Delhi Tax Collection : ದೆಹಲಿ ಸರಕಾರವು 2024-25ರ ಆರ್ಥಿಕ ವರ್ಷದಲ್ಲಿ ತೆರಿಗೆಯಿಂದ 5 ಸಾವಿರ 68 ಕೋಟಿ ರೂಪಾಯಿಗಳನ್ನು ಗಳಿಸಿತು!

ಹಾಲು ಮಾರಾಟದಿಂದ ಕೇವಲ 200 ಕೋಟಿ ರೂಪಾಯಿಯ ಗಳಿಕೆ!

ನವದೆಹಲಿ – ದೆಹಲಿ ರಾಜ್ಯದ 2024-25ರ ಆರ್ಥಿಕ ವರ್ಷದಲ್ಲಿ ಮದ್ಯ ಮಾರಾಟದ ಮೇಲಿನ ಅಬಕಾರಿ ಸುಂಕ ಮತ್ತು ವ್ಯಾಟ್ (ಮೌಲ್ಯವರ್ಧಿತ ತೆರಿಗೆ) ದಿಂದ 5 ಸಾವಿರದ 68 ಕೋಟಿ 92 ಲಕ್ಷ ರೂಪಾಯಿಗಳ ಆದಾಯ ಬಂದಿದೆ. ಅದೇ ಸಮಯದಲ್ಲಿ ಹಾಲು ಮತ್ತು ಹಾಲಿನ ಉತ್ಪನ್ನಗಳ ಮೇಲಿನ ಜಿಎಸ್ಟಿ (ಸೇವೆ ಮತ್ತು ತೆರಿಗೆ) ಯಿಂದ 209 ಕೋಟಿ 90 ಲಕ್ಷ ರೂಪಾಯಿಗಳ ಆದಾಯ ಬಂದಿದೆ ಎಂದು ಸರಕಾರ ತಿಳಿಸಿದೆ. ಈ ಎರಡೂ ಅಂಕಿ ಸಂಖ್ಯೆಗಳು ಫೆಬ್ರವರಿವರೆಗಿನವು ಆಗಿದೆ. ದೆಹಲಿ ವಿಧಾನಸಭೆಯಲ್ಲಿ ಭಾಜಪ ಶಾಸಕ ಅಭಯ ವರ್ಮಾ ಕೇಳಿದ ಪ್ರಶ್ನೆಗೆ ಸರಕಾರ ಈ ಮಾಹಿತಿಯನ್ನು ನೀಡಿದೆ.

ಭಾಜಪವು ಆಮ್ ಆದ್ಮಿ ಪಕ್ಷದ ಮೇಲೆ ಮದ್ಯ ನೀತಿ ಹಗರಣದ ಆರೋಪ ಮಾಡುತ್ತಿರುವಾಗ ಈ ಅಂಕಿ ಸಂಖ್ಯೆಗಳು ಬಹಿರಂಗವಾಗಿವೆ. ಎಎಪಿಯ ನಾಯಕರು ಮತ್ತು ದೆಹಲಿಯ ಮಾಜಿ ಮುಖ್ಯಮಂತ್ರಿ ಅರವಿಂದ ಕೇಜ್ರಿವಾಲ ಮತ್ತು ಮಾಜಿ ಉಪಮುಖ್ಯಮಂತ್ರಿ ಮನೀಶ ಸಿಸೋದಿಯಾ ಈ ಮದ್ಯ ಹಗರಣ ಪ್ರಕರಣದಲ್ಲಿ ಜೈಲಿಗೆ ಹೋಗಿ ಬಂದಿದ್ದಾರೆ. ಇತ್ತೀಚೆಗೆ ನಡೆದ ದೆಹಲಿ ವಿಧಾನಸಭಾ ಚುನಾವಣೆಯಲ್ಲಿ ಆಮ್ ಆದ್ಮಿ ಪಕ್ಷದ ಸೋಲಿಗೆ ಇದು ಒಂದು ದೊಡ್ಡ ಕಾರಣವಾಗಿದೆ.

ದೆಹಲಿಯಲ್ಲಿ ಪ್ರತಿದಿನ 5 ಲಕ್ಷ 82 ಸಾವಿರ ಲೀಟರ್ ಮದ್ಯ ಮಾರಾಟ !

ದೆಹಲಿಯಲ್ಲಿ 2023-24ರ ವರ್ಷದಲ್ಲಿ 21 ಕೋಟಿ 27 ಲಕ್ಷ ಲೀಟರ್ ಮದ್ಯ ಮಾರಾಟವಾಗಿದೆ, ಅಂದರೆ ಪ್ರತಿದಿನ ಸುಮಾರು 5 ಲಕ್ಷ 82 ಸಾವಿರ ಲೀಟರ್ ಮಾರಾಟವಾಗಿದೆ. 2022-23ರಲ್ಲಿ ಈ ಸಂಖ್ಯೆ 25 ಲಕ್ಷ 84 ಸಾವಿರ ಲೀಟರ್ ಅಷ್ಟು ಇತ್ತು.

2024-25ರಲ್ಲಿ 210 ಕೋಟಿ ರೂಪಾಯಿಗಳಿಗೆ ಹೋಲಿಸಿದರೆ ಸರಕಾರವು 2023-24ರಲ್ಲಿ ಹಾಲಿನ ಮಾರಾಟದಿಂದ ಸುಮಾರು 300 ಕೋಟಿ ರೂಪಾಯಿ ಮತ್ತು 2022-23ರಲ್ಲಿ 365 ಕೋಟಿ ರೂಪಾಯಿಗಳನ್ನು ಗಳಿಸಿತ್ತು.