ವಿವಾದಿತ ಪಾಕ-ಚೀನಾ ಆರ್ಥಿಕ ಹೆದ್ದಾರಿ ಯೋಜನೆಗೆ ಪಾಕಿಸ್ತಾನದಲ್ಲಿ ಹಿಂಸಾತ್ಮಕ ವಿರೋಧ !

ಇಸ್ಲಾಮಾಬಾದ – ಬಲುಚಿಸ್ತಾನ ಪ್ರಾಂತ್ಯದಲ್ಲಿನ ಗ್ವಾದರನಲ್ಲಿ ವಿವದಿತ ಪಾಕ-ಚೀನಾ ಆರ್ಥಿಕ ಹೆದ್ದಾರಿ ಯೋಜನೆಯ ವಿರೋಧಕ್ಕೆ ಹಿಂಸಾತ್ಮಕ ತಿರುವು ದೊರೆತಿದೆ. ಈ ಯೋಜನೆಯ ವಿರುದ್ಧ ಗ್ವಾದರನ ನಾಗರೀಕರು ದೊಡ್ಡ ಪ್ರಮಾಣದಲ್ಲಿ ರಸ್ತೆಗಿಳಿದಿದ್ದಾರೆ. ಈ ಆಂದೋಲನದ ಕಿಚ್ಚು ದಿನದಿಂದ ದಿನಕ್ಕೆ ಹೆಚ್ಚುತ್ತಿದ್ದು ಇಲ್ಲಿನ ಪರಿಸ್ಥಿತಿಯು ಪಾಕಿಸ್ತಾನದ ನಿಯಂತ್ರಣವನ್ನು ಮೀರುತ್ತಿದೆ. ಆದ್ದರಿಂದ ಪಾಕಿಸ್ತಾನವು ಇಲ್ಲಿ ಇಂಟರನೆಟ್‌ಅನ್ನು ತಡೆದು ಗುಂಪುಗೂಡುವುದರ ಮೇಲೆ ನಿಷೇಧ ಹೇರಿದೆ. ಆದರೂ ಈ ನಿರ್ಬಂಧವನ್ನು ತೊಡೆದು ನಾಗರೀಕರ ಆಂದೋಲನವು ಮುಂದುವರಿದಿದೆ. ಈ ವಿರೋಧದಿಂದಾಗಿ ಚೀನಾವು ಪಾಕಿಸ್ತಾನದ ಮೇಲೆ ಅಸಮಧಾನಗೊಂಡಿದೆ. ‘ಹಕ ದೊ ತಹರೀಕ’ ಈ ಸಂಘಟನೆಯು ಆಂದೋಲನದ ನೇತೃತ್ವವನ್ನು ವಹಿಸುತ್ತಿದೆ. ಆದ್ದರಿಂದ ಚೀನಾವು ಮುಂದಾಳತ್ವ ವಹಿಸಿ ‘ಹಕ ದೊ ತಹರೀಕ’ನ ಅಧ್ಯಕ್ಷ ರಹಮಾನನೊಂದಿಗೆ ಇತರ ಸ್ಥಳೀಯ ನೇತಾರರೊಂದಿಗೆ ಮಾತುಕತೆಯನ್ನು ಆರಂಭಿಸಿದೆ. ಆದರೂ ಆಂದೋಲನಕರರು ಕೇಳುವ ಮನಸ್ಥಿತಿಯಲ್ಲಿ ಇಲ್ಲದಿರುವುದರಿಂದ ಚರ್ಚೆಯ ದ್ವಾರಗಳು ಮುಚ್ಚುವ ಸ್ಥಿತಿಯಲ್ಲಿವೆ.

Hundreds still on streets in Gwadar as government imposes Section 144 banning gatherings of five or more people for a month.https://t.co/MtnbuHrjpg

— Dawn.com (@dawn_com) December 30, 2022

೫ ದಿನಗಳಲ್ಲಿ ೧೦೦ಕ್ಕೂ ಹೆಚ್ಚಿನ ಆಂದೋಲನಕಾರರ ಬಂಧನ !

ಈ ಪ್ರಕರಣದಲ್ಲಿ ಪಾಕಿಸ್ತಾನವು ಕಳೆದ ೫ ದಿನಗಳಲ್ಲಿ ಗ್ವಾದರ, ಪಾಸನೀ, ತುರಬತ, ಮಕರಾನ ಸಹಿತ ಇತರ ಭಾಗಗಳಿಂದ ೧೦೦ಕ್ಕೂ ಹೆಚ್ಚಿನ ಆಂದೋಲನಕಾರರನ್ನು ಬಂಧಿಸಿದೆ. ಇದರಲ್ಲಿ ಮಹಿಳೆಯರ ಗಮನಾರ್ಹ ಸಹಭಾಗವಿದೆ.

ಇದು ನಮ್ಮ ಅಧಿಕಾರಗಳ ಯುದ್ಧವಾಗಿರುವುದರಿಂದ ನಮ್ಮ ವಿರೋಧವು ಮುಂದುವರಿಯುವುದು ! – ಹಕ ದೊ ತಹರೀಕ

‘ಹಕ ದೊ ತಹರೀಕ’ ಸಂಘಟನೆಯ ವತಿಯಿಂದ ನಡೆಯುತ್ತಿರುವ ಆಂದೋಲನದ ನೇತೃತ್ವ ವಹಿಸಿದ ರಹಮಾನರವರು ಒಂದು ವೃತ್ತಪತ್ರಿಕೆಗೆ ‘ಈ ಸಂಘರ್ಷವು ನಮ್ಮ ಗ್ವಾದರನ ಜನರ ಹಕ್ಕುಗಳ ಯುದ್ಧವಾಗಿದೆ. ಆದ್ದರಿಂದ ನಮ್ಮ ವಿರೋಧವು ಮುಂದಿವರಿಯುವುದು. ‘ಪಾಕ-ಚೀನಾ ಆರ್ಥಿಕ ಹೆದ್ದಾರಿ ಯೋಜನೆಯು ಚೀನಾದ ಹಿತಕ್ಕಾಗಿ ಇದೆ. ಚೀನಾದ ಹಸ್ತಕ್ಷೇಪದಿಂದ ನಮ್ಮ ಜೀವನದ ಮೇಲೆ ಪರಿಣಾಮವಾಗಬಹುದು. ಇದನ್ನು ನಾವು ಸಹಿಸುವುದಿಲ್ಲ.’ ಎಂದು ಹೇಳಿದ್ದಾರೆ.