ನೇರವಾಗಿ ಈಶ್ವರನಿಂದ ಚೈತನ್ಯ ಮತ್ತು ಮಾರ್ಗದರ್ಶನ ಗ್ರಹಿಸುವ ಕ್ಷಮತೆ ಇರುವುದರಿಂದ ಈಶ್ವರೀ ರಾಜ್ಯವನ್ನು ಮುನ್ನಡೆಸಬಲ್ಲ ಸನಾತನ ಸಂಸ್ಥೆಯಲ್ಲಿರುವ ದೈವಿ ಬಾಲಕರು

ತಾಯಿ-ತಂದೆಯರೇ, ದೈವಿ ಬಾಲಕರ ಸಾಧನೆಗೆ ವಿರೋಧಿಸದೇ ಅವರ ಸಾಧನೆಯತ್ತ ಗಮನ ಹರಿಸಿ !

‘ಕೆಲವು ದೈವಿ ಬಾಲಕರ ಆಧ್ಯಾತ್ಮಿಕ ಮಟ್ಟ ಎಷ್ಟು ಒಳ್ಳೆದಿರುತ್ತದೆ ಎಂದರೆ ಅವರು ೨೦-೨೫ ವಯಸ್ಸನ್ನು ತಲುಪುವುದರೊಳಗೆ ಸಂತರಾಗಬಹುದು’. ತಾಯಿ-ತಂದೆಯವರು ಇಂತಹ ಬಾಲಕರಿಗೆ ಪೂರ್ಣವೇಳೆ ಸಾಧನೆ ಮಾಡಲು ವಿರೋಧಿಸುತ್ತಾರೆ ಮತ್ತು ಅವರಿಗೆ ಮಾಯೆಯಲ್ಲಿನ ಶಿಕ್ಷಣ ನೀಡಿ ಅವರ ಜೀವನವನ್ನು ವ್ಯರ್ಥಗೊಳಿಸುತ್ತಾರೆ. ಸಾಧಕನಿಗೆ ಸಾಧನೆಗೆ ವಿರೋಧ ಮಾಡುವಷ್ಟು ಮಹಾಪಾಪ ಇನ್ನೊಂದಿಲ್ಲ. ಇದನ್ನು ಗಮನದಲ್ಲಿಟ್ಟು ತಾಯಿ-ತಂದೆಯರು ಮಕ್ಕಳ ಸಾಧನೆ ಒಳ್ಳೆಯದಾಗಲು ಗಮನಹರಿಸಿದರೆ ತಾಯಿ-ತಂದೆಯರ ಸಾಧನೆಯಾಗಿ ಅವರೂ ಜನ್ಮ-ಮೃತ್ಯುವಿನ ಚಕ್ರದಿಂದ ಮುಕ್ತರಾಗುವರು !

– ಪರಾತ್ಪರ ಗುರು ಡಾ. ಆಠವಲೆ (೧೮.೧೦.೨೦೨೧)

ದೈವೀ ಬಾಲಕರನ್ನು ಆಂಗ್ಲ ಮಾಧ್ಯಮ ಅಥವಾ ‘ಕಾನ್ವೆಂಟ್’ ಶಾಲೆಗೆ ಸೇರಿಸದೇ ಅವರನ್ನು ಸಂತರು ನಡೆಸುತ್ತಿರುವ ಗುರುಕುಲಕ್ಕೆ ಕಳುಹಿಸಿದರೆ ಅವರಲ್ಲಿನ ದಿವ್ಯತ್ವವು ಹೆಚ್ಚುವುದು !

೧. ಓರ್ವ ಸಾಧಕನ ಮನೆಯಲ್ಲಿ ದೈವೀ ಬಾಲಕನಿರುವುದು ತಿಳಿಯುವುದು, ಅವನಿಗೆ ‘ದತ್ತ ಮತ್ತು ಶ್ರೀಕೃಷ್ಣ’ ಇವರ ನಾಮಜಪವನ್ನು ಮಾಡಲು ಹೇಳಿದ ನಂತರ ಅವನು ನಿಯಮಿತವಾಗಿ ನಾಮಜಪವನ್ನು ಮಾಡುವುದು

‘೨೦೦೮ ರಲ್ಲಿ ನಾನು ನಮ್ಮ ಊರಿನಲ್ಲಿದ್ದಾಗ ‘ಓರ್ವ ಸಾಧಕನ ಮನೆಯಲ್ಲಿ ದೈವೀ ಬಾಲಕನಿದ್ದಾನೆ’, ಎಂದು ನನಗೆ ತಿಳಿಯಿತು. ಅವನು ಉಚ್ಚ ಸ್ವರ್ಗಲೋಕದಲ್ಲಿನ ದೈವೀ ಬಾಲಕನಾಗಿದ್ದು ನಿಯಮಿತವಾಗಿ ನಾಮಜಪವನ್ನೂ ಮಾಡುತ್ತಿದ್ದನು. ಅವನ ಮೂರನೇ ವರ್ಷದಲ್ಲಿ ಅವನು ‘ಅ, ಆ, ಇ ಯಿಂದ ವಿದ್ಯಾಭ್ಯಾಸವನ್ನು ಮಾಡದೇ ‘ಓಂ ಓಂ ಶ್ರೀ ಗುರುದೇವ ದತ್ತ ಓಂ ಓಂ |’ ಹೀಗೆ ಬರೆಯಲು ಆರಂಭಿಸಿದ್ದನು. ಅವನು ೪ ವರ್ಷದವನಿದ್ದಾಗ ನಾನು ಅವನಿಗೆ ಒಂದು ಗಂಟೆ ಗುರುದೇವ ದತ್ತ ನಾಮಜಪ ಮತ್ತು ಉಳಿದ ಸಮಯದಲ್ಲಿ `ಓಂ ಓಂ ನಮೋ ಭಗವತೆ ವಾಸುದೇವಾಯ ಓಂ ಓಂ |’ ಈ ನಾಮಜಪವನ್ನು ಮಾಡಲು ಹೇಳಿದ್ದೆನು. ಆ ಸಮಯದಲ್ಲಿ ನಾನು ಅವನಿಗೆ, “ನಿನಗೆ ಯಾವ ನಾಮಜಪವನ್ನು ಮಾಡಲು ಹೇಳಿದ್ದೇನೆ, ಅದು ತಿಳಿಯಿತೇ ?’’ ಎಂದು ಕೇಳಿದೆನು. ಆಗ ಅವನು ತಕ್ಷಣ ಈ ಎರಡು ನಾಮಜಪಗಳನ್ನು ಹೇಳಿದನು. ಅದನ್ನು ಕೇಳಿ ಅಲ್ಲಿನ ಎಲ್ಲ ಜನರಿಗೆ ಆಶ್ಚರ್ಯವಾಯಿತು.

೨. ಬಾಲಕನ ತಂದೆಗೆ ಅವನನ್ನು ಆಂಗ್ಲ ಶಾಲೆಗೆ ಸೇರಿಸಬೇಡಿ ಹಿಂದಿ ಶಾಲೆಗೆ ಸೇರಿಸಿ ಎಂದು ಹೇಳುವುದು; ಆದರೆ ಅವನ ತಂದೆ ಅವನನ್ನು ಆಂಗ್ಲ ಮಾಧ್ಯಮದ ಶಾಲೆಗೆ ಸೇರಿಸಿದುದರಿಂದ ಈಗ ಅವನ ಮೇಲೆ ತುಂಬಾ ತೊಂದರೆದಾಯಕ ಶಕ್ತಿಯ ಆವರಣ ಬರುವುದು

ನಾನು ಅವನ ತಂದೆಗೆ, “ಇವನಿಗೆ ಕ್ರೈಸ್ತರು ನಡೆಸುತ್ತಿರುವ ಆಂಗ್ಲ ಮಾಧ್ಯಮ ಶಾಲೆಗೆ ಸೇರಿಸುವ ಬದಲು ಹಿಂದಿ ಭಾಷೆಯ ಶಾಲೆಯಲ್ಲಿ ಕಲಿಸಲು ಕಳುಹಿಸಿರಿ,’’ ಎಂದು ಹೇಳಿದೆನು. ಅವನ ತಂದೆಗೆ ಈ ಮಾತು ಇಷ್ಟವಾಗಲಿಲ್ಲ. ಅವರು ಆ ಬಾಲಕನನ್ನು ಅಲ್ಲಿನ ಪ್ರಸಿದ್ಧ ಕ್ರೈಸ್ತ ಮಿಶನರಿಗಳ ‘ಕಾನ್ವೆಂಟ್’ ಶಾಲೆಗೆ ಸೇರಿಸಿದರು. ಮುಂದೆ ಆ ಬಾಲಕನು ‘ಆನ್‌ಲೈನ್’ ನಾಮಜಪ ಸತ್ಸಂಗದಲ್ಲಿಯೂ ಪಾಲ್ಗೊಳ್ಳುವುದನ್ನು ನಿಲ್ಲಿಸಿದನು. ಈಗ ಆ ಬಾಲಕನು ೧೬ ವರ್ಷದವನಾಗಿದ್ದಾನೆ; ಆದರೆ ಅವನ ಮೇಲೆ ತುಂಬಾ ತೊಂದರೆದಾಯಕ ಆವರಣವು ಬಂದಿದೆ. ಕೆಲವು ತಿಂಗಳ ಹಿಂದೆ ನಾನು ಅವರ ಮನೆಗೆ ಹೋಗಿದ್ದೆನು. ಕೆಟ್ಟ ಶಕ್ತಿಗಳಿಂದ ಅವನ ಮೇಲೆ ಬಂದಿರುವ ತೊಂದರೆದಾಯಕ ಶಕ್ತಿಯ ಆವರಣವನ್ನು ನೋಡಿ ನನಗೆ ತುಂಬಾ ಹಾಳೆನಿಸಿತು.

೩. ತಮೋಗುಣಗಳಿಂದ ತುಂಬಿದ ಮೆಕಾಲೆಯ ಶಿಕ್ಷಣಪದ್ಧತಿಯಿಂದ ಮಕ್ಕಳ ಮೇಲೆ ಆವರಣ ಬರುವುದರಿಂದ, ಅವರನ್ನು ಗುರುಕುಲಕ್ಕೆ ಕಳುಹಿಸಿದರೆ ಅವರಲ್ಲಿನ ದಿವ್ಯತ್ವವು ಹೆಚ್ಚಾಗಿ ಹೆತ್ತವರ ಕಲ್ಯಾಣವಾಗುವುದು !

‘ತಮೋಗುಣಗಳಿಂದ ತುಂಬಿದ ಮೆಕಾಲೆಯ ಶಿಕ್ಷಣ ಪದ್ಧತಿಯಿಂದ ಮಕ್ಕಳ ಮೇಲೆ ಆವರಣ ಬರುತ್ತದೆ. ಇಂತಹ ದೈವೀ ಬಾಲಕರನ್ನು ನಾವು ಕ್ರೈಸ್ತ ಮಿಶನರಿಗಳ ಶಾಲೆಗೆ ಸೇರಿಸಿದರೆ, ಅವರ ಮೇಲೆ ಹೆಚ್ಚು ಪ್ರಮಾಣದಲ್ಲಿ ತಮೋಗುಣದ ಆವರಣ ಬರುವುದು. ತಮ್ಮ ಮನೆಯಲ್ಲಿ ದೈವೀ ಬಾಲಕರಿದ್ದರೆ, ಅವರನ್ನು ಸಂತರು ನಡೆಸುತ್ತಿರುವ ಯಾವುದಾದರೊಂದು ಗುರುಕುಲಕ್ಕೆ ಕಳುಹಿಸಿರಿ. ಅದರಿಂದ ಅವರಲ್ಲಿನ ದಿವ್ಯತ್ವವು ಹೆಚ್ಚಾಗುವುದು ಮತ್ತು ಪಾಲಕರಿಗೂ ಒಳ್ಳೆಯದಾಗುವುದು !’

– ಪೂ. ತನುಜಾ ಠಾಕೂರ, ಸಂಸ್ಥಾಪಕರು, ವೈದಿಕ ಉಪಾಸನಾಪೀಠ. (೩೦.೧೦.೨೦೨೧)