ಸನಾತನ ಪ್ರಭಾತ > Post Type > ವಾರ್ತೆಗಳು > ಅಂತಾರಾಷ್ಟ್ರೀಯ > ‘ಆಪರೇಷನ್ ಸಿಂದೂರ್’ : ನಮ್ಮ ಸೋಲಿಗೆ ಚೀನಾ ಕಾರಣ ! – ಪಾಕಿಸ್ತಾನ

‘ಆಪರೇಷನ್ ಸಿಂದೂರ್’ : ನಮ್ಮ ಸೋಲಿಗೆ ಚೀನಾ ಕಾರಣ ! – ಪಾಕಿಸ್ತಾನ

ಪಾಕಿಸ್ತಾನದಿಂದ ಚೀನಾ ಮೇಲೆ ದೊಡ್ಡ ಆರೋಪ

ಇಸ್ಲಾಮಾಬಾದ್ (ಪಾಕಿಸ್ತಾನ) – ಆಪರೇಷನ್ ಸಿಂದೂರ್ ಸಮಯದಲ್ಲಿ ಚೀನಾ ಪಾಕಿಸ್ತಾನಕ್ಕೆ ನೀಡಿದ್ದ ವಾಯು ರಕ್ಷಣಾ ವ್ಯವಸ್ಥೆಗಳು, ಹಾಗೆಯೇ ಕ್ಷಿಪಣಿಗಳನ್ನು ಭಾರತ ನಾಶಪಡಿಸಿತು. “ಬ್ರಹ್ಮೋಸ್‌ನಂತಹ ಕಡಿಮೆ ಎತ್ತರದಲ್ಲಿ ಹಾರುವ ಕ್ಷಿಪಣಿಗಳು ನಮ್ಮ ವ್ಯವಸ್ಥೆಯ ವ್ಯಾಪ್ತಿಯಿಂದ ಹೊರಗಿವೆ” ಎಂದು ಚೀನಾ ಸ್ಪಷ್ಟಪಡಿಸಿದೆ. ಈ ಕುರಿತು ಪಾಕಿಸ್ತಾನಿ ಅಧಿಕಾರಿಗಳು, “ಈ ವ್ಯವಸ್ಥೆಗಳ ಸಾಮರ್ಥ್ಯದ ಬಗ್ಗೆ ಚೀನಾ ಮೊದಲು ಮಾಹಿತಿ ನೀಡಿರಲಿಲ್ಲ. ಚೀನಾದಿಂದ ನಮಗೆ ಮೋಸ ಆಗಿದೆ. ಇದರಿಂದಾಗಿ ಆಪರೇಷನ್ ಸಿಂದೂರ್‌ನಲ್ಲಿ ನಾವು ಸೋಲಬೇಕಾಯಿತು” ಎಂದು ಆರೋಪಿಸಿದ್ದಾರೆ.

“ಪಾಕಿಸ್ತಾನದಲ್ಲಿ ಚೀನಾ ಒದಗಿಸಿದ ‘HQ-9B’ ಮತ್ತು ‘HQ-16’ ವಾಯು ರಕ್ಷಣಾ ವ್ಯವಸ್ಥೆಗಳ ಬಗ್ಗೆ ದೊಡ್ಡ ಅಸಮಾಧಾನವಿದೆ” ಎಂದು ಚೀನಾದ ಸಾಮಾಜಿಕ ಮಾಧ್ಯಮಗಳಲ್ಲಿ ಪ್ರಸಾರವಾಗುತ್ತಿದೆ.

“ಈ ವ್ಯವಸ್ಥೆಗಳನ್ನು ಭಾರತದ ‘ಬ್ರಹ್ಮೋಸ್’ ನಂತಹ ಕ್ಷಿಪಣಿಗಳನ್ನು ಪತ್ತೆಹಚ್ಚಲು ವಿನ್ಯಾಸಗೊಳಿಸಲಾಗಿಲ್ಲ” ಎಂದು ಚೀನಾ ಒಪ್ಪಿಕೊಂಡ ನಂತರ, ಪಾಕಿಸ್ತಾನದಲ್ಲಿ ಚೀನಾ ವಿರೋಧಿ ಅಸಮಾಧಾನ ಇನ್ನಷ್ಟು ಹೆಚ್ಚಿದೆ.

ಪಾಕಿಸ್ತಾನ ಈಗ ಪರ್ಯಾಯಗಳ ಬಗ್ಗೆ ಚಿಂತಿಸುತ್ತಿದೆ. ಮೂಲಗಳ ಪ್ರಕಾರ, ಪಾಕಿಸ್ತಾನ ಈಗ ಟರ್ಕಿಯ ವಾಯು ರಕ್ಷಣಾ ವ್ಯವಸ್ಥೆಗಳ ಬಗ್ಗೆ ವಿಚಾರ ಮಾಡುತ್ತಿದೆ.

ಸಂಬಂಧಿತ ಲೇಖನಗಳು