ವಿವಿಧ ತೊಂದರೆಗಳಿಗೆ ಕರಾರುವಕ್ಕಾಗಿ ನಾಮಜಪಾದಿ ಉಪಾಯಗಳನ್ನು ಹುಡುಕಿ ಜಪಿಸಿದರೆ ತೊಂದರೆಗಳು ದೂರವಾಗುವವು ಮತ್ತು ಇದರಿಂದ ಗಮನಕ್ಕೆ ಬರುವ ಉಪಾಯಗಳ ಮಹತ್ವ !

‘ನಾಮಜಪಾದಿ ಉಪಾಯಗಳನ್ನು ಮಾಡುವುದರಿಂದ ಸಾಧಕರಿಗಾಗುವ ತೊಂದರೆಗಳು ಹೇಗೆ ದೂರವಾಗುತ್ತವೆ, ಈ ವಿಷಯದ ಹೊಸ ಲೇಖನಮಾಲೆ !’

‘ಮನುಷ್ಯನ ಜೀವನದಲ್ಲಿ ಶೇ. ೮೦ ರಷ್ಟು ಸಮಸ್ಯೆಗಳು ಆಧ್ಯಾತ್ಮಿಕ ಕಾರಣಗಳಿಂದ ಬರುತ್ತವೆ. ಆದ್ದರಿಂದ ಇಂತಹ ಸಮಸ್ಯೆಗಳ ನಿವಾರಣೆಗಾಗಿ ಸಾಧನೆಯನ್ನು ಮಾಡುವುದು ಆವಶ್ಯಕವಾಗಿದೆ. ಸಾಧನೆಯ ಜೊತೆಗೆ ಸಮಸ್ಯೆಗಳ ಆಯಾ ಪ್ರಸಂಗಗಳಲ್ಲಿ ಆಯಾ ಸಮಸ್ಯೆಗಳಿಗೆ ನಾಮಜಪಾದಿ ಆಧ್ಯಾತ್ಮಿಕ ಉಪಾಯಗಳನ್ನು ಹುಡುಕಿ ಅವುಗಳನ್ನು ಮಾಡುವುದೂ ಆವಶ್ಯಕವಾಗಿದೆ. ಸದ್ಯ ಧರ್ಮಾಚರಣೆಯು ಲುಪ್ತವಾದುದರಿಂದ ಉದ್ಭವಿಸಿರುವ ಆಪತ್ಕಾಲದಲ್ಲಿ ಕೆಟ್ಟ ಶಕ್ತಿಗಳ ಪ್ರಕೋಪವುಂಟಾಗಿದೆ. ಆದ್ದರಿಂದ ಅವು ಸತ್ಕಾರ್ಯದಲ್ಲಿ ವಿಘ್ನಗಳನ್ನು ತಂದು ತೊಂದರೆಗಳನ್ನು ನೀಡುವ ಪ್ರಮಾಣದಲ್ಲಿಯೂ ಬಹಳ ಹೆಚ್ಚಳವಾಗಿದೆ. ಈಶ್ವರೀ ರಾಜ್ಯದ ಸ್ಥಾಪನೆಗಾಗಿ ಸಮಾಜಾಭಿಮುಖ ಸತ್ಕಾರ್ಯವನ್ನು ಮಾಡುವ, ಅಂದರೆ ಸಮಷ್ಟಿ ಸಾಧನೆಯನ್ನು ಮಾಡುವ ಸನಾತನದ ಸಾಧಕರಿಗೆ ಸದ್ಯ ಮೇಲಿಂದ ಮೇಲೆ ಇಂತಹ ತೊಂದರೆಗಳ ಅನುಭವವಾಗುತ್ತಿದೆ. ಆದ್ದರಿಂದ ಯಾವುದೇ ಸತ್ಕಾರ್ಯವು ನಿರ್ವಿಘ್ನವಾಗಲು ಮೊದಲೇ ನಾಮಜಪಾದಿ ಉಪಾಯಗಳನ್ನು ಕಂಡುಹಿಡಿದು ಅವುಗಳನ್ನು ಮಾಡಬೇಕಾಗುತ್ತದೆ. ಹಾಗೆಯೇ ಸಾಧಕರಿಗೂ ಆಧ್ಯಾತ್ಮಿಕ ಉನ್ನತಿಗಾಗಿ ಪ್ರತಿದಿನ ಮಾಡುತ್ತಿರುವ ವ್ಯಷ್ಟಿ ಸಾಧನೆಯಲ್ಲಿಯೂ ಕೆಟ್ಟ ಶಕ್ತಿಗಳು ಮೇಲಿಂದ ಮೇಲೆ ತೊಂದರೆಗಳನ್ನು ಕೊಡುತ್ತಿವೆ. ಅದಕ್ಕಾಗಿಯೂ ಸಾಧಕರು ನಾಮಜಪಾದಿ ಉಪಾಯಗಳನ್ನು ಕಂಡುಹಿಡಿದು ಅವುಗಳನ್ನು ಮಾಡಬೇಕಾಗುತ್ತದೆ.

ಯಾವುದಾದರೊಂದು ಆಧ್ಯಾತ್ಮಿಕ ತೊಂದರೆಯ ನಿವಾರಣೆಗಾಗಿ ವಿಶಿಷ್ಟ ದೇವತೆಯ ನಾಮಜಪವನ್ನು ಕಂಡು ಹಿಡಿಯುವುದು, ಮುದ್ರೆಯನ್ನು ಕಂಡು ಹಿಡಿಯುವುದು ಮತ್ತು ಆ ಮುದ್ರೆಯಿಂದ ನ್ಯಾಸ ಮಾಡುವ ಶರೀರದ ಮೇಲಿನ ಸ್ಥಾನವನ್ನು ಕಂಡು ಹಿಡಿಯುವುದು; ಎಂದರೆ ನಾಮಜಪಕ್ಕೆ ಸಂಬಂಧಿಸಿದ ಉಪಾಯಗಳನ್ನು ಕಂಡು ಹಿಡಿಯುವುದು ಎಂದಾಗಿದೆ. ಇದು ಸೂಕ್ಷ್ಮದ ವಿಷಯವಾಗಿದೆ; ಹಾಗಾಗಿ ಅದು ನಮ್ಮ ಪಂಚಜ್ಞಾನೇಂದ್ರಿಯಗಳು, ಮನಸ್ಸು ಮತ್ತು ಬುದ್ಧಿಯ ಆಚೆಗಿನದ್ದಾಗಿದೆ. ಸೂಕ್ಷ್ಮದಲ್ಲಿನ ವಿಷಯಗಳು ಅರಿವಾಗಬೇಕಾದರೆ ಸೂಕ್ಷ್ಮ ಪಂಚಜ್ಞಾನೇಂದ್ರಿಯಗಳು ಕಾರ್ಯನಿರತರಾಗಿರುವುದು ಆವಶ್ಯಕವಾಗಿದೆ. ಅವು ಸಾಧನೆಯಿಂದ ಕಾರ್ಯನಿರತವಾಗುತ್ತವೆ. ಕೆಟ್ಟ ಶಕ್ತಿಗಳು ಸೂಕ್ಷ್ಮದಲ್ಲಿರುತ್ತವೆ, ಆದುದರಿಂದ ಅವು ಮಾಡುತ್ತಿರುವ ಆಕ್ರಮಣಗಳನ್ನು ಗುರುತಿಸುವುದು, ಅವುಗಳ ಆಕ್ರಮಣಗಳ ಪದ್ಧತಿಯನ್ನು ಗುರುತಿಸುವುದು ಮತ್ತು ಆಕ್ರಮಣಗಳ ಪರಿಣಾಮವನ್ನು ಗುರುತಿಸುವುದು, ಇವುಗಳನ್ನು ಸೂಕ್ಷ್ಮದಿಂದ ತಿಳಿದುಕೊಂಡು ನಾವು ನಾಮಜಪಾದಿ ಉಪಾಯಗಳನ್ನು ಕಂಡು ಹಿಡಿಯಬಹುದು. ನಾಮಜಪಾದಿ ಉಪಾಯಗಳ ಮೂಲಕ ನಾವು ಕೆಟ್ಟ ಶಕ್ತಿಗಳ ಆಕ್ರಮಣಗಳನ್ನು ನಿವಾರಿಸಬಹುದು ಮತ್ತು ನಮಗಾಗುವ ತೊಂದರೆಗಳನ್ನು ದೂರಗೊಳಿಸಬಹುದು. ಹಾಗೆಯೇ ಸೂಕ್ಷ್ಮದ ವಿಷಯಗಳನ್ನು ತಿಳಿದುಕೊಂಡು ಭವಿಷ್ಯದಲ್ಲಾಗಬಹುದಾದ ಕೆಟ್ಟ ಶಕ್ತಿಗಳ ಆಕ್ರಮಣಗಳನ್ನು ತಡೆಗಟ್ಟಬಹುದು.

ಪರಾತ್ಪರ ಗುರು ಡಾ. ಆಠವಲೆಯವರಿಂದ ಲಭಿಸಿದ ಮಾರ್ಗದರ್ಶನ ಮತ್ತು ಅವರ ಕೃಪೆಯಿಂದ ನಾನು ಸಾಧಕರಿಗಾಗುತ್ತಿರುವ ಮತ್ತು ಅವರ ಸೇವೆಯಲ್ಲಿ ಬರುತ್ತಿರುವ ಆಧ್ಯಾತ್ಮಿಕ ತೊಂದರೆಗಳಿಗೆ ನಾಮಜಪಾದಿ ಉಪಾಯಗಳನ್ನು ಕಂಡುಹಿಡಿಯುವ ಮತ್ತು ಕೆಲವು ಪ್ರಸಂಗಗಳಲ್ಲಿ ಉಪಾಯಗಳನ್ನು ಮಾಡುವ ಸೇವೆಯನ್ನು ಕಳೆದ ಕೆಲವು ವರ್ಷಗಳಿಂದ ಮಾಡುತ್ತಿದ್ದೇನೆ. ಹಾಗೆಯೇ ಸಾಧಕರ ವಸ್ತು, ವಾಸಿಸುವ ವಾಸ್ತು, ದೇವತೆಗಳ ಚಿತ್ರ ಮುಂತಾದವುಗಳ ಮೇಲಾಗುತ್ತಿರುವ ಕೆಟ್ಟ ಶಕ್ತಿಗಳ ಆಕ್ರಮಣಗಳ ಮೇಲೆಯೂ ನಾಮಜಪಾದಿ ಉಪಾಯಗಳನ್ನು ಮಾಡಲು ನನಗೆ ಸಾಧ್ಯವಾಗುತ್ತಿದೆ. ಕೆಟ್ಟ ಶಕ್ತಿಗಳ ತೊಂದರೆಗಳಿಗೆ ಉಪಾಯ ಮಾಡುವುದೆಂದರೆ ಒಂದು ರೀತಿಯಲ್ಲಿ ಅವುಗಳೊಂದಿಗಿನ ಹೋರಾಟವೇ ಆಗಿರುತ್ತದೆ. ಐದನೇಯ, ಆರನೇಯ ಪಾತಾಳದಲ್ಲಿನ ಕೆಟ್ಟ ಶಕ್ತಿಗಳಲ್ಲಿ ಅಪಾರ ಶಕ್ತಿಯಿರುವುದರಿಂದ ಅವುಗಳೊಂದಿಗೆ ಹೋರಾಡುವುದೆಂದರೆ ನಮ್ಮ ಜೀವವನ್ನೇ ಪಣಕ್ಕಿಟ್ಟಷ್ಟು ಅಪಾಯಕಾರಿಯಾಗಿರುತ್ತದೆ, ಆದರೂ ಗುರುಗಳ ಸಂರಕ್ಷಣಾಕವಚ ಮತ್ತು ದೇವರ ಕೃಪೆಯಿಂದಲೇ ನಾನು ಈ ಸೇವೆಯನ್ನು ಮಾಡುತ್ತಿದ್ದೇನೆ. ಈ ಸೇವೆಯಲ್ಲಿನ ನನ್ನ ವಿವಿಧ ಅನುಭವಗಳು, ನನಗೆ ಕಲಿಯಲು ಸಿಕ್ಕಿದ ಅಂಶಗಳು, ನಾನು ಉಪಾಯ ಮಾಡಿದ ಸಾಧಕರ ಅನುಭೂತಿಗಳು ಇತ್ಯಾದಿ ಬರವಣಿಗೆಯನ್ನು ಈ ಲೇಖನಮಾಲೆಯಲ್ಲಿ ನೀಡುತ್ತಿದ್ದೇನೆ. ‘ಈ ಲೇಖನವನ್ನು ಓದಿ ಜೀವನದಲ್ಲಿ ಸಾಧನೆ, ನಾಮಜಪಾದಿ ಉಪಾಯಗಳು ಮತ್ತು ಗುರುಕೃಪೆಯು ಮಹತ್ವವು ಎಲ್ಲರ ಮನಸ್ಸಿನ ಮೇಲೆ ಮೂಡಲಿ, ಎಂದು ಶ್ರೀ ಗುರುಚರಣಗಳಲ್ಲಿ ಪ್ರಾರ್ಥನೆಯನ್ನು ಮಾಡುತ್ತೇನೆ. – (ಸದ್ಗುರು) ಡಾ. ಮುಕುಲ ಗಾಡಗೀಳ. ಪಿಎಚ್.ಡಿ., ಮಹರ್ಷಿ ಅಧ್ಯಾತ್ಮ ವಿಶ್ವವಿದ್ಯಾಲಯ, ಗೋವಾ. (೩೧.೮.೨೦೨೧)

೯ ನೇಯ ಆನ್‌ಲೈನ್ ‘ಅಖಿಲ ಭಾರತೀಯ ಹಿಂದೂ-ರಾಷ್ಟ್ರ ಅಧಿವೇಶನ’ದ ಕಾಲಾವಧಿಯಲ್ಲಿ ಸದ್ಗುರು ಡಾ. ಮುಕುಲ ಗಾಡಗೀಳರು ಹೇಳಿದ ಮತ್ತು ಅಡಚಣೆಗಳನ್ನು ದೂರಗೊಳಿಸಲು ವಿವಿಧ ಸಂತರು ಮಾಡಿದ ಉಪಾಯಗಳು ಮತ್ತು ಅದರಿಂದಾದ ಪರಿಣಾಮಗಳು

‘ಹಿಂದೂ ಜನಜಾಗೃತಿ ಸಮಿತಿ ಮತ್ತು ಸನಾತನ ಸಂಸ್ಥೆ ವತಿಯಿಂದ ೩೦.೭.೨೦೨೦ ರಿಂದ ೨.೮.೨೦೨೦ ಮತ್ತು ೬ ರಿಂದ ೧೦.೮.೨೦೨೦ ಈ ಕಾಲಾವಧಿಯಲ್ಲಿ ಆನ್‌ಲೈನ್ ‘೯ ನೇ ಅಖಿಲ ಭಾರತೀಯ ಹಿಂದೂ ರಾಷ್ಟ್ರ ಅಧಿವೇಶನ’ದ ಆಯೋಜನೆಯನ್ನು ಮಾಡಲಾಗಿತ್ತು. ಆಯೋಜನೆಯ ಸೇವೆಯಲ್ಲಿ ವಿವಿಧ ಸ್ತರಗಳಲ್ಲಿ ಅಡಚಣೆಗಳು ಬರುತ್ತಿರುವುದು ಗಮನಕ್ಕೆ ಬಂದಿತು. ಈ ಅಡಚಣೆಗಳಲ್ಲಿ ನೇರಪ್ರಸಾರದಲ್ಲಿನ ತಾಂತ್ರಿಕ ಸಮಸ್ಯೆಗಳು, ವಕ್ತಾರರನ್ನು ‘ಆನ್‌ಲೈನ್’ನಲ್ಲಿ ಜೋಡಿಸಲು ಅಡಚಣೆಗಳು ಬರುವುದು, ಅಧಿವೇಶನಕ್ಕಾಗಿ ಆವಶ್ಯಕವಿರುವ ಧ್ವನಿಚಿತ್ರಮುದ್ರಿಕೆ (ಸಿ.ಡಿ)ಗಳು ‘ಅಪ್‌ಲೋಡ್’ ಆಗದಿರುವುದು, ಉಪಸ್ಥಿತಿ ಕಡಿಮೆ ಇರುವುದು ಮುಂತಾದವುಗಳ ಸಮಾವೇಶವಿತ್ತು. ಇದರ ಹಿಂದೆ ಆಧ್ಯಾತ್ಮಿಕ ಕಾರಣಗಳಿದ್ದರೆ, ಅವುಗಳ ನಿವಾರಣೆಗಾಗಿ ಸದ್ಗುರು ಡಾ. ಮುಕುಲ ಗಾಡಗೀಳಕಾಕಾರವರಲ್ಲಿ ನಾಮಜಪಾದಿ ಉಪಾಯಗಳನ್ನು ಕೇಳಿದೆವು. ಅವರು ಹೇಳಿದ ನಾಮಜಪಾದಿ ಉಪಾಯಗಳು ಪರಿಣಾಮಕಾರಿಯಾದುದರಿಂದ ಅಧಿವೇಶನದಲ್ಲಿ ಬರುವ ವಿವಿಧ ಅಡಚಣೆಗಳನ್ನು ನಿವಾರಿಸಲು ಸಾಧ್ಯವಾಯಿತು. ಈ ನಾಮಜಪಾದಿ ಉಪಾಯಗಳನ್ನು ಸನಾತನದ ಸಂತರಾದ ಪೂ. ಉಮೇಶ ಶೆಣೈ, ಪೂ. ಶಿವಾಜಿ ವಟಕರ, ಪೂ. ಗುರುನಾಥ ದಾಭೋಲಕರ ಮತ್ತು ಪೂ. ಸದಾಶಿವ ಸಾಮಂತ ಇವರೆಲ್ಲರೂ ಮಾಡಿದರು. ೩೦.೭.೨೦೨೦ ರಿಂದ ಅಧಿವೇಶನವು ಆರಂಭವಾಯಿತು. ಆ ದಿನ ಯಾವುದೇ ಅಡಚಣೆಗಳು ಬರಬಾರದೆಂದು ೨೯.೭.೨೦೨೦ ಈ ದಿನ ನಾಮಜಪಾದಿ ಉಪಾಯಗಳನ್ನು ಮಾಡಲಾಯಿತು. ಅದರ ವೃತ್ತಾಂತವನ್ನು ಇಲ್ಲಿ ನೀಡುತ್ತಿದ್ದೇವೆ.

೧. ೨೯.೭.೨೦೨೦

೧ ಅ. ತೊಂದರೆ : ‘ಅಧಿವೇಶನದ ಆಯೋಜನೆಯಲ್ಲಿ ಪಾಲ್ಗೊಂಡಿದ್ದ ಸಾಧಕರ ಹಣೆಯಿಂದ ಗದ್ದದವರೆಗೆ ೧ ಇಂಚಿನಷ್ಟು ದಪ್ಪ ಆವರಣದ ಉದ್ದ ಪಟ್ಟಿಯಿದೆ’, ಎಂದು ಸದ್ಗುರು ಡಾ. ಮುಕುಲ ಗಾಡಗೀಳ ಕಾಕಾ ಇವರು ಹೇಳಿದರು.

೧ ಆ. ಉಪಾಯ

೧ ಆ ೧. ಜಪ : ನಿರ್ಗುಣ (ಈ ಜಪವನ್ನು ಆರಂಭಿಸುವ ಮೊದಲು ಎರಡೂ ಕೈಗಳ ಮಧ್ಯದ ಬೆರಳುಗಳನ್ನು ಜೋಡಿಸಿ ಉಳಿದ ನಾಲ್ಕೂ ಬೆರಳುಗಳನ್ನು ನೇರವಾಗಿಟ್ಟು ಕಣ್ಣುಗಳನ್ನು ಮುಚ್ಚಿ ಕೈಗಳನ್ನು ತಲೆಯಿಂದ ಹೊಟ್ಟೆಯವರೆಗೆ ೭-೮ ಬಾರಿ ಮೇಲೆ ಕೆಳಗೆ ಆವರಣವನ್ನು ತೆಗೆಯಬೇಕು. (೧ ರಿಂದ ೩ ಕ್ರಮಾಂಕಗಳ ಛಾಯಾಚಿತ್ರಗಳನ್ನು ನೋಡಿರಿ.) ಆವರಣವನ್ನು ತೆಗೆಯುವ ಸಮಯದಲ್ಲಿ ‘ನಿರ್ಗುಣ’ ಜಪವನ್ನು ಮಾಡಬೇಕು.

೧ ಆ ೨. ಮುದ್ರೆ : ಆವರಣವನ್ನು ತೆಗೆದ ಬಳಿಕ ನಾಮಜಪಾದಿ ಉಪಾಯಗಳನ್ನು ಮಾಡುವ ಸಾಧಕರು (ಸಂತರು) ತಮ್ಮ ಒಂದು ಅಂಗೈಯನ್ನು ಆಜ್ಞಾಚಕ್ರದ ಎದುರು ೧-೨ ಸೆಂ.ಮೀ. ಅಂತರದಲ್ಲಿ ಮತ್ತು ಎರಡನೇಯ ಅಂಗೈಯನ್ನು ಬಾಯಿಯ ಎದುರು ೧-೨ ಸೆಂ.ಮೀ. ಅಂತರದಲ್ಲಿ ಹಿಡಿಯಬೇಕು ಮತ್ತು ಆ ಸಮಯದಲ್ಲಿ ‘ನಿರ್ಗುಣ’ ಜಪವನ್ನು ಮಾಡಬೇಕು. (ಛಾಯಾಚಿತ್ರ ಕ್ರಮಾಂಕ ೪ ನೋಡಿರಿ.)

೧ ಆ ೩. ಕಾಲಾವಧಿ : ೨ ಗಂಟೆ

– ಶ್ರೀ. ಅರುಣ ಕುಲಕರ್ಣಿ ಸನಾತನ ಆಶ್ರಮ, ರಾಮನಾಥಿ, ಗೋವಾ. (೧೪.೮.೨೦೨೦)