‘ಇಸ್ರೋ’ದ ಮುಂದಿನ ಮಿಷನ್ `ಗಗನಯಾನ’ ಮೂಲಕ ಗಗನಯಾತ್ರಿಗಳನ್ನು ಬಾಹ್ಯಾಕಾಶಕ್ಕೆ ಕಳುಹಿಸಲಿದೆ!

ಜನವರಿಯಿಂದ ಮಾರ್ಚ್ 2024 ರವರೆಗೆ ಕಾರ್ಯಗತಗೊಳಿಸಲಿದೆ !

ಬೆಂಗಳೂರು – ‘ಮಂಗಳಯಾನ’ ಮತ್ತು ‘ಚಂದ್ರಯಾನ-3’ ಅಭಿಯಾನಗಳ ಗಮನಸೆಳೆಯುವ ಯಶಸ್ಸಿನ ನಂತರ, ಇಸ್ರೋ ‘ಗಗನಯಾನ’ ಅಭಿಯಾನ ಈಗ ಭಾರತಿಯರ ಗಮನ ಸೆಳೆದಿದೆ. ಭಾರತೀಯ ಗಗನಯಾತ್ರಿಗಳನ್ನು ಬಾಹ್ಯಾಕಾಶಕ್ಕೆ ಕಳುಹಿಸುವ ಮೂಲಕ ಬಾಹ್ಯಾಕಾಶ ಸಂಶೋಧನೆ ಕ್ಷೇತ್ರದಲ್ಲಿ ಭಾರತದ ಸ್ಥಾನವನ್ನು ಇನ್ನಷ್ಟು ಬಲಪಡಿಸಲು ‘ಇಸ್ರೋ’ ಮಹತ್ವಾಕಾಂಕ್ಷೆಯ ಅಭಿಯಾನವಾಗಿದೆ. ಅಭಿಯಾನವನ್ನು ಜನವರಿಯಿಂದ ಮಾರ್ಚ್ 2024 ಕಾಲಾವಧಿಯಲ್ಲಿ ಕಾರ್ಯಗತಗೊಳಿಸಲಾಗುವುದು. ಕೊರೋನಾ ಸಾಂಕ್ರಾಮಿಕ ರೋಗದಿಂದಾಗಿ ಈ ಅಭಿಯಾನಕ್ಕೆ ಹೊಡೆತ ಬಿದ್ದಿತು, ಇಲ್ಲದಿದ್ದರೆ ಇಲ್ಲಿಯವರೆಗೆ ಭಾರತದ ಈ ಅಭಿಯಾನ ಯಶಸ್ವಿಗೊಳಿಸಿ ತೋರಿಸುತ್ತಿದ್ದರು ಎಂದು ಹೇಳಲಾಗುತ್ತಿದೆ. 2018 ರಲ್ಲಿಯೇ ಪ್ರಧಾನಮಂತ್ರಿಗಳು ಈ ಅಭಿಯಾನವನ್ನು ಘೋಷಿಸಿದ್ದರು. ಈ ಅಭಿಯಾನಕ್ಕೆ ಒಟ್ಟು 9 ಸಾವಿರದ 23 ಕೋಟಿ ವೆಚ್ಚವಾಗಲಿದೆ ಎಂದು ಹೇಳಲಾಗುತ್ತಿದೆ.

India wants to fly its own astronauts to the moon, after becoming the first nation to land on the lunar south pole https://t.co/B37gCUMbde

— Insider News (@InsiderNews) August 23, 2023

1. ಅಮೇರಿಕಾ, ಆಗಿನ ಸೋವಿಯತ್ ಒಕ್ಕೂಟ ಮತ್ತು ಚೀನಾ ಈ ಮೂರು ದೇಶಗಳು ಇಲ್ಲಿಯವರೆಗೆ ಬಾಹ್ಯಾಕಾಶಕ್ಕೆ ಮಾನವರನ್ನು ಕಳುಹಿಸಿವೆ. ಇದರ ನಂತರ, ಈ ಮೊದಲ ಬಾರಿಗೆ, ಇಸ್ರೋ ಈ ಕಾರ್ಯಾಚರಣೆಯನ್ನು ಯೋಜಿಸಿದೆ.

2. ಇದರಲ್ಲಿ ಭೂಮಿಯ ಸುತ್ತ 400 ಕಿ.ಮೀ ಕಕ್ಷೆಯಲ್ಲಿ ಮೂವರು ಗಗನಯಾತ್ರಿಗಳನ್ನು ಮೂರು ದಿನಗಳ ಕಾಲ ಕಳುಹಿಸಲಾಗುವುದು. ಅಲ್ಲಿನ ಪ್ರಯೋಗಗಳ ನಂತರ ಅವರನ್ನು ಸುರಕ್ಷಿತವಾಗಿ ಹಿಂದೂ ಮಹಾಸಾಗರದಲ್ಲಿ ಇಳಿಸಲು ಇಸ್ರೋ ಪ್ರಯತ್ನಿಸಲಿದೆ.