾಟದ ಪ್ರಕ್ರಿಯೆಯನ್ನು ಪ್ರಶ್ನಿಸಿದೆ. ‘ಪೀಟರ್‌ ಬರೋ ಸಿಟಿ ಕೌನ್ಸಿಲ್’ ದೇವಸ್ಥಾನದ 40 ವರ್ಷಗಳ ಧಾರ್ಮಿಕ ಮತ್ತು ಸಾಮಾಜಿಕ ಕೊಡುಗೆಯನ್ನು ಸಂಪೂರ್ಣವಾಗಿ ನಿರ್ಲಕ್ಷಿಸಿದೆ ಎಂದು ‘ಭಾರತ ಹಿಂದೂ ಸಮಾಜ’ ಸಂಘಟನೆ ಆರೋಪಿಸಿದೆ. ಹರಾಜಿನ ಮೌಲ್ಯಮಾಪನದಲ್ಲೂ ಗಂಭೀರ ಲೋಪದೋಷಗಳಿದ್ದವು. ಫೆಬ್ರವರಿ 2026 ರಲ್ಲಿ ಉಚ್ಚ ನ್ಯಾಯಾಲಯವು ಮಧ್ಯಂತರ ತಡೆಯಾಜ್ಞೆ ನೀಡಿ, ‘ಪೀಟರ್‌ ಬರೋ ಸಿಟಿ ಕೌನ್ಸಿಲ್’ಗೆ ಈ ಜಾಗವನ್ನು ಮಾರಾಟ ಮಾಡದಂತೆ ತಡೆಹಿಡಿದಿತ್ತು.

ಮಾರಾಟದ ಪ್ರಕ್ರಿಯೆ ಕಾನೂನುಬದ್ಧವಾಗಿ ನಡೆದಿದೆಯೇ ಅಥವಾ ಇಲ್ಲವೇ?, ಎಂಬುದನ್ನು ಪರಿಶೀಲಿಸಲಾಗುವುದು !

​ಈಗ ನ್ಯಾಯಾಂಗ ಮರುಪರಿಶೀಲನೆಯಲ್ಲಿ ‘ನಿರ್ಧಾರ ತೆಗೆದುಕೊಳ್ಳುವ ಪ್ರಕ್ರಿಯೆಯು ಕಾನೂನುಬದ್ಧವಾಗಿತ್ತೇ ಅಥವಾ ಇಲ್ಲವೇ?’ ಎಂಬುದನ್ನು ಪರಿಶೀಲಿಸಲಾಗುತ್ತಿದೆ. ತಮ್ಮ ವಿರೋಧವು ‘ಯುನೈಟೆಡ್ ಕಿಂಗ್‌ ಡಮ್ ಇಸ್ಲಾಮಿಕ್ ಮಿಷನ್’ ಸಂಸ್ಥೆಯ ವಿರುದ್ಧವಲ್ಲ, ‘ಪೀಟರ್‌ ಬರೋ ಸಿಟಿ ಕೌನ್ಸಿಲ್’ ತೆಗೆದುಕೊಂಡ ನಿರ್ಧಾರ ಮತ್ತು ಅನುಸರಿಸಿದ ಪ್ರಕ್ರಿಯೆಯ ವಿರುದ್ಧವಾಗಿದೆ ಎಂದು ದೇವಸ್ಥಾನದ ಆಡಳಿತ ಮಂಡಳಿಯು ಸ್ಪಷ್ಟಪಡಿಸಿದೆ. ​ಹೆಚ್ಚುತ್ತಿರುವ ಆರ್ಥಿಕ ಬಿಕ್ಕಟ್ಟು ಮತ್ತು ಸರಕಾರಿ ಧನಸಹಾಯದ ಕಡಿತದಿಂದಾಗಿ ಬ್ರಿಟನ್‌ ನ ಹಲವು ಸ್ಥಳೀಯ ‘ಕೌನ್ಸಿಲ್‌’ಗಳು ತಮ್ಮ ಸಾಮಾಜಿಕ ಕಟ್ಟಡಗಳು, ಕ್ರೀಡಾ ಕೇಂದ್ರಗಳು ಮುಂತಾದವುಗಳನ್ನು ಮಾರಾಟ ಮಾಡಿ ಆರ್ಥಿಕ ನಷ್ಟವನ್ನು ಸರಿದೂಗಿಸಿಕೊಳ್ಳುತ್ತಿವೆ.