ರಷ್ಯಾದ ನಗರದ ಮೇಲೆ ಉಕ್ರೇನ್ ನಡೆಸಿದ ಕ್ಲಸ್ಟರ್ ಬಾಂಬ್ ದಾಳಿಯಲ್ಲಿ 21 ಜನರ ಸಾವು

ಉಕ್ರೇನ್‌ನಿಂದ ರಷ್ಯಾಕ್ಕೆ ಬಲವಾದ ಪ್ರತ್ಯುತ್ತರ !

ಮಾಸ್ಕೋ (ರಷ್ಯಾ) – ಉಕ್ರೇನ್ ಮೇಲೆ ರಷ್ಯಾ ನಡೆಸಿದ ಅತಿದೊಡ್ಡ ದಾಳಿಗೆ ಪ್ರತಿಕ್ರಿಯೆಯಾಗಿ, ಉಕ್ರೇನ್ ರಷ್ಯಾದ ಬೆಲ್ಗೊರೊಡ್ ನಗರದ ಮೇಲೆ ದಾಳಿ ಮಾಡಿದೆ. ಇದರಲ್ಲಿ ರಷ್ಯಾದ 21 ಜನರು ಸಾವನ್ನಪ್ಪಿದ್ದರೆ, 111 ಜನರು ಗಾಯಗೊಂಡಿದ್ದಾರೆ. ಕ್ಲಸ್ಟರ್ ಬಾಂಬ್‌ಗಳಿಂದ ಉಕ್ರೇನ್ ದಾಳಿ ನಡೆಸಿದೆ ಎಂದು ರಷ್ಯಾ ಹೇಳಿಕೊಂಡಿದೆ. ಬೆಲ್ಗೊರೊಡ್ ನಗರವು ಉಕ್ರೇನಿಯನ್ ಗಡಿಯಿಂದ ಕೇವಲ 30 ಕಿಲೋಮೀಟರ್ ದೂರದಲ್ಲಿದೆ. ಈ ದಾಳಿಗೆ ಪ್ರತೀಕಾರ ತೀರಿಸಿಕೊಳ್ಳುವ ನಿರ್ಧಾರವನ್ನು ರಷ್ಯಾ ವ್ಯಕ್ತಪಡಿಸಿದೆ. 32 ಉಕ್ರೇನಿಯನ್ ಡ್ರೋನ್‌ಗಳನ್ನು ಹೊಡೆದುರುಳಿಸಿದೆ ಎಂದು ರಷ್ಯಾ ಹೇಳಿಕೊಂಡಿದೆ.

ಕ್ಲಸ್ಟರ್ ಬಾಂಬ್ ಎಂದರೇನು?

ಕ್ಲಸ್ಟರ್ ಬಾಂಬ್ ಅನ್ನು ಗಾಳಿಯಲ್ಲಿ ಬಿಡುಗಡೆ ಮಾಡಿದಾಗ, ಅದು ಅನೇಕ ಸಣ್ಣ ಬಾಂಬ್‌ಗಳನ್ನು ಬಿಡುಗಡೆ ಮಾಡುತ್ತದೆ. ಈ ಸಣ್ಣ ಬಾಂಬ್‌ಗಳು ಸಾಮಾನ್ಯ ಬಾಂಬ್‌ಗಳಿಗಿಂತ ದೊಡ್ಡ ಪ್ರದೇಶದ ಮೇಲೆ ಪರಿಣಾಮ ಬೀರುತ್ತವೆ. ಹೆಚ್ಚಿನ ಸಂದರ್ಭಗಳಲ್ಲಿ ಸಾಮಾನ್ಯ ನಾಗರಿಕರೂ ಅದಕ್ಕೆ ಬಲಿಯಾಗುತ್ತಾರೆ. ಇವುಗಳನ್ನು ವಿಮಾನಗಳ ಮೂಲಕ ಆಕಾಶದಿಂದ ಹಾರಿಸಬಹುದು ಮತ್ತು ಫಿರಂಗಿಗಳ ಮೂಲಕ ನೆಲದಿಂದ ಕೂಡ ಹಾರಿಸಬಹುದು. ಈ ಬಾಂಬ್‌ಗಳನ್ನು ಸ್ಫೋಟಿಸಿದ ನಂತರ, ಹತ್ತಿರದಲ್ಲಿ ಬೀಳುವ ಸಣ್ಣ ಸ್ಫೋಟಕಗಳು ದೀರ್ಘಕಾಲ ಉಳಿಯಬಹುದು. ಯುದ್ಧ ಮುಗಿದ ನಂತರವೂ, ಅದರೊಂದಿಗಿನ ಸಂಪರ್ಕವು ಒಬ್ಬರ ಜೀವವನ್ನು ತೆಗೆದುಕೊಳ್ಳಬಹುದು. ಶತ್ರು ಸೈನಿಕರನ್ನು ಕೊಲ್ಲಲು ಅಥವಾ ಅವರ ವಾಹನಗಳಿಗೆ ಹಾನಿ ಮಾಡಲು ಇವುಗಳನ್ನು ಬಳಸಲಾಗುತ್ತದೆ.

Russia said 20 people including two children had been killed and 111 injured in “indiscriminate” Ukrainian strikes on the Russian provincial capital of Belgorod on Saturday, and vowed to retaliate.

Click the photo to read more: https://t.co/p6r4QNQDKf

— GMA Integrated News (@gmanews) December 31, 2023